„შპს „ტიფლის ბიზნეს ცენტრის“ საქმიანობის ხელშესაწყობად რიგ ღონისძიებათა განხორციელების თაობაზე“ საქართველოს მთავრობის 2014 წლის 6 ივნისის №989 განკარგულებაში ცვლილების შეტანის შესახებ

 საქართველოს მთავრობის

განკარგულება №2384

2016 წლის 14 ნოემბერი

ქ. თბილისი

„შპს „ტიფლის ბიზნესცენტრის“ საქმიანობის ხელშესაწყობად რიგ ღონისძიებათა განხორციელების თაობაზე“ საქართველოს მთავრობის 2014 წლის 6 ივნისის №989 განკარგულებაში ცვლილების შეტანის შესახებ

1. საქართველოს ზოგადი ადმინისტრაციული კოდექსის 63-ე მუხლისა და „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, „შპს „ტიფლის ბიზნესცენტრის“ საქმიანობის ხელშესაწყობად რიგ ღონისძიებათა განხორციელების თაობაზე“ საქართველოს მთავრობის 2014 წლის 6 ივნისის №989 განკარგულებაში შეტანილ იქნეს ცვლილება და პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ხელშეკრულებით გათვალისწინებული საინვესტიციო ვალდებულების (5.1.2 პუნქტი) შესრულების ვადა განსაზღვროს არაუგვიანეს 2019 წლის 11 ნოემბრით;“.

2. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა − სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                        გიორგი კვირიკაშვილი