დ. ქუმსიშვილის, გ. კაკაურიძის, ლ. ხუციშვილის, ნ. გაგუას და ც. ყავლაშვილის საქართველოს მთავრობის საკანონმდებლო ინიციატივის წესით საქართველოს პარლამენტში წარდგენილ „საქართველოს 2017 წლის სახელმწიფო ბიუჯეტის შესახებ“ საქართველოს კანონის პროექტზე, თანდართულ მასალებზე, დოკუმენტზე „ქვეყნის ძირითადი მონაცემები და მიმართულებები 2017-2020 წლებისათვის“, საქართველოს მთავრობის მოხსენებაზე „საქართველოს 2016 წლის სახელმწიფო ბიუჯეტის შესრულების მიმდინარეობის შესახებ“ და თანმდევ კანონპროექტებზე მომხსენებლებად დანიშვნის შესახებ

საქართველოს მთავრობის

განკარგულება №2479

2016 წლის 29 ნოემბერი

ქ. თბილისი

დ. ქუმსიშვილის, გ. კაკაურიძის, ლ. ხუციშვილის, ნ. გაგუას და ც. ყავლაშვილის საქართველოს მთავრობის საკანონმდებლო ინიციატივის წესით საქართველოს პარლამენტში წარდგენილ „საქართველოს 2017 წლის სახელმწიფო ბიუჯეტის შესახებ“ საქართველოს კანონის პროექტზე, თანდართულ მასალებზე, დოკუმენტზე „ქვეყნის ძირითადი მონაცემები და მიმართულებები 2017-2020 წლებისათვის“, საქართველოს მთავრობის მოხსენებაზე „საქართველოს 2016 წლის სახელმწიფო ბიუჯეტის შესრულების მიმდინარეობის შესახებ“ და თანმდევ კანონპროექტებზე მომხსენებლებად დანიშვნის შესახებ

1.    „საპარლამენტო მდივნის შესახებ“ საქართველოს კანონის მე-4 მუხლის მე-6 პუნქტის შესაბამისად, საქართველოს მთავრობის საკანონმდებლო ინიციატივის წესით საქართველოს პარლამენტში წარდგენილ „საქართველოს 2017 წლის სახელმწიფო ბიუჯეტის შესახებ“ საქართველოს კანონის პროექტზე, თანდართულ მასალებზე, დოკუმენტზე „ქვეყნის ძირითადი მონაცემები და მიმართულებები 2017-2020 წლებისათვის“ და საქართველოს მთავრობის მოხსენებაზე „საქართველოს 2016 წლის სახელმწიფო ბიუჯეტის შესრულების მიმდინარეობის შესახებ“ საქართველოს პარლამენტის საკომიტეტო სხდომებზე მომხსენებლებად დაინიშნონ საქართველოს ფინანსთა მინისტრის მოადგილეები: გიორგი კაკაურიძე, ლაშა ხუციშვილი, ნიკოლოზ გაგუა და ცოტნე ყავლაშვილი. ასევე თანმდევ კანონპროექტებზე: „საქართველოს საგადასახადო კოდექსში ცვლილების შეტანის შესახებ“, „საქართველოს კანონში „საქართველოს საბიუჯეტო კოდექსი“ ცვლილების შეტანის თაობაზე“, „სათამაშო ბიზნესის მოსაკრებლის შესახებ“ საქართველოს კანონში ცვლილების შეტანის თაობაზე“ და „საქართველოს ორგანულ კანონში „ადგილობრივი თვითმმართველობის კოდექსი“ ცვლილების შეტანის თაობაზე“ საქართველოს პარლამენტის საკომიტეტო და პლენარულ სხდომებზე მომხსენებლებად დაინიშნონ საქართველოს ფინანსთა მინისტრი დიმიტრი ქუმსიშვილი და საქართველოს ფინანსთა მინისტრის მოადგილეები: გიორგი კაკაურიძე, ლაშა ხუციშვილი, ნიკოლოზ გაგუა და ცოტნე ყავლაშვილი.

2.    საქართველოს ზოგადი ადმინისტრაციული კოდექსის 61-ე მუხლის შესაბამისად ძალადაკარგულად გამოცხადდეს „გ. კაკაურიძის, ც. ყავლაშვილისა და დ. ლეჟავას საქართველოს მთავრობის საკანონმდებლო ინიციატივის წესით საქართველოს პარლამენტში წარდგენილ „საქართველოს 2017 წლის სახელმწიფო ბიუჯეტის შესახებ“ საქართველოს კანონის პროექტზე, დოკუმენტზე „ქვეყნის ძირითადი მონაცემები და მიმართულებები 2017-2020 წლებისათვის“ და საქართველოს მთავრობის მოხსენებაზე „საქართველოს 2016 წლის სახელმწიფო ბიუჯეტის შესრულების მიმდინარეობის შესახებ“ მომხსენებლებად დანიშვნის შესახებ“ საქართველოს მთავრობის 2016 წლის 29 სექტემბრის №1941 განკარგულება.

პრემიერ-მინისტრი               გიორგი კვირიკაშვილი