„ქალაქ ამბროლაურის მუნიციპალიტეტის 2016 წლის ბიუჯეტის დამტკიცების შესახებ“ ქალაქ ამბროლაურის მუნიციპალიტეტის საკრებულოს 2015 წლის 25 დეკემბრის N52 დადგენილებაში ცვლილების შეტანის თაობაზე

ა) „საზოგადოებრივი ჯანმრთელობის შესახებ“ საქართველოს კანონით განსაზღვრული უფლებამოსილების განხორციელებისათვის –  42.2  ათასი ლარი;

ბ) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“ საქართველოს კანონებით განსაზღვრული უფლებამოსილების განხორციელებისათვის  – 38.8 ათასი ლარი.

2. საქართველოს საბიუჯეტო კოდექსის 69-ე მუხლის საფუძველზე, წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი ტრანსფერის ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება.

საქართველოს შეიარაღებული ძალების საბრძოლო მზადყოფნის ამაღლებისათვის ამბროლაურის  მუნიციპალიტეტში ხორციელდება წვევამდელთა გაწვევის პუნქტებამდე ტრანსპორტირება.

1.1. ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 02)

საქართველოს შეიარაღებული ძალების საბრძოლო მზადყოფნის ამაღლებისათვის ამბროლაურის მუნიციპალიტეტში ხორციელდება წვევამდელთა გაწვევის პუნქტებამდე ტრანსპორტირების უზრუნველყოფა.

2.  ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის მოვლა-შენახვა და შემდგომი გაუმჯობესება. ინფრასტრუქტურის მოვლა-შენახვისათვის დაფინანსდება მის ექსპლოატაციასთან დაკავშირებული ხარჯებიც.  

2.1 საგზაო ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 01)

პროგრამის ფარგლებში ქალაქ ამბროლაურში 2016 წელს დაგეგმილია თამარ მეფის და გოგებაშვილის ქუჩებზე გზის დამცავი კედლის მშენებლობა, რითაც გაუმჯობესდებს საგზაო ინფრასტრუქტურა. განხორციელდება ქ. ამბროლაურში, გურგენიძის ქუჩის სარეაბილიტაციო სამუშაოები, ბრატისლავა-რაჭის ქუჩის მიმდებარედ ჩიხების რეაბილიტაცია, აღმაშენებლის ქუჩის (მდ. კრიხულაზე) მიმდებარე ხიდის სარეაბილიტაციო სამუშაოები, ვაჟა-ფშაველას ქუჩის მიმდებარე ჩიხების რეაბილიტაცია.  თანადაფინანსებული იქნება რეგიონებში განსახორციელებელი პროექტები. დაფინანსდება თოვლწმენდის სამუშაოები.

2.2. კომუნალური ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 02)

პროგრამის ფარგლებში განხორციელდება  გარე განათების ქსელის გაფართოებასთან, არსებული ქსელის მოვლა-შენახვასა და  მის ექსპლოატაციასთან დაკავშირებული ხარჯების დაფინანსება. უზრუნველყოფილი იქნება ქალაქის მუნიციპალიტეტის ტერიტორიის დასუფთავება. მოწესრიგდება ქალაქის ინფრასტრუქტურა.

2.2.1. გარე განათების მოწყობა, რეაბილიტაცია და ექსპლოატაცია (პროგრამული კოდი 03 02 01)

ქალაქ ამბროლაურის გარე-განათების ელექტროენერგიის ღირებულების დროულად დაფინანსება ეკონათურების შეძენა-დამონტაჟება და დეკორატიული გარე-განათების მოწყობა. გარე-განათების ძველი ბოძებისა და ნათურების ქალაქის სხვადასხვა ქუჩაზე დამონტაჟება, საახალწლო განათების შეძენა-დამონტაჟება.

2.2.2.  დასუფთავების ღონისძიებები (პროგრამული კოდი 03 02 02)

შეძენილი იქნება მაღალი ხარისხის ნაგვის ბუნკერები, რითაც აღიჭურვება ქალაქის მთლიანი ტერიტორია.

2.2.3. მუნიციპალიტეტის კეთილმოწყობის სამუშაოები(პროგრამული კოდი 03.02 03)

ამ პროგრამის ფარგლებში დაგეგმილია ამხანაგობების შექმნის ფარგლებში კოსტავას ქუჩაზე მდებარე მრავალბინიანი  საცხოვრებელი სახლის რეაბილიტაცია,  ბრატისლავა-რაჭისა და გამსახურდიას ქუჩებზე სკვერების მოწყობა, ტრენაჟორების მოწყობა: კოსტავას ქუჩაზე მდებარე მრავალბინიანი საცხოვრებელი სახლის მიმდებარედ, გამსახურდიას ქუჩაზე და   კოსტავას ქუჩაზე მდებარე სპორტულ კომპლექსთან, ქალაქის შემოსასვლელის მოწყობა ბრატისლავა-რაჭის ქუჩის დასაწყისში, სპორტკომპლექსში, ბრატისლავა-რაჭის, გამსახურდიას ქუჩებზე არსებული სტადიონების რეაბილიტაცია და გურგენიძის ქუჩაზე სტადიონის მოწყობა, უფასო სასადილოს შენობის შიდა ფართის რეაბილიტაცია. დაფინანსდება ლუკოილის მიმდებარე სკვერის მოწყობის მეორე რიგის სამუშაოები. მოხდება ქალაქის ცენტრში არსებული ფანტანის და საცურაო აუზის ფასადის რეაბილიტაცია, კოსტავას ქუჩაზე მდ. რიონის ხიდის  გასწვრივ (ურავის ბინებთან) ბეტონის კედლის და მოაჯირების მოწყობა, აგრეთვე ნაგავშემკრები ავტომობილების სადგომი ფარდულის მოწყობა.  მოხდება ქალაქ ამბროლაურის ბიბლიოთეკის შენობაში გარკვეული ფართის რეაბილიტაცია. მოეწყობა ნაპირდამცავი ნაგებობა ჭავჭავაძის ქუჩაზე. შესრულდება ყოფილი საავადმყოფოს შენობის შიდა ფართის (200 კვ.მ) სარეაბილიტაციო სამუშაოები, სასპორტო კომპლექსთან დაზინებული კედლის აღდგენის სამუშაოები, 2017 წელში განსახორციელებელი ინფრასტრუქტურული ობიექტების საპროექტო სამუშაოები, საცურაო აუზის შენობაში იატაკის და ჭერის რეაბილიტაცია, საჭიდაო დარბაზის იატაკის რეაბილიტაცია, სპორტული ტრენაჟორების  ტერიტორიის შემოღობვა, საზოგადოებრივი ტუალეტის მოწყობა. გაკეთდება რუსთაველის ქუჩაზე, სპორტკომპლექსის მიმდებარედ  ლითონის მოაჯირები.

2.2.4. კანალიზაციისა და სანიაღვრე არხების მშენებლობა-რეაბილიტაცია (პროგრამული კოდი 03 02 04)   

ამ პროგრამის ფარგლებში მოხდება ქალაქის  კანალიზაციის სისტემის თანადაფინანსება. დაგეგმილია ხვანჭკარის, აღმაშენებლის,  გამსახურდიას და თამარ მეფის ქუჩებზე სანიაღვრე არხების მოწყობა, აღნიშნული პროექტების განხორციელებით მოხდება ქალაქის ინფრასტრუქტურის გაუმჯობესება. განხორციელდება ხვანჭკარის ქუჩაზე სანიაღვრე არხის მოწყობის მეორე რიგის  სამუშაოები და  მოეწყობა სანიაღვრე არხები  ბრატისლავა-რაჭის ქუჩის მიმდებარედ, გურგენიძის ქუჩის მიმდებარედ და შიშინაშვილი-ჭიჭინაძის ქუჩების კვეთაზე. 

2.3. ააიპ „ქალაქ ამბროლაურის დასუფთავებისა და კეთილმოწყობის სამსახური" (პროგრამული კოდი 03 03)

პროგრამის ფარგლებში გათვალისწინებულია ქალაქის მუნიციპალიტეტის ყოველდღიური დაგვა-დასუფთავების, ნარჩენების გატანის, ხეების მოჭრის, სანიაღვრე არხების გაწმენდის, ბუნკერების საყოფაცხოვრებო ნარჩენებისგან გათავისუფლების, დასუფთავებასთან დაკავშირებული მოსაკრებლების, ჯარიმების ადმინისტრირების, სასაფლაოების მოვლა-შენახვის, თოვლწმენდის, გამწვანების, გარე განათების არსებული ქსელის ექსპლოატაციისა და მიმდინარე შეკეთების  სამუშაოები.

3. განათლება  (პროგრამული კოდი 04 00)   

მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება  ასევე სკოლამდელ განათლებას,რაც თვითმმართველი ერთეულის საკუთარ უფლებამოსილებას განეკუთვნება და,  შესაბამისად, მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში  განხორციელდება საბავშვო ბაღების  ხარჯების  დაფინანსება. აგრეთვე დაფინანსდება, სკოლისგარეშე განათლება.

3.1არასამეწარმეო (არაკომერციული) იურიდიული პირი  – სკოლამდელი სააღმზრდელო დაწესებულება (პროგრამული კოდი 04 01)

ქალაქ ამბროლაურის მუნიციპალიტეტში ამ ეტაპზე ფუნქციონირებს 1 საბავშვო ბაღი, სადაც დაწყებით განათლებას იღებს 140-მდე აღსაზრდელი. პროგრამის ფარგლებში მუნიციპალიტეტი აფინანსებს ბაღების ფუნქციონირებასთან დაკავშირებულ ყველა სხვა ხარჯს, მათ შორის აღმზრდელთა ხელფასებს და ბაღის სხვა მიმდინარე ხარჯებს.

3.2 არასამეწარმეო (არაკომერციული) იურიდიული პირის – მოსწავლე-ახალგაზრდობის სახლის დაფინანსება (პროგრამული კოდი 04 01 (პროგრამული კოდი 04 02)

მოსწავლე–ახალგაზრდების ზოგადი  განათლების გაღრმავების მიზნით დაფინანსებულია სკოლისგარეშე აღმზრდელობითი ღონისძიების პროგრამა. პროგრამაში ჩართულია  ქალაქ ამბროლაურის მუნიციპალიტეტის საჯარო სკოლის 60-მდე მოსწავლე. პროგრამაში  გათვალისწინებულია, მოსწავლეთა  მოთხოვნის  შესაბამისად კულტურული და საგანმანათლებლო ღონისძიებები, როგორიცაა  თეატრალური, ლიტერატურის, აგრეთვე ბავშვთა მომზადება შემდეგ წრეებში:  ზოგადი უნარ-ჩვევების, მათემატიკური, კომპიუტერული,  რუსული, ინგლისური, გერმანული .

4. კულტურა, რელიგია, ახალგაზრდული და სპორტული ღონისძიებები (პროგრამული კოდი 05 00) 

პროგრამის  მიზანია ხელი შეეწყოს კულტურული ტრადიციების დაცვას და ღირსეულ გაგრძელებას, ამასთანავე, მისი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული დაწესებულებების  ფინანსურ მხარდაჭერას, სპორტის  პოპულარიზაციასა და სპორტული პირობების შექმნა-განვითარებას, რათა ბავშვებმა და ახალგაზრდებმა  შეძლონ სპორტული შესაძლებლობების განვითარება და გამოვლენა.

4.1   სპორტის განვითარების ხელშეწყობა (პროგრამული კოდი 05 01)

პროგრამის ფარგლებში განხორციელდება სხვადასხვა სპორტული სექციის  ფინანსური მხარდაჭერა, რათა  მოსწავლე-ახალგაზრდობას ჰქონდეს  შესაძლებლობა, სპორტული ვარჯიშის  განხორციელებისა თანამედროვე სპორტულ დარბაზებსა და მოედნებზე.

2016 წლის განმავლობაში პროგრამის ფარგლებში განხორციელდება სპორტული  მეცადინეობები და შეჯიბრი შემდეგ  სახეობებში:

–კალათბურთი 

–ჭიდაობა

–ჭადრაკი

–მაგიდის ჩოგბურთი

-რაგბი

-შიდოკან კარატე

-ცურვა

დაფინანსდება  პროგრამით გაწერილი ყველა სპორტული ღონისძიება და ხარჯი.

4.1.1. არასამეწარმეო (არაკომერციული) იურიდიული პირის „ამბროლაურის კომპლექსური სასპორტო სკოლის “ ხელშეწყობის პროგრამა (პროგრამული კოდი 05 01 01)

ქვეპროგრამის ფარგლებში დაგეგმილია სხვადასხვა სპორტულ  სახეობათა სწავლების, სპორტსმენების საშეჯიბრო მივლინების ხარჯების, ასევე მუნიციპალიტეტის ფარგლებში დაგეგმილი სხვადასხვა სპორტული ღონისძიებისა და შეჯიბრების დაფინანსება; შეძენილი იქნება სპორტული ინვენტარი. ქვეპროგრამა განხორციელდება ა(ა)იპ „ამბროლაურის კომპლექსური სასპორტო სკოლის" სუბსიდირების გზით. 

4.1.2. არასამეწარმეო(არაკომერციული)იურიდიული პირის „ჭიდაობის კლუბ ფალავანის" ხელშეწყობის პროგრამა (პროგრამული კოდი 05 01 02)

ქვეროგრამის ფარგლებში დაგეგმილია  მუნიციპალიტეტში ჭიდაობის განვითარების დაფინანსება, სადაც შედის მწვრთნელთა ხელფასები,  სატურნირო მივლინების ხარჯები.  ქვეპროგრამა განხორციელდება ა(ა)იპი „ჭიდაობის კლუბ ფალავანის"    სუბსიდირების გზით.

4.1.3. არასამეწარმეო (არაკომერციული) იურიდიული პირის ,,ამბროლაურის საცურაო აუზის“ ხელშეწყობის პროგრამა (პროგრამული კოდი 05 01 03)

ქვეპროგრამის ფარგლებში დაგეგმილია  მუნიციპალიტეტში ცურვის განვითარების დაფინანსება, სადაც შედის ა(ი)პი „ამბროლაურის საცურაო აუზის“ თანამშრომელთა ხელფასები და ხარჯები, ქვეპროგრამა განხორციელდება    სუბსიდირების გზით.

4.1.4. სპორტული ღონისძიებების ხელშეწყობა (პროგრამული კოდი 05 01 04)       

ქალაქ ამბროლაურის მუნიციპალიტეტის მერია, ქალაქ ამბროლაურის მუნიციპალიტეტის მერიის განათლების, კულტურის, სპორტის, ძეგლთა დაცვის, ახალგაზრდობის, ჯანმრთელობისა და სოციალური დაცვის სამსახურის ინიციატივით, 2016 წელს სპორტული ღონისძიებების ფარგლებში გამართავს მარათონს.

აღნიშნულ მარათონში გარბენის შედეგების მიხედვით დაჯილდოვდება პირველ, მეორე და მესამე ადგილზე გასული ორივე სქესის წარმომადგენელი, ასევე მარათონის მონაწილეთაგან უხუცესი და ყველაზე ნორჩი მონაწილე. თითოეული გამარჯვებული მიიღებს სიგელს და ფულად ჯილდოს 100(ასი) ლარის ოდენიბით.

4.2.  კულტურის განვითარების ხელშეწყობა (პროგრამული კოდი  05 02)

მუნიციპალიტეტის კულტურული ტრადიციების დაცვისა   და ღირსეული გაგრძელების პროგრამის ფარგლებში გაგრძელდება ფინანსური მხარდაჭერა, განხორციელდება კულტურული  ღონისძიებები, კერძოდ: სადღესასწაულო, გასართობი და სანახაობითი.

4.2.1. არასამეწარმეო (არაკომერციული) იურიდიული პირის  – ამბროლაურის კულტურის ცენტრის  დაფინანსება (პროგრამული კოდი  05 02 01)

მუნიციპალიტეტის კულტურული ტრადიციების დაცვისა და ღირსეული გაგრძელების პროგრამის ფარგლებში გაგრძელდება ფინანსური მხარდაჭერა, განხორციელდება კულტურული  ღონისძიებები, კერძოდ: სადღესასწაულო, გასართობი და სანახაობითი.

2016 წლის განმავლობაში დაფინანსდება

-კულტურის სახლთან არსებული თეატრი და ანსამბლები;

-ბიბლიოთეკები;

-სახვითი ხელოვნების მუზეუმი.

4.2.2.  არასამეწარმეო (არაკომერციული) იურიდიული პირის „ამბროლაურის დავით თორაძის სახელობის   სამუსიკო სკოლის“ ხელშეწყობა (პროგრამული კოდი 05 02 02)

მუნიციპალიტეტში 2016 წელს გაგრძელდება ახალგაზრდების კულტურულ-საგანმანათლებლო დონის ამღლების ხელშეწყობა. პროგრამის ფარგლებში დაფინანსდება ა(ა)იპ „დავით თორაძის სახელობის სამუსიკო სკოლა“, სადაც სწავლობს 125-მდე მოსწავლე. სკოლის დაფინანსება ხდება როგორც ბიუჯეტიდან, ასევე მშობელთა შემონატანით. ქვეპროგრამა ხორციელდება სუბსიდირების გზით

4.2.3  არასამეწარმეო (არაკომერციული) იურიდიული პირის „ამბროლაურის უჩა ჯაფარიძის სახელობის  სამხატვრო სკოლის“ ხელშეწყობა (პროგრამული კოდი 05 02 03)

მუნიციპალიტეტში 2016 წელს გაგრძელდება ახალგაზრდების კულტურულ-საგანმანათლებლო დონის ამღლების ხელშეწყობა. პროგრამის ფარგლებში დაფინანსდება  ა(ა)იპ  „უჩა ჯაფარიძის სახელობის სამუსიკო სკოლა“, სადაც სწავლობს 27-მდე მოსწავლე. სკოლის დაფინანსება ხდება როგორც ბიუჯეტიდან ასევე მშობელთა შემონატანით. ქვეპროგრამა ხორციელდება სუბსიდირების გზით

4.2.4. გაზეთის მომსახურების დაფინანსება (პროგრამული კოდი 05 02 04)

პროგრამის ფარგლებში კვლავ გაგრძელდება  საგამომცემლო მომსახურების შესყიდვა მუნიციპალიტეტში მიმდინარე სოციალურ-ეკონომიკური, კულტურული, სპორტული და მოსახლეობისათვის აქტუალური ინფორმაციების გასაშუქებლად.

4.3. ახალგაზრდული და საზოგადოებრივი ღონისძიებების  დაფინანსება (პროგრამული კოდი 05 03)

პროგრამის ფარგლებში დაფინანსდება სხვადასხვა ღონისძიება, რომელიც ხელს შეუწყობს ახალგაზრდა თაობის მეტ ჩართულობას ქალაქ ამბროლაურის მუნიციპალიტეტის ყოველდღიურ საქმიანობასა და მის განვითარებაში.

4.3.1  ახალგაზრდულ ღონისძიებათა დაფინანსება (პროგრამული კოდი 05 03 02)

აღნიშნული ქვეპროგრამა გულისხმობს:

4.3.1.1 ქალაქ ამბროლაურის   საჯარო სკოლების კურსდამთავრებულთათვის ღონისძიების (ბოლო ზარი, ექსკურსია) მოწყობას. დაფინანსება ერთი კალენდარული წლის განმავლობაში შეადგენს არაუმეტეს 1000(ერთიათასი) ლარს. (აღნიშნული თანხა თანაბრად განაწილდება მუნიციპალიტეტის №1 და №2 საჯარო სკოლებზე.

 4.3.1.2 ქალაქ ამბროლაურის   საჯარო სკოლების  მოსწავლეთათვის მუნიციპალიტეტის გარეთ, ქვეყნის მასშტაბით ღონისძიებებზე (გარდა კულტურული ღონისძიებებისა) მიწვევები ერთჯერადადб არაუმეტეს 50 ლარისა. დაფინანსების საერთო ლიმიტი ერთი კალენდარული წლის მანძილზე შეადგენს არაუმეტეს 1000 (ერთი ათასი) ლარისა.          

4.3.2.  საპატიო მოქალაქის წოდების მინიჭების  ღონისძიება (პროგრამული კოდი 05 03 03)

4.3.2.1. ქალაქ ამბროლაურის მუნიციპალიტეტის მერი „ქალაქ ამბროლაურის საპატიო მოქალაქის“ წოდებას მიანიჭებს არაუმეტს  5 ადამიანს.

4.3.2.2. ადამიანს, რომელიც მიიღებს „ქალაქ ამბროლაურის საპატიო მოქალაქის“ წოდებას, გადაეცემა ჯილდო.

4.3.2.3.საპატიო მოქალაქის წოდების მინიჭება და გაცემის წესი რეგულირდება შესაბამისი განკარგულებით.

4.3.3  წოდებებისა და ჯილდოების მინიჭების ღონისძიებები  განათლების სფეროში (პროგრამული კოდი 05 03 04)

ქალაქ ამბროლაურის მუნიციპალიტეტის მერიის განათლების, კულტურის, სპორტის, ძეგლთა დაცვის, ახალგაზრდობის, ჯანმრთელობისა და სოციალური დაცვის სამსახურის (შემდგომში – სამსახური) ინიციატივით, ქალაქ ამბროლაურის მუნიციპალიტეტში წესდება ჯილდოები და წოდებები. პროგრამის ფარგლებში ქალაქ ამბროლაურის მუნიციპალიტეტის მოქალაქეებს, განათლების სფეროში მიენიჭებათ  წოდებები და გადაეცემათ ფულადი ჯოლდოები. ქვეპროგრამის მიზანია აღნიშნული სფეროს წარმომადგენლების შრომითი ნაყოფიერების, პროდუქტიულობისა და მოტივაციის ამაღლება.

4.3.3.1. „წლის საუკეთესო აღმზრდელი“ – ფულადი ჯილდო 300 (სამასი) ლარის ოდენობით. აღნიშნული წოდება მიენიჭება საბავშვო ბაღის აღმზრდელს (აღმზრდელის თანაშემწეს), რომელიც გამოვლინდება მშობლების გამოკითხვის შედეგად. მშობლების გამოკითხვას უზრუნველყოფს სამსახური, საბავშვო ბაღის ხელმძღვანელობასთან ერთად.

4.3.3.2. „წლის საუკეთესო პედაგოგი“ – ფულადი ჯილდო 300 (სამასი)ლარის ოდენობით. აღნიშნული წოდება მიენიჭება ქალაქ ამბროლაურის მუნიციპალიტეტის თითოეული საჯარო სკოლის ერთ მასწავლებელს, რომელსაც გამოავლენენ შესაბამისი სკოლების პედაგოგები და XI-XII კლასის მოსწავლეები, ფარული კენჭისყრით. კენჭისყრის ჩატარებას უზრუნველყოფს სამსახური, ამბროლაურის საგანმანათლებლო რესურსცენტრთან და საჯარო სკოლის ხელმძღვანელობასთან ერთად.

4.3.3. 3. საჯარო სკოლების კურსდამთავრებულებს, რომლებმაც სკოლა დაამთავრეს ოქროს ან ვერცხლის მედალზე (კურსდამთავრებულების შესახებ ინფორმაცია საჯარო სკოლების  მიერ მიეწოდება სამსახურს) გადაეცემათ ფულადი ჯილდო – 300 (სამასი) ლარის ოდენობით ოქროს მედალოსანს, ხოლო – 200 (ორასი) ლარის ოდენობით ვერცხლის მედალოსანს. დასაჯილდოებელთა რაოდენობას გადაწყვეტს სამსახური, დაჯილდოების დროისათვის არსებული მონაცემებისა და მოსწავლეთა რაოდენობის მიხედვით.

4.3.3.4. საჯარო სკოლების ოთხ სოციალურად დაუცველ, წარჩინებულ მოსწავლეს  გადაეცემა პორტატული კომპიუტერები (თითო სკოლიდან ორ მოსწავლეს ), რომლებიც შეირჩევიან V-XI კლასის სოციალურად დაუცველ მოსწავლეთაგან, საუკეთესო აკადემიური მოსწრებისა და სოციალურად დაუცველი მოსახლეობის მონაცემთა ერთიანი ბაზიდან მიღებული ინფორმაციის საფუძველზე. ინფორმაციის დამუშავებასა და კანდიდატების გამოვლენას უზრუნველყოფს სამსახური.

 4.3.4 წოდებების  და ჯილდოების მინიჭების    ღონისძიებები  კულტურისა და სპორტის სფეროში  (პროგრამული კოდი 05 03 05)

ქალაქ ამბროლაურის მუნიციპალიტეტის მერიის განათლების, კულტურის, სპორტის, ძეგლთა დაცვის, ახალგაზრდობის, ჯანმრთელობისა და სოციალური დაცვის სამსახურის (შემდგომში – სამსახური) ინიციატივით, ქალაქ ამბროლაურის მუნიციპალიტეტში წესდება ჯილდოები და წოდებები. პროგრამის ფარგლებში კულტურისა და სპორტის მოღვაწეებს გადაეცემათ ფულადი ჯილდო და მიენიჭებათ წოდებები. პროგრამის მიზანია აღნიშნული სფეროს წარმომადგენლების შრომითი ნაყოფიერების, პროდუქტიულობისა და მოტივაციის ამაღლება.

4.3.4.1 „კულტურის საუკეთესო  მოღვაწე“ – ფულადი ჯილდო 300 (სამასი) ლარის ოდენობით. აღნიშნულ წოდებას მიიღებს კულტურის სფეროს მოღვაწე, რომელსაც გამოავლენს სამსახური, კულტურის ცენტრის ხელმძღვანელის, ქალაქ ამბროლაურის მუნიციპალიტეტის მერიისა და საკრებულოს წარმომადგენელთა ჩართულობით.

4.3.4.2 „წლის საუკეთესო ბიბლიოთეკარი“ – ფულადი ჯილდო 300 (სამასი) ლარის ოდენობით. აღნიშნული წოდება მიენიჭება ქალაქ ამბროლაურის მუნიციპალიტეტის საქალაქო და საბავშვო ბიბლიოთეკების ერთ თანამშრომელს (ბიბლიოთეკარს), თანამშომელთა და XI-XII კლასების მოსწავლეთა  გამოკითხვის შედეგად. გამოკითხვას უზრუნველყოფს სამსახური, ბიბლიოთეკის ხელმძღვანელობასთან ერთად.  

4.3.4.3 „წლის საუკეთესო მკითხველი“ – ფულადი ჯილდო 200 (ორასი) ლარის ოდენობით. აღნიშნული წოდება მიენიჭება საქალაქო და საბავშვო ბიბლიოთეკის თითო ყველაზე აქტიურ მკითხველს. მონაცემებს შეისწავლის სამსახური.

4.3.4.4. „წლის საუკეთესო სპორტსმენი“  (18 წლამდე ასაკის) – ფულადი ჯილდო  ინდივიდუალურ სახეობაში 300 (სამასი) ლარი.

4.3.4.5. ,,წლის საუკეთესო ნაკრები“ – გუნდურ სახეობაში საუკეთესო შედეგების მქონე გუნდს გადაეცემა ფულადი ჯილდო 1000 (ერთი ათასი) ლარის ოდენობით.  

4.3.4.6. ინდივიდუალურ და გუნდურ სახეობებში კანდიდატს გამოავლენს სამსახური,  შესაბამისი ა(ა)იპ-ების მიერ მოწოდებული ინფორმაციის ანალიზის საფუძველზე.

4.3.4.7. სპორტსმენი, რომელიც ქალაქ ამბროლაურის მუნიციპალიტეტის მერიის დაქვემდებარებაში მყოფ არასამეწარმეო (არაკომერციულ) იურიდიული პირიდან   მიწვეულია ან მიწვეულ იქნება საქართველოს ნაკრებში, ქალაქ ამბროლაურის მუნიციპალიტეტის მერიისგან მიიღებს პრემიას ერთი კალენდარული წლის განმავლობაში ერთჯერადად, 1000 (ერთი ათასი) ლარის ოდენობით. 

4.3.4.8. „წლის საუკეთესო მწვრთნელი“ – ფულადი ჯილდო 300(სამასი) ლარის ოდენობით. აღნიშნული წოდება მიენიჭება ქალაქ ამბროლაურის მუნიციპალიტეტის მერიის დაქვემდებარებაში არსებულ არასამეწარმეო (არაკომერციულ) იურიდიულ პირში მოღვაწე მწვრთნელს, რომელსაც გამოავლენს სამსახური, ა(ა)იპ-ების დირექტორების მიერ წარდგენილ კანდიდატთაგან.

4.3.4.9. „წლის საუკეთესო მედიკოსი“  – ფულადი ჯილდო 300(სამასი) ლარის ოდენობით. აღნიშნული წოდება მიენიჭება ქალაქ ამბროლაურის სამედიცინო დაწესებულებებში მოღვაწე ექიმს ან ექთანს, რომელსაც აირჩევს ამ დაწესებულებების პერსონალი, ფარული კენჭისყრის საშუალებით. კენჭისყრის ჩატარებას უზრუნველყოფს სამსახური.

4.3.4.10. ,,ახალგაზრდა ხელოვანი“  -  ფულადი ჯილდო 300(სამასი) ლარის ოდენობით. აღნიშნული წოდება მიენიჭება ქალაქ ამბროლაურის მუნიციპალიტეტის მერიის დაქვემდებარებაში არსებული არასამეწარმეო (არაკომერციული) იურიდიული პირის აღსაზრდელს, რომელსაც გამოავლენს სამსახური, ა(ა)იპ-ების დირექტორების მიერ წარდგენილ კანდიდატთაგან.

4.3.5.  ქვეპროგრამა:  წოდების მინიჭება „ქალაქზე მზრუნველი“  (პროგრამული კოდი 05 03 07)

პროგრამის მიზანია საზოგადოებაში წახალისებულ იქნეს ქალაქისთვის სასარგებლო საქმიანობა, ასევე ნებისმიერი ქმედება, რომელიც  ქალაქ ამბროლაურზე ზრუნვისაგან შეიძლება იყოს განპირობებული. პროგრამის არსი მდგომარეობს დევიზში: ,,ჩვენი პასუხისმგებლობაა არამხოლოდ ის, რასაც ვაკეთებთ, არამედ ისიც, რისი გაკეთებაც შეგვეძლო და არ გავაკეთეთ“.

4.3.5.1. ქალაქ ამბროლაურის მუნიციპალიტეტის მერი „ქალაქზე მზრუნველის“ წოდებას მიანიჭებს არაუმეტს  3 ადამიანს.

4.3.5.2. ადამიანს, რომელსაც მიენიჭება „ქალაქზე მზრუნველის“ წოდება, გადაეცემა ფულადი ჯილდო 300(სამასი) ლარის ოდენობით.

4.3.5.3. შედეგების გამოცხადება და ჯილდოს გადაცემა მოხდება  ქალაქ ამბროლაურის მუნიციპალიტეტის მერის მიერ.

5. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძნობს მოსახლეობის სხვადასხვა დახმარებითა და შეღავათით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე ღონისძიებების განხორციელება, რაც უზრუნველყოფს მოსახლეობის ჯანმრთელობის დაცვას გადამდები და ინფექციური დაავადებებისგან.

5.1. არასამეწარმეო (არაკომერციული) იურიდიული პირის „ამბროლაურის ერთიანი ადგილობრივი საზოგადოებრივი ჯანდაცვის ცენტრის“ დაფინანსება (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“  საქართველოს კანონით განსაზღვრული ღონისძიებების დაფინანსებას, კერძოდ:

5.1.1.გადამდებ-არაგადამდებ დაავადებათა ეპიდზედამხედველობა, მოსახლეობის ჯანმრთელობის მდგომარეობის შეფასება.

5.1.2.ჯანმრთელობის რისკ-ფაქტორებზე მონიტორინგი და მყისიერი რეაგირება საგანგებო სიტუაციების დროს, კოორდინაცია ცენტრალურ სტრუქტურებთან.

5.1.3. გარემოს, შრომის ,სასმელი წყლის, საკვების უსაფრთხოების დაცვის ხელშეწყობა.

5.1.4.ჯანმრთელობის განმტკიცება ჯანმრთელობაში უთანასწორობისა და სოციალურ დეტერმინანტებზე ზემოქმედების განხორციელების გზით.

5.1.5. დაავადებათა ადრეული გამოვლენა და პროფილაქტიკა.

5.1.6. მოსახლეობის, თემის წარმომადგენლების, ცალკეული მოწყვლადი ჯგუფების ორგანიზება და გაძღოლა ჯანმრთელობასა და კეთილდღეობასთან დაკავშირებულ საკითხებში.

5.1.7. პროფესიული ადამიანური რესურსების განვითარება, მოტივირება და შენარჩუნება.

5.1.8. საზოგადოებრივი ჯანდაცვის ორგანიზაციურ-სტრუქტურული სრულყოფა, ადეკვატური დაფინანსების მიღწევა საზოგადოებრივი ჯანმრთელობის სერვისებსა და პროდუქტებზე, ხელმისაწვდომობის უზრუნველყოფა.

5.1.9. ჯანმრთელობის ადვოკატირება, კომუნიკაციის გაუმჯობესება, მოსახლეობაში საინფორმაციო განმარტებითი საქმიანობის წარმართვა, სოციალური მობილიზაციის ხელშეწყობა და საჭიროების შემთხვევაში მისი უზრუნველყოფა.

5.1.10.მტკიცებულებაზე დაფუძნებული ჯანდაცვის პოლიტიკისა და პრაქტიკის წარმოებისათვის კვლევითი სამუშაოების წარმოება და მონაწილეობის მიღება

5.1.11.პროგრამა ხორციელდება სუბსიდირების გზით.

6. ქალაქ ამბროლაურის მუნიციპალიტეტის ტერიტორიაზე რეგისტრირებული მუდმივად მცხოვრები მოსახლეობის სამედიცინო მომსახურების სოციალური პროგრამა (პროგრამული კოდი 06 02 )

ქალაქ ამბროლაურის მუნიციპალიტეტის ტერიტორიაზე რეგისტრირებული (არანაკლებ ექვსი თვისა) მუდმივად მცხოვრები მოსახლეობის სამედიცინო მომსახურების სოციალური პროგრამა (შემდგომში – პროგრამა) განსაზღვრავს ქალაქ ამბროლაურის მუნიციპალიტეტის (შემდგომში – მუნიციპალიტეტი) ტერიტორიაზე რეგისტრირებული მოსახლეობისათვის (გარდა ამ პროგრამის 06 02 06 გათვალისწინებული ქვეპროგრამისა), აგრეთვე მუნიციპალიტეტის ადმინისტრაციულ საზღვრებში მცხოვრები დროებით რეგისტრირებული დევნილი მოსახლეობისათვის მუნიციპალიტეტის ბიუჯეტიდან დაფინანსების ოდენობასა და გაცემის წესს. პროგრამის მიზანია იმ სამედიცინო მომსახურების დაფინანსება, რომელიც არ ფინანსდება სახელმწიფო პროგრამებით ან/და კერძო სადაზღვევო კომპანიების მიერ. აგრეთვე, მომსახურების იმ ნაწილის თანადაფინანსება, რაც ნაწილობრივ ფინანსდება საყოველთაო ჯანდაცვისა და სხვა სახის დაზღვევით.

 6.1. ხანგრძლივად მოავადე პაციენტთა სამედიცინო   მომსახურების ქვეპროგრამა (მედიკამენტური მკურნალობა)   (პროგრამული კოდი 06 02 01)

 6.1.1. ქვეპროგრამის მოსარგებლეა შაქრიანი დიაბეტით, იშემიური და ჰემორაგიული ინსულტით, ბრონქული ასთმით, კრონის დაავადებით, ეპილეფსიით, გლაუკომით, ფსორიაზით, სისხლის ქრონიკული დაავადებებით (ლეიკემია, ლიმფომა), ციროზით (გარდა ,,C ჰეპატიტის ელიმინაციის პროგრამაში“ ჩართული პირებისა), ფარისებრი ჯირკვლით გამოწვეული დაავადებებით (დიფუზური ტოქსიური ჩიყვი, კვანძოვანი ჩიყვი, ჰიპოთირეოზი, აუტოიმუნური თირეოდიტი) ფილტვის ქრონიკული ობსტრუქციული დაავადებით (ქოდ)ართრიტით და ართროზით ხანგრძლივად მოავადე პირი, რომელსაც ავადობის დიაგნოზით სჭირდება უწყვეტი თერაპიული მკურნალობის კურსი და მკურნალობა არ/ან ნაწილობრივ ფინანსდება სახელმწიფო პროგრამით ან/და კერძო სადაზღვევო კომპანიების მიერ.

6.1.2 ამ მუხლის პირველი პუნქტით განსაზღვრულ მოსარგებლეებს საჭიროების შემთხვევაში ასევე დაუფინანსდებათ თანმხლები დაავადებების სამკურნალოდ საჭირო მედიკამენტები, სისხლი ან მისი კომპონენტი (პლაზმა, ერითროციტული მასა, თრომბოციტული მასა).

6.1.3 ამ მუხლის პირველი პუნქტით განსაზღვრული დაავადებების მქონე პაციენტების მედიკამენტური მკურნალობა ფინანსდება წლიური 200 (ორასი) ლარიანი ლიმიტის ამოწურვამდე.

6.2.ონკოლოგიური/სიმსივნური დაავადების მქონე პაციენტთა დაფინანსების /თანადაფინანსების  ქვეპროგრამა (პროგრამული კოდი 06 02 02)

6.2.1.  პროგრამის მოსარგებლეა ონკოლოგიური/სიმსივნური დაავადების მქონე პაციენტი, რომელსაც   ავადობის დიაგნოზით ესაჭიროება ქირურგიული ოპერაცია, ქიმიოთერაპია, სხივური თერაპია, ჰორმონოთერაპია, მედიკამენტური მკურნალობა, ექოსკოპია, სისხლის ან მისი კომპონენტის (პლაზმა, ერითროციტული მასა, თრომბოციტული მასა) გადასხმა.

6.2.2. მოსარგებლე ფინანსდება ფაქტობრივი ხარჯის მიხედვით წლიური 2000 (ორი ათასი) ლარიანი ლიმიტის ამოწურვამდე.

6.2.3. ქვეპროგრამის ფარგლებში არ დაფინანსდება საზღვარგარეთ მკურნალობა და უკვე ჩატარებული სამედიცინო მომსახურება.

6.3. ,,დიალიზი და თირკმლის ტრანსპლანტაციის“ სახელმწიფო პროგრამით მოსარგებლეთა დახმარების ქვეპროგრამა (პროგრამული კოდი 06 02 03)

6.3.1. პროგრამის მოსარგებლეა პირი, რომელსაც ავადობის დიაგნოზით დაენიშნა დიალიზის კომპონენტის სამედიცინო მომსახურება.

6.3.2 მოსარგებლე ფინანსდება ყოველთვიურად და დახმარების მოცულობა განისაზღვრება თვეში 200 (ორასი) ლარის ოდენობით.

6.4. ამბულატორიული მაღალტექნოლოგიური სამედიცინო მომსახურებაზე ფინანსური ხელმისაწვდომობის უზრუნველყოფის ქვეპროგრამა (პროგრამული კოდი 06 02 04)

6.4.1. მაღალტექნოლოგიური დიაგნოსტიკური გამოკვლევები ძვირადღირებულ სამედიცინო მომსახურებას მიეკუთვნება და მოსახლეობის დიდი ნაწილისათვის მიუწვდომელი რჩება მაშინ, როდესაც მთელი რიგი დაავადებების დიაგნოსტიკისა და მკურნალობის ტაქტიკის განსაზღვრისთვის აუცილებელ პირობას წარმოადგენს.

6.4.2. დახმარება გაეწევა ქალაქ ამბროლაურის მუნიციპალიტეტში რეგისტრირებულ მოსახლეობას მომსახურების მიმწოდებლის ანგარიშ-ფაქტურის მიხედვით:

6.4.2.1. სოციალურად დაუცველ ( სარეიტინგო ქულა  100 000 და ნაკლები) პაციენტებს - 100%-ით.

6.4.2.2. 0-დან 18 წლამდე ასაკის ბავშვებს - 100 %-ით.

6.4.2.3. ომისა და სამხედრო ძალების ვეტერანებს - 100%-ით.

6.4.2.4. სხვა დანარჩენ მოსახლეობას  - 50%-ით, გარდა მე-6.4.6.პუნქტის ,,6.4.6.5.“,   ,,6.4.6.6.“  და  ,,6.4.6.7.“ ქვეპუნქტებისა.  

6.4.3.  ქვეპროგრამით განსაზღვრულია (ექიმის დანიშნულებით) ბენეფიციარისთვის რამოდენიმე გამოკვლევის დაფინანსება, რომლის ღირებულებაც არ უნდა აღემატებოდეს 500 (ხუთას) ლარს, გარდა 6.4.6.5. “ ,  ,, 6.4.6.6. “  და  ,, 6.4.6.7. “ ქვეპუნქტებისა.

6.4.4. ქვეპროგრამით განსაზღვრული სერვისებით ვერ ისარგებლებენ სახელმწიფო ბიუჯეტის ფარგლებში დაფინანსებული სამედიცინო პროგრამის ბენეფიციარები, აგრეთვე, ინდივიდუალური და კორპორაციული დაზღვევით მოსარგებლეები, გარდა იმ შემთხვევებისა, თუ ისინი არ/ან ნაწილობრივ ითვალისწინებს აღნიშნული სადიაგნოსტიკო კვლევის დაფინანსებას.

6.4.5. ქვეპროგრამის ფარგლებში არ დაფინანსდება საზღვარგარეთ ჩასატარებელი და უკვე ჩატარებული სამედიცინო მომსახურება.

6.4.6.დაფინანსდება შემდეგი მომსახურებები:

6.4.6.1. კომპიუტერული ტომოგრაფია.

6.4.6.2.ანგიოგრაფიები.

6.4.6.3. მაგნიტურ-რეზონანსული ტომოგრაფია.

6.4.6.4. პოზიტრონ-ემისიური ტომოგრაფია.

6.4.6.5.გასტროსკოპია (დაფინანსდება 500 (ხუთასი) ლარიანი შეზღუდვის გაუთვალისწინებლად 100%-ით).

6.4.6.6. კორონაროგრაფია/ვენტრიკულოგრაფია (დაფინანსდება 500(ხუთასი) ლარიანი შეზღუდვის გაუთვალისწინებლად 100 %-ით).

6.4.6.7. ღვიძლის ელასტოგრაფია (დაფინანსდება 500 (ხუთასი) ლარიანი შეზღუდვის გაუთვალისწინებლად 100 %-ით, გარდა ,,C ჰეპატიტის ელიმინაციის პროგრამაში ჩართული პაციენტებისა, რომელთა FIB4 ქულა არის 1.45-3.25 მაჩვენებლებს შორის“).

6.5. ქირურგიული ოპერაციის საჭიროების მქონე პაციენტთა თანადაფინანსების ქვეპროგრამა  (პროგრამული კოდი 06 02 05)

6.5.1.ქვეპროგრამის მიზანია მოსახლეობისათვის ცხვირ-ხახის და შარდ-სასქესო სისტემაზე, გულის იშემიურ დაავადებაზე, ასევე ძვალ-სახსროვან აპარატზე ოპერაციული ჩარევის ხელმისაწვდომობის უზრუნველყოფა.

6.5.2. ქვეპროგრამის მოსარგებლეა მუნიციპალიტეტში რეგისტრირებული:

6.5.2.1. 0-18 წლამდე ასაკის არასრულწლოვანი, რომელსაც ავადობის დიაგნოზით ესაჭიროება ტონზილექტომია და ადენოტომია.

6.5.2.2. პაციენტი, რომელსაც ავადობის დიაგნოზით ესაჭიროება ნეფროტომია, ნეფრექტომია, პროსტატექტომია, ლითოტროფსია, ფომოზის და ჰოდროცელეს ოპერაციული მკურნალობა.

6.5.2.3. პაციენტი, რომელსაც ესაჭიროება ძვალ-სახსროვანი აპარატის ტრავმული დაზიანების ოპერაციული მკურნალობა.

6.5.2.4.  პაციენტი, რომელსაც ავადობის დიაგნოზით საჭიროებს კორონალური არტერიების სტენტირებას.

6.5.3. ქვეპროგრამის ფარგლებში  დაფინანსდება პაციენტის გადასახდელი თანხა (თანაგადახდის კუთხით).  ამ მუხლის  6.5.2.  პუნქტის „6.5.2.3.  “ ქვეპუნქტით განსაზღვრულ შემთხვევაში,  დაფინანსება მოხდება არაუმეტეს 1000 (ერთი ათასი) ლარით.

 6.5.4.  ქვეპროგრამით გათვალისწინებული სერვისებით ვერ ისარგებლებენ სახელმწიფო ბიუჯეტის ფარგლებში  დაფინანსებული სამედიცინო პროგრამის ბენეფიციარები, ასევე, ინდივიდუალური და კორპორაციული დაზღვევით მოსარგებლეები, გარდა იმ შემთხვევებისა, თუ ისინი არ/ან ნაწილობრივ ითვალისწინებს აღნიშნული ქირურგიული მკურნალობის დაფინანსებას.                                                

6.5.5.  ქვეპროგრამის ფარგლებში არ დაფინანსდება უკვე ჩატარებული მკურნალობა პაციენტის სტაციონარიდან გაწერის შემდეგ/საზღვარგარეთ მკურნალობა.

6.6. C ჰეპატიტით დაავადებულ პირთა დიაგნოსტიკის ქვეპროგრამა (პროგრამული კოდი 06 02 06)

6.6.1. ქვეპროგრამა განსაზღვრავს C ჰეპატიტით დაავადებულ პირებში მკურნალობის ტაქტიკის განსაზღვრისათვის საჭირო კვლევების განხორციელების პირობებს. ქვეპროგრამის მიზანს წარმოადგენს მკურნალობის პროცესში დაავადებულ პირთა ჩართვის ხელშეწყობა. ქ. ამბროლაურში რეგისტრირებული C ჰეპატიტით დაავადებული პირებისათვის სამკურნალო ღონისძიებების ჩატარებისათვის (მ.შ. მედიკამენტებზე შეღავათით სარგებლობის მისაღებად) აუცილებელი, დაავადების სტადიის განსასაზღვრი გამოკვლევების ხელმისაწვდომობის უზრუნველყოფა.

6.6.2. ქვეპროგრამის მოსარგებლეები არიან ქ. ამბროლაურის მუნიციპალიტეტში რეგისტრირებული საქართველოს მოქალაქეები, იძულებით გადაადგილებული პირები და ,,სოციალურად დაუცველი ოჯახების მონაცემთა ერთიან ბაზაში“ რეგისტრირებული ის პირები, რომლებსაც ფაქტობრივი საცხოვრებელი ადგილი აქვთ ქ. ამბროლაურში. ამასთან, ამ პუნქტით გათვალისწინებული პირები ჩართულნი უნდა იყვნენ საქართველოს შრომის, ჯანმრთელობისა და სოციალური დაცვის სამინისტროს ,,C ჰეპატიტის მართვის პირველი ეტაპის ღონისძიებების უზრუნველყოფის თაობაზე სახელმწიფო პროგრამის“ C ჰეპატიტით დაავადებულ პირთა დიაგნოსტიკის კომპონენტში.

 6.6.3. ქვეპროგრამით გათვალისწინებული მომსახურება მოიცავს:

6.6.3.1. ამ ქვეპროგრამის  6.6.2. პუნქტით განსაზღვრული პირებისათვის, რომლებსაც ჩატარებული აქვთ კვლევა C ჰეპატიტის ვირუსის საწინააღმდეგო ანტისხეულების განსაზღვრის მიზნით სწრაფი/მარტივი ან/და იმუნოფერმენტული ანალიზის (იფა) მეთოდით და მიღებული აქვთ დადებითი პასუხი (წარმოდგენილი კვლევის შედეგის საფუძველზე), მკურნალობაში ჩართვამდე და მკურნალობის პროცესის მონიტორინგისათვის აუცილებელი კვლევების ჩატარების უზრუნველყოფენ შემდეგი პრინციპით:

6.6.3.1.1. ექიმთან ვიზიტი;

6.6.3.1.2. ანტი HCV სისხლში HCV რნმ-ის რაოდენობრივი განსაზღვრა რეალურ დროში პოლიმერაზული ჯაჭვური რეაქციის მეთოდით.

6.6.3.1.3. HCV რნმ პოზიტიურ პაციენტებს - სისხლის საერთო ანალიზი, ღვიძლის ფუნქციური სინჯები (ALT, AST კვლევები) და ღვიძლის ფიბროზის ხარისხის განსაზღვრა FIB-4 ტესტის დათვლით.

6.6.3.1.4.ღვიძლის ელასტოგრაფია (თუ FIB4 ქულა არის 1.45-3.25 მაჩვენებლებს შორის).

6.6.3.1.5. ღვიძლის ფიბროზის F,F3-F4 და F4 ხარისხის მქონე პაციენტებს ზემოაღნიშნული გამოკვლევების გარდა უტარდებათ შემდეგი გამოკვლევები.

6.6.3.1.5.1. HCV გენეტიკური ტიპის განსაზღვრა ხაზოვანი ჰიბრიდიზაციის ან რეალურ დროში პოლიმერაზული ჯაჭვური რეაქციის მეთოდით.

6.6.3.1.5.2. HBsAg, Anti-HBs, G-GT, ტუტე ფოსფატაზა, ბილირუბინი (პირდაპირი და საერთო), კრეატინინი, გლუკოზა, ალბუმინი, INR, ANA, TSH, მუცლის ღრუს ულტრაბგერითი გამოკვლევა.

6.6.4. ამ ქვეპროგრამის 6.6.3. პუნქტის ,,6.6.3.1.“ ქვეპუნქტით განსაზღვრული მომსახურებები ფინანსდება ფაქტობრივი ხარჯის მიხედვით წლიური 500-ლარიანი ლიმიტის ამოწურვამდე.

6.6.5. ამ ქვეპროგრამის 6.6.3. პუნქტის ,,6.6.3.1.“ ქვეპუნქტით გათვალისწინებული მომსახურება პირებისათვის, რომლებიც რეგისტრირებულნი არიან ,,სოციალურად დაუცველი ოჯახების მონაცემთა ერთიან ბაზაში“ და რომელთა სარეიტინგო ქულა არ აღემატება 70000-ს, ფინანსდება ღირებულების 30%, ხოლო ყველა სხვა მოსარგებლისათვის ღირებულების 70%, 6.6.4. პუნქტით დადგენილი შეზღუდვის გათვალისწინებით. 

7. ქალაქ ამბროლაურის მუნიციპალიტეტის სოციალური დაცვის პროგრამა და ბენეფიტის გაცემის წესი. (პროგრამული კოდი 06 03)

ქალაქ ამბროლაურის მუნიციპალიტეტის სოციალური დაცვის პროგრამა (შემდგომში – პროგრამა) განსაზღვრავს ქალაქ ამბროლაურის მუნიციპალიტეტის (შემდგომში – მუნიციპალიტეტი) ტერიტორიაზე მცხოვრები და რეგისტრირებული მოსახლეობისათვის, აგრეთვე მუნიციპალიტეტის ადმინისტრაციულ საზღვრებში მცხოვრები დროებით რეგისტრირებული დევნილი მოსახლეობისათვის მუნიციპალიტეტის ბიუჯეტიდან გასაცემი თანხის ოდენობასა და  გაცემის წესს.

პროგრამის მიზნებია ეკონომიკურად შეჭირვებულ მოქალაქეთა სოციალური დაცვა; ახალშობილთა, მრავალშვილიანი, მარჩენალდაკარგული ოჯახების, შეზღუდული შესაძლებლობის მქონე პირთა, ვეტერანთა, 90 წლის და ზემოთ ასაკის მქონე მოქალაქეების, ხანძრის შედეგად დაზარალებული ოჯახების,  მზრუნველობამოკლებული, მიუსაფარი ბავშვების სოციალური დაცვა და ფინანსური დახმარება; უკიდურესად გაჭირვებული, უსახლკარო ოჯახების  ყოფითი პირობების გაუმჯობესების ხელშეწყობა;  სოციალურად დაუცველი მოსახლეობის საშეშე მერქნით დახმარება.

პროგრამის მიზნობრივ ჯგუფებს წარმოადგენს: სოციალურად დაუცველი, ახალშობილთა, მრავალშვილიანი და მარჩენალდაკარგული ოჯახები, ომისა და სამხედრო ძალების ვეტერანები, უსახლკაროები, ხანძრის შედეგად დაზარალებული ოჯახები, მძიმე დაავადების მქონე შშმ პირები, შეზღუდული შესაძლებლობის მქონე, მზრუნველობამოკლებული, მიუსაფარი და უკიდურესად გაჭირვებული ბავშვები, ხანდაზმულები, ელექტროენერგიით მოსარგებლე ოჯახები (აბონენტები).

7.1.სოციალურად დაუცველი მოსახლეობის ყოველდღიური უფასო ერთჯერადი კვება (პროგრამული კოდი 06 03 01)

 7.1.1. ყოველდღიური ერთჯერადი უფასო კვების მომსახურება გაეწევა:

7.1.1.1 ქალაქ ამბროლაურში რეგისტრირებულ მოქალაქეს, რომლის ოჯახის სარეიტინგო ქულა სოციალურად დაუცველთა მონაცემების ერთიან ბაზაში არ აღემატება 65 000-ს.

7.1.1.2. მარჩენალდაკარგულ ბავშვს.

7.1.1.3.შეზღუდული შესაძლებლობის მქონე პირს, რომელიც საჭიროებს მომვლელს.

7.1.1.4. მერიის განათლების, კულტურის, სპორტის, ძეგლთა დაცვის, ახალგაზრდობის, ჯანმრთელობისა და სოციალური დაცვის სამსახური (შემდგომში – სამსახური) ამოწმებს მერიაში შემოსულ განცხადებებს თანდართულ დოკუმენტაციასთან ერთად. შემოწმების შემდგომ სრულყოფილ მასალებს სამსახური დასკვნასთან ერთად გადასცემს შემდგომი განხილვისათვის მერის ბრძანების საფუძველზე შექმნილ სოციალური პროგრამებისა და სოციალური  საკითხების შემსწავლელ მუდმივმოქმედ კომისიას(შემდგომში – კომისია).

7.1.1.5. კომისია მიღებულ გადაწყვეტილებას (რომელიც ფორმდება კომისიის სხდომის ოქმით) წარუდგენს მუნიციპალიტეტის მერს. კომისია უფლებამოსილია დაუშვას გამონაკლისი და მიმართოს რეკომენდაციით მერს, ყოველდღიური უფასო ერთჯერადი კვების პროგრამაში ჩარიცხოს მოქალაქე, რომელიც ქვეპროგრამით დადგენილ კრიტერიუმებს ვერ აკმაყოფილებს. ამ შემთხვევაში დაინტერესებულმა მხარემ დამატებით უნდა წარმოადგინოს, ქალაქ ამბროლაურის მუნიციპალიტეტის პირველი მოწვევის საკრებულოს არანაკლებ სამი დეპუტატის მიერ დამოწმებული წერილობითი შუამდგომლობა, მისი უკიდურესი შეჭირვებულობისა და უფასო კვების პროგრამაში ჩართვის სასიცოცხლო აუცილებლობის შესახებ.

7.1.1.6. კომისიის გადაწყვეტილების საფუძველზე, მუნიციპალიტეტის მერი გამოსცემს ბრძანებას მოსარგებლეთა უფასო კვების ობიექტში ჩარიცხვის შესახებ.

7.1.1.7. ყოველდღიური უფასო ერთჯერადი კვება ხორციელდება მუნიციპალიტეტის უფასო სასადილოში (მისამართი ქ. ამბროლაური, ვ. კობახიძის ქ. №4) ყოველდღიურად, კვირისა და სადღესასწაულო დღეების გარდაю

7.1.1.8. კვება ხორციელდება ,,სახელმწიფო შესყიდვების შესახებ“ საქართველოს კანონის შესაბამისად, ქალაქის მერსა და კვების მომსახურების მიმწოდებელ პირს შორის გაფორმებული ხელშეკრულების პირობებით.

7.2. ახალშობილთა ოჯახების ერთჯერადი ფინანსური დახმარება (პროგრამული კოდი 06 03 02)

7.2.1. ახალშობილთა ერთჯერადი ფინანსური დახმარება გაეწევა ქალაქ ამბროლაურში მცხოვრებ ოჯახს, რომელთა ახალშობილიც დარეგისტრირდა ამავე  ქალაქის მაცხოვრებლად.

7.2.2. პირველ ახალშობილზე გაიცემა ერთჯერადი ფინანსური დახმარება 350 (სამას ორმოცდაათი) ლარის ოდენობით, ხოლო ყოველ მომდევნო ახალშობილზე თითოეულისთვის 50(ორმოცდაათი)  ლარით მეტი.

7.2.3.  ტყუპი ახალშობილების შემთხვევაში 1000 (ერთი ათასი) ლარის ოდენობით.

7.2.4 თუ ბენეფიციარს დახმარების მიღების უფლება წარმოეშვება ამ მუხლით გათვალისწინებული  ერთზე მეტი საფუძვლით, დახმარება მიეცემა მხოლოდ ერთი საფუძვლით - მაქსიმალური თანხის უპირატესობის პრინციპით.

7.3. მიცვალებულთა სარიტუალო მომსახურება (პროგრამული კოდი 06 03 03)

7.3.1ადგილობრივი ბიუჯეტიდან ანაზღაურდება შემდეგი სახის სარიტუალო მომსახურება:

7.3.1.1.მუნიციპალიტეტში დროებით რეგისტრირებულ იძულებით გადაადგილებულ პირთა დაკრძალვის სარიტუალო მომსახურება.

7.3.1.2ქალაქ ამბროლაურის მუნიციპალიტეტში რეგისტრირებული უპატრონო      მიცვალებულთა სარიტუალო მომსახურება.

7.3.1.3. ომისა და სამხედრო ძალების ვეტერანის(ომის მონაწილე) დაკრძალვის სარიტუალო მომსახურება.

7.3.2. სარიტუალო მომსახურება ანაზღაურდება 350 (სამას ორმოცდაათი) ლარით, გარდა ამ მუხლის 7.3.1 პუნქტის 7.3.1.3.  ქვეპუნქტით განსაზღვრული შემთხვევისა. ომისა და სამხედრო ძალების ვეტერანის (ომის მონაწილე) დაკრძალვის სარიტუალო მომსახურება ანაზღაურდება 300 (სამასი) ლარით.

7.4. შეზღუდული შესაძლებლობის მქონე პირთა ფინანსური დახმარება (პროგრამული კოდი 06 03 04)

7.4.1 ყოველთვიური ფინანსური დახმარება გაეწევა ქალაქ ამბროლაურის მუნიციპალიტეტში რეგისტრირებულ შეზღუდული შესაძლებლობის სტატუსის მქონე:

7.4.1.1.  0-დან 18 წლამდე ასაკის ბავშვებს თვეში 100 ლარის ოდენობით.

7.4.1.2. მძიმე დაავადების მატარებელს (სიმსივნე IV სტადია, ასციტი, ლეიკემია, შიზოფრენია), თვეში 100 ლარის ოდენობით.

7.4.1.2.1. პირს, რომელიც ვერ ახერხებს დამოუკიდებლად გადაადგილებას (ცერებრალური დამბლა, დაუნის სინდრომი, ტეტრაპლეგია, ჰემიპლეგია, მკვეთრად გამოხატული ტეტრაპარეზი, მკვეთრად გამოხატული პარაპარეზი, მყარი ნარჩენი მოვლენები მკვეთრად გამოხატული ჰემიპარეზით),ქვედა კიდურის ტაკვი (ამპუტაციის შემდგომი პერიოდი) თვეში 100 ლარის ოდენობით.

7.4.1.2.2. მკვეთრად გამოხატული შეზღუდული შესაძლებლობის მქონე უსინათლოს, თვეში 100 ლარის ოდენობით.

7.5.  ხანძრის შედეგად (საცხოვრებელ სახლზე) დაზარალებული ოჯახების ფინანსური დახმარება (პროგრამული კოდი 06 03 05)

ქალაქ ამბროლაურში რეგისტრირებულ, ხანძრის შედეგად საცხოვრებელ სახლზე მიყენებული  ზარალისათვის უსახლკაროდ დარჩენილ, დაზარალებულ ოჯახებს, რომლებსაც ამავე მუნიციპალიტეტის ტერიტორიაზე არ გააჩნიათ სხვა საცხოვრებელი სახლი, მიეცეთ ერთჯერადი ფულადი დახმარება დამდგარი ზიანის მიხედვით, მაგრამ არაუმეტეს 10 000 (ათი ათასი) ლარისა.

7.6 მრავალშვილიანი ოჯახების ფინანსური დახმარება (პროგრამული კოდი 06 03 06)

7.6.1ერთჯერად ფინანსურ დახმარებას მიიღებენ ქალაქ ამბროლაურში რეგისტრირებული ოჯახები, რომელთაც ჰყავთ 0-დან 18 წლამდე ასაკის სამი და მეტი შვილი:

7.6.1.1. სამშვილიანი ოჯახები 400 (ოთხასი) ლარის ოდენობით.

7.6.1.2. ოთხი და მეტ შვილიანი ოჯახები 500 (ხუთასი) ლარის ოდენობით.

7.6.2.სოციალურად დაუცველი მრავალშვილიანი ოჯახები, რომელთა სარეიტინგო ქულა 65000 და ნაკლებია, ერთჯერად ფულად დახმარებასთან ერთად ყოველთვიურად მიიღებენ თითოეულ ბავშვზე 50 ლარს.

7.6.3.ყოველთვიური დახმარება არ გაიცემა იმ ბავშვზე:

7.6.3.1.რომელიც სარგებლობს ,,მაღალმთიანი რეგიონების განვითარების შესახებ“ საქართველოს კანონის მე-4 მუხლით (სოციალური შეღავათები მაღალმთიან დასახლებაში) დადგენილი მიზნობრივი ფულადი დახმარებით.

7.6.3.2. რომელიც სარგებლობს საქართველოს მთავრობის 2014 წლის 31 მარტის №262 დადგენილებით (დემოგრაფიული მდგომარეობის გაუმჯობესების ხელშეწყობის მიზნობრივი სახელმწიფო პროგრამა) განსაზღვრული ფულადი დახმარებით.

7.7. მარჩენალდაკარგული ოჯახების ერთჯერადი ფინანსური დახმარება (პროგრამული კოდი 06 03 07)

7.7.1.ქალაქ ამბროლაურის მუნიციპალიტეტში რეგისტრირებულ მარჩენალდაკარგულთა ერთჯერადი ფინანსური დახმარება გაიცემა ოჯახზე/წარმომადგენელზე:

7.7. 1.1 ერთ-ერთი მშობლის გარდაცვალების შემთხვევაში - მშობელზე -  250 (ორას ორმოცდაათი) ლარი თითო ბავშვზე.

7.7. 1.2.  ორივე მშობლის გარდაცვალების შემთხვევაში - წარმომადგენელზე -500 (ხუთასი) ლარი თითო ბავშვზე.

7.8. უსახლკარო ოჯახების  საცხოვრებელი ბინის  ყოველთვიური  ქირით  უზრუნველყოფა (პროგრამული კოდი 06 03 08)

7.8.1. თანხა (თვეში არაუმეტეს  200 (ორასი) ლარი) გაიცემა ქალაქ ამბროლაურის  მუნიციპალიტეტში რეგისტრირებულ  უსახლკარო ოჯახებზე, რომლებიც:

7.8.1.1. სტიქიური უბედურების შედეგად დარჩნენ უსახლკაროდ და ამავე მუნიციპალიტეტის ტერიტორიაზე არ გააჩნიათ სხვა საცხოვრებელი.

7.8.1.2 არიან სოციალურად დაუცველები(სარეიტინგო ქულა 65000 და ნაკლები) და ამავე მუნიციპალიტეტის ტერიტორიაზე არ გააჩნიათ საცხოვრებელი.

7.8.1.3. ამ მუხლის პირველი პუნქტის 7.8.1.1.  ქვეპუნქტით განსაზღვრული საფუძვლით შემოსულ განცხადებებს სამსახური თანდართულ დოკუმენტაციასთან და დასკვნასთან ერთად გადასცემს შემდგომი განხილვისთვის მერის ბრძანების საფუძველზე შექმნილ სოციალურ საკითხთა მუდმივმოქმედ კომისიას, რომლის ფუნქციებიც განსაზღვრულია მერის ბრძანებით.

7.8.1.4.საცხოვრებელი პირობების გაუმჯობესების მიზნით გაიცემა ქალაქის მუნიციპალიტეტის ტერიტორიაზე ბინის ქირის ფულადი კომპენსაცია არაუმეტეს თვეში 200 (ორასი) ლარისა.

7.9 ქალაქ ამბროლაურში მცხოვრები მოსახლეობის ელექტროენერგიის საფასურის ანაზღაურება (პროგრამული კოდი 06 03 09)

7.9.1. ქალაქ ამბროლაურში მცხოვრებ ოჯახებს მოხმარებული ელექტროენერგიის ღირებულება აუნაზღაურდებათ შემდეგი პრინციპით:
7.9.1.1. თანხა აუნაზღაურდებათ მხოლოდ ინდივიდუალური მრიცხველის მქონე აბონენტებს.
7.9.1.2. ანაზღაურება მოხდება ქალაქის მუნიციპალიტეტის ბიუჯეტიდან ფაქტობრივი დანახარჯის მიხედვით, მაგრამ არაუმეტეს თვეში 5(ხუთი) ლარისა;

7.10. მზრუნველობამოკლებულ ბავშვთა მიტოვების ფულადი პრევენცია (პროგრამული კოდი 06 03 10)

7.10.1 ქალაქ ამბროლაურის მუნიციპალიტეტში რეგისტრირებულ მზრუნველობამოკლებულ, სოციალურად დაუცველ, მიუსაფარ ბავშვთა უფლებების დაცვის მიზნით საჭიროა განხორციელდეს ბავშვთა მიტოვების(სააღმზრდელო დაწესებულებაში მოხვედრის) პრევენციული ღონისძიებები. ქვეპროგრამის აქტუალობა მდგომარეობს იმაში, რომ დღეისათვის  კვლავ ბევრი მოზარდი ხვდება  სააღმზრდელო დაწესებულებებში, რითაც მათ ერთმევათ შესაძლებლობა, აღიზარდონ ოჯახურ გარემოში, რაც გაეროს ბავშვის უფლებათა შესახებ კონვენციის მე-5 მუხლის თანახმად წარმოადგენს იმ უპირატეს გარემოს, სადაც უნდა აღიზარდოს ბავშვი, რათა  განავითაროს თავისი მზარდი შესაძლებლობები.

7.10.2. ქვეპროგრამის მიზანია ბავშვის სააღმზრდელო დაწესებულებაში მოხვედრის რისკის აცილების ხელშეწყობა და ამ  მიზნით ფულადი სოციალური დახმარების გაწევა.

7.10.3. მზრუნველობამოკლებულ ბავშვთა მიტოვების ფულადი პრევენციის ქვეპროგრამა   განხორციელდება მერიის შესაბამისი  სამსახურისა და სოციალური მომსახურების სააგენტოს რაჭა-ლეჩხუმი ქვემო სვანეთის სამხარეო ცენტრის ურთიერთთანამშრომლობის საფუძველზე.

7.10.4.ყოველთვიური დახმარება არ გაიცემა იმ ბავშვზე, რომელიც:

7.10.4.1.  სარგებლობს ,,მაღალმთიანი რეგიონების განვითარების შესახებ“ საქართველოს კანონის მე-4 მუხლით (სოციალური შეღავათები მაღალმთიან დასახლებაში) დადგენილი მიზნობრივი ფულადი დახმარებით.

7.10.4.2 სარგებლობს საქართველოს მთავრობის 2014 წლის 31 მარტის №262 დადგენილებით (დემოგრაფიული მდგომარეობის გაუმჯობესების ხელშეწყობის მიზნობრივი სახელმწიფო პროგრამა) განსაზღვრული ფულადი დახმარებით.

7.10.5. ქალაქ ამბროლაურის მუნიციპალიტეტში რეგისტრირებულ მზრუნველობამოკლებულ, მიუსაფარ ბავშვზე 0-18 წლამდე გაიცეს ფულადი დახმარება:

7.10.5.1. ჯანმრთელ ბავშვზე 110 (ას ათი) ლარი.

7.10.5.2. შეზღუდული შესაძლებლობის მქონე ბავშვზე 130 (ას ოცდაათი) ლარი.

7.11. ომისა და სამხედრო ძალების ვეტერანთა ერთჯერადი ფულადი დახმარება (პროგრამული კოდი 06 03 11)

7.11. 1.ქალაქ ამბროლაურის მუნიციპალიტეტში რეგისტრირებულ ,,ომისა და სამხედრო ძალების ვეტერანთა“  ერთჯერადი ფინანსური დახმარება გაიცემა:

7.11. 1.1 საბრძოლო მოქმედებების მონაწილეზე/ინვალიდზე 400 (ოთხასი) ლარის ოდენობით.

7.11. 1.2.  სხვა დანარჩენ კატეგორიაზე 200 (ორასი) ლარის ოდენობით.

7.12. სოციალურად დაუცველი მოსახლეობის საშეშე მერქნით დახმარება (პროგრამული კოდი 06 03 12)

7.12.1. ქალაქ ამბროლაურის მუნიციპალიტეტის ტერიტორიაზე რეგისტრირებული სოციალურად დაუცველი მოსახლეობის საშეშე მერქნით დახმარების ქვეპროგრამა განსაზღვრავს ქალაქ ამბროლაურის მუნიციპალიტეტის ტერიტორიაზე რეგისტრირებული მოსახლეობისათვის საშეშე მერქნის გაცემის წესს.

7.12.2.საშეშე მერქანი გაიცემა ქ. ამბროლაურის მუნიციპალიტეტში მცხოვრებ ოჯახებზე, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში არ აღემატება 100 000-ს.

7.12. 3 საშეშე მერქანი თითოეულ ოჯახზე გაიცემა არაუმეტეს 5 მ3-სა.

7.12.4 მერქნის მიღების თაობაზე ქ. ამბროლაურის მუნიციპალიტეტის მერიაში ადმინისტრაციული წარმოება დაიწყება დაინტერესებული პირის განცხადების საფეძველზე. სამსახური ამოწმებს მერიაში შემოსულ განცხადებებს თანდართულ დოკუმენტაციასთან ერთად. შემოწმების შემდგომ, სრულყოფილი მასალები შემდგომი განხილვისათვის ეგზავნება მერის ბრძანების საფუძველზე შექმნილ სოციალური პროგრამებისა და სოციალური საკითხების შემსწავლელ მუდმივმოქმედ კომისიას, რომლის ფუნქციაც განსაზღვრულია მერის ბრძანებით. კომისია უფლებამოსილია დაუშვას გამონაკლისი და მიმართოს რეკომენდაციით მერს, საშეშე მერქნი გაიცეს მოქალაქეზე, რომელიც ქვეპროგრამით დადგენილ კრიტერიუმებს ვერ აკმაყოფილებს. ამ შემთხვევაში დაინტერესებულმა მხარემ დამატებით უნდა წარმოადგინოს ქალაქ ამბროლაურის მუნიციპალიტეტის პირველი მოწვევის საკრებულოს არანაკლებ სამი დეპუტატის მიერ დამოწმებული წერილობითი შუამდგომლობა, მისი უკიდურესი შეჭირვებულობისა და საშეშე მერქნით დახმარების პროგრამაში ჩართვის სასიცოცხლო აუცილებლობის შესახებ.

7.13.  90 წლისა და მეტი ასაკის მქონე მოქალაქეთა ერთჯერადი ფინანსური დახმარება (პროგრამული კოდი 06 03 13)

7.13.1. ქვეპროგრამის მიზანია ხანდაზმული ადამიანების  თანადგომა და მხარდაჭერა.

7.13.2  თანხა გაიცემა მოქალაქეზე, რომელსაც საბიუჯეტო წლის განმავლობაში შეუსრულდა 90 და მეტი წელი (საბიუჯეტო წლის განმავლობაში ბენეფიციარის გარდაცვალების შემთხვევაში ბენეფიციარის კუთვნილი თანხა გადაეცემა მის ოჯახს).                 

1. ხანდაზმულ დღეგრძელთა ერთჯერადი ფინანსური დახმარება გაიცემა 300 (სამასი) ლარის ოდენობით.