„სახელმწიფო საკუთრებაში არსებული ქონების შპს „სი ი ეფ სი (ევრო-აზიური)“-სათვის პირდაპირი მიყიდვის ფორმით პრივატიზების შესახებ“ საქართველოს მთავრობის 2016 წლის 5 ოქტომბრის №2096 განკარგულებაში ცვლილების შეტანის თაობაზე

საქართველოს მთავრობის

განკარგულება №2329

2016 წლის 7 ნოემბერი

ქ. თბილისი

„სახელმწიფო საკუთრებაში არსებული ქონების შპს „სი ი ეფ სი (ევრო-აზიური)“-სათვის პირდაპირი მიყიდვის ფორმით პრივატიზების შესახებ“ საქართველოს მთავრობის 2016 წლის 5 ოქტომბრის №2096 განკარგულებაში ცვლილების შეტანის თაობაზე

 1.საქართველოს ზოგადი ადმინისტრაციული კოდექსის 63-ე მუხლის შესაბამისად, „სახელმწიფო საკუთრებაში არსებული ქონების შპს „სი ი ეფ სი (ევრო-აზიური)“-სათვის პირდაპირი მიყიდვის ფორმით პრივატიზების შესახებ“ საქართველოს მთავრობის 2016 წლის 5 ოქტომბრის №2096 განკარგულებაში შევიდეს ცვლილება და განკარგულების მე-2 პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) საპრივატიზებო თანხის გადახდა შესაბამისი ხელშეკრულების გაფორმებიდან 5 (ხუთი) სამუშაო დღის ვადაში;

ბ) ამ განკარგულების დანართით განსაზღვრულ უძრავ ქონებაზე ან/და მის ნაწილზე, შესაბამისი ხელშეკრულების გაფორმებიდან არაუმეტეს 3 (სამი) წლის ვადაში, შპს „სი ი ეფ სი (ევრო-აზიურის)“ სათავო ოფისის, საოფისე ფართებისა და ჩინურ-ქართული კულტურის ცენტრის შექმნა;“.

2. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა − სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი       გიორგი კვირიკაშვილი