შპს „საქართველოს აეროპორტების გაერთიანების“ მიერ,ახმეტის მუნიციპალიტეტში აეროდრომის პროექტირების მიზნით, განსახორციელებელი ღონისძიებების თაობაზე

საქართველოს მთავრობის

განკარგულება №2246

2016 წლის 27 ოქტომბერი

ქ. თბილისი

შპს „საქართველოს აეროპორტების გაერთიანების“ მიერ, ახმეტის მუნიციპალიტეტში აეროდრომის პროექტირების მიზნით, განსახორციელებელი ღონისძიებების  თაობაზე

1. „სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, შპს „საქართველოს აეროპორტების გაერთიანებას“ მიეცეს უფლება, ახმეტის მუნიციპალიტეტში (თუშეთის ადმინისტრაციული ერთეული, სოფელი ომალო და მისი მიმდებარე ტერიტორია) აეროდრომის საპროექტო (მათ შორის, წინასაპროექტო-კვლევითი) მომსახურების შესყიდვა განახორციელოს გამარტივებული ელექტრონული ტენდერის მეშვეობით.

2. დაევალოს სსიპ – სახელმწიფო ქონების ეროვნულ სააგენტოს, უზრუნველყოს შპს „საქართველოს აეროპორტების გაერთიანების“ მიერ, შემჭიდროვებულ ვადებში,  ახმეტის მუნიციპალიტეტში (თუშეთის ადმინისტრაციული ერთეული, სოფელი ომალო და მისი მიმდებარე ტერიტორია) აეროდრომის საპროექტო (მათ შორის,  წინასაპროექტო-კვლევითი) სამუშაოების განხორციელება.

3. ამ განკარგულებით გათვალისწინებული ღონისძიებები შპს „საქართველოს აეროპორტების გაერთიანების“ მიერ განხორციელდეს საკუთარი ან/და მოზიდული სახსრებით.

პრემიერ-მინისტრი                                                                გიორგი კვირიკაშვილი