საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების − საქართველოს საავტომობილო გზების დეპარტამენტის მიერ სახელმწიფო შესყიდვების გამარტივებული ელექტრონული ტენდერის მეშვეობით განხორციელების შესახებ

საქართველოს მთავრობის

განკარგულება №2281

2016 წლის 3 ნოემბერი

 ქ. თბილისი

საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების − საქართველოს საავტომობილო გზების დეპარტამენტის მიერ სახელმწიფო შესყიდვების გამარტივებული ელექტრონული ტენდერის მეშვეობით განხორციელების შესახებ

„სახელმწიფო შესყიდვების შესახებ“ საქართველოს კანონის 10 ¹ მუხლის 3 ¹ პუნქტისშესაბამისად, სახელმწიფოებრივი და საზოგადოებრივი მნიშვნელობის ღონისძიებისშეზღუდულ ვადებში შეუფერხებლად ჩატარების მიზნით, მიეცეს უფლება საქართველოსრეგიონული განვითარებისა და ინფრასტრუქტურის სამინისტროს გამგებლობაში არსებულსახელმწიფო საქვეუწყებო დაწესებულებას − საქართველოს საავტომობილო გზებისდეპარტამენტს, სახელმწიფო შესყიდვები განახორციელოს გამარტივებული ელექტრონულიტენდერის მეშვეობით, შემდეგ ნაპირსამაგრ სამუშაოებზე:

ა) ახმეტის მუნიციპალიტეტში, სოფელ საკობიანოში, მდ. ალაზნის კალაპოტში ნაპირსამაგრი სამუშაოები;

ბ) მცხეთის მუნიციპალიტეტში, სოფელ ნავაზში, მდ. არაგვის კალაპოტის მარჯვენა ნაპირის ნაპირსამაგრი სამუშაოები;

გ) ქარელის მუნიციპალიტეტში, ძამას ხეობაში მშენებარე სამონასტრო კომპლექსის მიმდებარედ, მდ. ორთუბანისკალაპოტის ნაპირსამაგრი სამუშაოები;

დ) ლაგოდეხის მუნიციპალიტეტში, სოფელ ქვემო გურგენიანში, მდ. ჭვარტლის ხევის კალაპოტის ნაპირსამაგრი სამუშაოები (II ეტაპი).

პრემიერ-მინისტრი                                                      გიორგი კვირიკაშვილი