„საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირისათვის - გარემოსდაცვითი ინფორმაციისა და განათლების ცენტრისათვის „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვაზე გამონაკლისის დაშვების თაობაზე“ საქართველოს მთავრობის 2016 წლის 19 თებერვლის №275 განკარგულებაში ცვლილების შეტანის შესახებ

საქართველოს მთავრობის

განკარგულება №2255

2016 წლის 27 ოქტომბერი

ქ. თბილისი

„საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირისათვის − გარემოსდაცვითი ინფორმაციისა და განათლების ცენტრისათვის  „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვაზე გამონაკლისის დაშვების თაობაზე“ საქართველოს მთავრობის 2016 წლის 19 თებერვლის  №275 განკარგულებაში ცვლილების შეტანის შესახებ

საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირისათვის − გარემოსდაცვითი ინფორმაციისა და განათლების ცენტრისათვის  „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვაზე გამონაკლისის დაშვების თაობაზე“ საქართველოს მთავრობის 2016 წლის 19 თებერვლის №275 განკარგულებაში შეტანილ იქნეს  ცვლილება და პირველი პუნქტი ჩამოყალიბდეს შემდეგი რედაქციით:

„1. „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლის მე-7 პუნქტის საფუძველზე, საქართველოს გარემოსა და ბუნებრივი რესურსების დაცვის სამინისტროს სსიპ − გარემოსდაცვითი ინფორმაციისა და განათლების  ცენტრზე არ გავრცელდეს „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლის პირველი პუნქტით გათვალისწინებული შეზღუდვა და მიეცეს თანხმობა, რომ შტატგარეშე მომუშავეთა რაოდენობა განსაზღვროს არა უმეტეს 39 (ოცდაცხრამეტი) ერთეულით, რომელთაგანაც:

„ა) 8 (რვა) შტატგარეშე მომუშავის შრომის ანაზღაურების დაფინანსება განხორციელდეს სსიპ − გარემოსდაცვითი ინფორმაციისა და განათლების ცენტრისათვის შესაბამისი წლის საქართველოს სახელმწიფო ბიუჯეტით გათვალისწინებული ასიგნებების ფარგლებში, ხოლო 20 (ოცი) შტატგარეშე ერთეულის შრომის ანაზღაურების დაფინანსება შემდეგნაირად:

ა.ა) 7 (შვიდი) შტატგარეშე ერთეულის შრომის ანაზღაურების დაფინანსება განხორციელდეს  სსიპ − გარემოსდაცვითი ინფორმაციისა და განათლების ცენტრის საკუთარი შემოსავლების დაფინანსებით;

ა.ბ) 7 (შვიდი) შტატგარეშე ერთეულის შრომის ანაზღაურების დაფინანსება განხორციელდეს სსიპ − გარემოსდაცვითი ინფორმაციისა და განათლების ცენტრის მიერ „ადაპტაციის ეროვნული გეგმის (NAP )“ შემუშავებისათვის 2017 წლის სექტემბრის ჩათვლით გამოყოფილი დაფინანსებიდან;

ა.გ) 6 (ექვსი) შტატგარეშე ერთეულის შრომის ანაზღაურების დაფინანსება განხორციელდეს გლობალური გარემოსდაცვითი ფონდის დონორული დაფინანსებით მიმდინარე პროექტის − „სასოფლო ტერიტორიებზე ლანდშაფტისა და მიწის რესურსების მდგრადი მართვის დანერგვა მიწის დეგრადაციისა და სიღარიბის შემცირების მიზნით“ ფარგლებში,  კავკასიის რეგიონული გარემოსდაცვითი ცენტრის მიერ სსიპ − გარემოსდაცვითი ინფორმაციისა და განათლების ცენტრისათვის 2016-2018 წლებში გამოყოფილი დაფინანსებიდან, „შესაძლებლობების გაძლიერება ეროვნულ დონეზე და ცოდნის მენეჯმენტი“ კომპონენტის განხორციელების მიზნით;

ბ) 9 (ცხრა) შტატგარეშე მომუშავის შრომის ანაზღაურების დაფინანსება განხორციელდეს გაეროს განვითარების პროგრამის/გლობალური გარემოსდაცვითი ფონდის/საქართველოს გარემოსა და ბუნებრივი რესურსების დაცვის სამინისტროს ერთობლივი პროექტის − „გლობალური გარემოს მონიტორინგის გაუმჯობესებისა და მის შესახებ ცოდნის ამაღლების მიზნით ინფორმაციის მართვის ჰარმონიზება საქართველოში“ − ფარგლებში გამოყოფილი დაფინანსებიდან;

 გ) 2 (ორი) შტატგარეშე ერთეულის შრომის ანაზღაურების დაფინანსება განხორციელდეს საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიულ პირს − გარემოსდაცვითი ინფორმაციისა და განათლების ცენტრსა და შპს „გერმანიის საერთაშორისო თანამშრომლობის საზოგადოებას“ (GIZ) შორის გაფორმებული „ადგილობრივი საგრანტო ხელშეკრულების“ ფარგლებში გამოყოფილი დაფინანსებიდან.“.

პრემიერ-მინისტრი                                                                     გიორგი კვირიკაშვილი