“ვიზუალური ან/და ელექტრონული საშუალებით მეთვალყურეობისა და კონტროლის განხორციელების, ჩანაწერების შენახვის, წაშლისა და განადგურების წესის განსაზღვრის თაობაზე” საქართველოს სასჯელაღსრულებისა და პრობაციის მინისტრის 2015 წლის 19 მაისის N35-ე ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

„ვიზუალური ან/და ელექტრონული საშუალებით მეთვალყურეობისა და კონტროლის განხორციელების, ჩანაწერების შენახვის, წაშლისა და განადგურების წესის განსაზღვრის თაობაზე“ საქართველოს სასჯელაღსრულებისა და პრობაციის მინისტრის 2015 წლის 19 მაისის №35-ე ბრძანების (www.matsne.gov.ge, 19/05/2015, 100110000.22.038.016450) №1 დანართის მე-10  მუხლს დაემატოს შემდეგი შინაარსის მე-4 პუნქტი:

 

„4. თუ სუიციდის პრევენციის პროგრამაში ჩართული ბრალდებული/მსჯავრდებული ვიზუალური ან/და ელექტრონული საშუალებით მეთვალყურეობისა და კონტროლისას 5 წუთის განმავლობაში არ გამოჩნდა ხედვის არეში, შესაბამისი მოსამსახურე ვალდებულია აღნიშნულის შესახებ დაუყოვნებლივ აცნობოს დაწესებულების სამართლებრივი რეჟიმის განყოფილებას ბრალდებულის/მსჯავრდებულის შემოწმების მიზნით.“.

 

ეს ბრძანება ამოქმედდეს 2016 წლის 1 დეკემბრიდან.