„ევროპის საბჭოს განვითარების ბანკს და საქართველოს შორის ჩარჩო სასესხო შეთანხმების „თბილისის საჯარო სკოლების რეაბილიტაცია და ენერგოეფექტურობის გაზრდა“ საქართველოს პარლამენტში რატიფიცირებისათვის წარდგენისა და მომხსენებლებად ქ. ნატრიაშვილის, ლ. გიგაურის, გ. კაკაურიძისა და ლ. ხუციშვილის დანიშვნის შესახებ

საქართველოს მთავრობის

განკარგულება №234 3

2016 წლის 10 ნოემბერი

ქ. თბილისი

„ევროპის საბჭოს განვითარების ბანკს და საქართველოს შორის ჩარჩო სასესხო შეთანხმების „თბილისის საჯარო სკოლების რეაბილიტაცია და ენერგოეფექტურობის გაზრდა“ საქართველოს პარლამენტში რატიფიცირებისათვის წარდგენისა და მომხსენებლებად ქ. ნატრიაშვილის, ლ. გიგაურის, გ. კაკაურიძისა და ლ. ხუციშვილის დანიშვნის შესახებ

1. „სახელმწიფო ვალის შესახებ“ საქართველოს კანონის მე-2 მუხლის 2⁴ პუნქტის შესაბამისად, საქართველოს პარლამენტს რატიფიცირებისათვის წარედგინოს „ევროპის საბჭოს განვითარების ბანკს და საქართველოს შორის ჩარჩო სასესხო შეთანხმება „თბილისის საჯარო სკოლების რეაბილიტაცია და ენერგოეფექტურობის გაზრდა“.

2. „საპარლამენტო მდივნის შესახებ“ საქართველოს კანონის მე-4 მუხლის მე-6 პუნქტის შესაბამისად, საქართველოს პარლამენტში რატიფიცირებისათვის წარდგენილ ამ განკარგულების პირველ პუნქტში აღნიშნულ შეთანხმებაზე საქართველოს პარლამენტის საკომიტეტო და პლენარულ სხდომებზე მომხსენებლებად დაინიშნონ საქართველოს განათლებისა და მეცნიერების მინისტრის პირველი მოადგილე ქეთევან ნატრიაშვილი, საქართველოს განათლებისა და მეცნიერების მინისტრის მოადგილე ლია გიგაური, საქართველოს ფინანსთა მინისტრის მოადგილეები გიორგი კაკაურიძე და ლაშა ხუციშვილი.

პრემიერ-მინისტრი                                         გიორგი კვირიკაშვილი