საქართველოს შინაგან საქმეთა სამინისტროს სისტემაში ზოგიერთი სახელმწიფო შესყიდვის განხორციელებაზე თანხმობის მიცემის შესახებ

საქართველოს მთავრობის

განკარგულება №2338

2016 წლის 8 ნოემბერი

ქ. თბილისი

საქართველოს შინაგან საქმეთა სამინისტროს სისტემაში ზოგიერთი სახელმწიფო შესყიდვის განხორციელებაზე თანხმობის მიცემის შესახებ

 „სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2016 წლის 9 ივნისის №252 დადგენილების შესაბამისად, მიეცეს თანხმობა:

ა) საქართველოს შინაგან საქმეთა სამინისტროს სახელმწიფო საქვეუწყებო დაწესებულებას - საქართველოს სასაზღვრო პოლიციას  რეკონსტრუირებული სექტორის მოსაწყობად საოჯახო ტექნიკის (CPV-39700000) გამარტივებული ელექტრონული ტენდერის მეშვეობით სახელმწიფო შესყიდვაზე, სავარაუდო ღირებულებით - 2040.00  (ორი ათას ორმოცი) ლარად;

ბ) საქართველოს შინაგან საქმეთა სამინისტროს ავეჯის (CPV-39100000) ელექტრონული ტენდერის მეშვეობით სახელმწიფო შესყიდვაზე, სავარაუდო ღირებულებით - 9920.00 (ცხრა ათას ცხრაას ოცი) ლარად;

გ) საქართველოს შინაგან საქმეთა სამინისტროს სსიპ - დაცვის პოლიციის დეპარტამენტს საოჯახო ტექნიკის (CPV - 39700000) გამარტივებული ელექტრონული ტენდერის მეშვეობით სახელმწიფო შესყიდვაზე, სავარაუდო ღირებულებით - 17664.00 (ჩვიდმეტი ათას ექვსას სამოცდაოთხი) ლარად.

პრემიერ-მინისტრი                                                           გიორგი კვირიკაშვილი