საქართველოს განათლებისა და მეცნიერების სამინისტროს მმართველობის სფეროში მოქმედი ზოგიერთი საჯარო სამართლის იურიდიული პირის მიერ სახელმწიფო შესყიდვის განხორციელების დაწყებამდე საქართველოს მთავრობის წინასწარი თანხმობის გაცემის შესახებ

საქართველოს მთავრობის

განკარგულება №2339

2016 წლის 8 ნოემბერი

ქ. თბილისი

საქართველოს განათლებისა და მეცნიერების სამინისტროს მმართველობის სფეროში მოქმედი ზოგიერთი საჯარო სამართლის იურიდიული პირის მიერ სახელმწიფო შესყიდვის განხორციელების დაწყებამდე საქართველოს მთავრობის წინასწარი თანხმობის გაცემის შესახებ

 „სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2016 წლის 9 ივნისის №252 დადგენილების შესაბამისად, საქართველოს განათლებისა და მეცნიერების სამინისტროს მმართველობის სფეროში მოქმედ საჯარო სამართლის იურიდიულ პირს – საზოგადოებრივ კოლეჯ „მერმისს“,  საჯარო სამართლის იურიდიულ პირს – საზოგადოებრივ კოლეჯ „ახალ ტალღასა“ და საჯარო სამართლის იურიდიულ პირს – განათლების მართვის საინფორმაციო სისტემას სახელმწიფო შესყიდვის განხორციელების დაწყებამდე მიეცეთ საქართველოს მთავრობის წინასწარი თანხმობა „სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2016 წლის 9 ივნისის №252 დადგენილების დანართი №1-ით გათვალისწინებული CPV კოდის: 39100000 (ავეჯი) ფარგლებში სახელმწიფო შესყიდვის განხორციელებაზე.

პრემიერ-მინისტრი                                                                    გიორგი კვირიკაშვილი