„საქართველოს სასჯელაღსრულებისა და პრობაციის სამინისტროს მმართველობის სფეროში მოქმედი საჯარო სამართლის იურიდიული პირის - არასაპატიმრო სასჯელთა აღსრულებისა და პრობაციის ეროვნული სააგენტოს ადმინისტრაციული სამმართველოს, ეკონომიკური სამმართველოს, აღსრულების კონტროლის, სტატისტიკისა და ანალიზის სამმართველოს, საერთაშორისო და საზოგადოებასთან ურთიერთობის სამმართველოს, ელექტრონული ზედამხედველობისა და ინფორმაციული ტექნოლოგიების სამმართველოსა და არასაპატიმრო სასჯელთა აღსრულებისა და პრობაციის ბიუროების ვაკანტური თანამდებობების დასაკავებლად კანდიდატებისთვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების თაობაზე” საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის 4 ივლისის №167 ბრძანებაში ცვლილების შეტანის შესახებ

„მუხლი  20¹

1. საერთაშორისო და საზოგადოებასთან ურთიერთობის სამმართველოს მრჩევლის (ადგილობრივ ორგანიზაციებთან ურთიერთობის მიმართულებით) ვაკანტური თანამდებობის დასაკავებლად კანდიდატებისათვის დადგენილია შემდეგი საკვალიფიკაციო მოთხოვნები:

ა) უმაღლესი განათლება (მაგისტრი ან მაგისტრის ხარისხთან გათანაბრებული);

ბ) მუშაობის არანაკლებ სამწლიანი გამოცდილება;

გ) საჯარო სამსახურში მასმედიასთან, ადგილობრივ სამთავრობო და არასამთავრობო ორგანიზაციებთან მუშაობის გამოცდილება;

დ) ინგლისური და რუსული ენების ცოდნა (სასურველი);

ე) შესაბამისი საკანონმდებლო ბაზის ცოდნა;

ვ) ელექტრონული დოკუმენტბრუნვის (EDOC ან EFLOW) პროგრამაში მუშაობის  გამოცდილება (სასურველი).

2. საერთაშორისო და საზოგადოებასთან ურთიერთობის სამმართველოს მრჩევლის (ადგილობრივ ორგანიზაციებთან ურთიერთობის მიმართულებით) ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა:

ა) საქართველოს კონსტიტუცია (II თავი);

ბ) საქართველოს ზოგადი ადმინისტრაციული კოდექსი (III თავი);

გ)  „საჯარო სამსახურის შესახებ“ საქართველოს კანონი;

დ) „არასაპატიმრო სასჯელთა აღსრულების წესისა და პრობაციის შესახებ“ საქართველოს კანონი;

ე) „საქართველოს სასჯელაღსრულებისა და პრობაციის სამინისტროს მმართველობის სფეროში მოქმედი საჯარო სამართლის იურიდიული პირის - არასაპატიმრო სასჯელთა აღსრულებისა და პრობაციის ეროვნული სააგენტოს დებულების დამტკიცების თაობაზე“ საქართველოს სასჯელაღსრულების, პრობაციისა და იურიდიული დახმარების საკითხთა  მინისტრის 2009 წლის 29 დეკემბრის №903 ბრძანება;

ვ) „მსჯავრდებულთან ვიდეოპაემნით სარგებლობის წესის დამტკიცების თაობაზე” საქართველოს სასჯელაღსრულების, პრობაციისა და იურიდიული დახმარების საკითხთა  მინისტრის 2011 წლის 5 აპრილის №55 ბრძანება;

ზ) „საზოგადოებისათვის სასარგებლო შრომამისჯილის სათანადო სახის დაზღვევით უზრუნველყოფის წესისა და პირობების დადგენის თაობაზე” საქართველოს სასჯელაღსრულების, პრობაციისა და იურიდიული დახმარების საკითხთა  მინისტრის 2012 წლის 29 თებერვლის №31 ბრძანება;

თ) „საქართველოს სასჯელაღსრულებისა და პრობაციის სამინისტროს მმართველობის სფეროში მოქმედი საჯარო სამართლის იურიდიული პირის – არასაპატიმრო სასჯელთა აღსრულებისა და პრობაციის ეროვნული სააგენტოს ტერიტორიული ორგანოს – არასაპატიმრო სასჯელთა აღსრულებისა და პრობაციის ბიუროს ტიპური დებულების დამტკიცების შესახებ” საქართველოს სასჯელაღსრულების, პრობაციისა და იურიდიული დახმარების საკითხთა  მინისტრის 2011 წლის 26 აპრილის №74 ბრძანება;

ი) „საზოგადოებისათვის სასარგებლო შრომამისჯილისათვის კვების ხარჯების დანიშვნის წესისა და პირობების განსაზღვრის თაობაზე” საქართველოს სასჯელაღსრულების, პრობაციისა და იურიდიული დახმარების საკითხთა  მინისტრის  2011 წლის 17 ივნისის №107 ბრძანება;

კ) ევროპის საბჭოს მინისტრთა კომიტეტის რეკომენდაცია CM/Rec (2010)1 წევრი სახელმწიფოებისადმი ევროსაბჭოს პრობაციის წესების შესახებ.“.