„სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო საქმიანობის სახელმწიფო რეგულირების სააგენტოს მიერ გამოსაყენებელი ადმინისტრაციული სამართალდარღვევის ოქმის ფორმის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2011 წლის 11 თებერვლის №34/ნ ბრძანებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო საქმიანობის სახელმწიფო რეგულირების სააგენტოს მიერ გამოსაყენებელი ადმინისტრაციული სამართალდარღვევის ოქმის ფორმის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2011 წლის 11 თებერვლის №34/ნ ბრძანებაში ცვლილების შეტანის თაობაზე
დოკუმენტის ნომერი	01-42/ნ
დოკუმენტის მიმღები	საქართველოს შრომის, ჯანმრთელობისა და სოციალური დაცვის მინისტრი
მიღების თარიღი	31/10/2016
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 01/11/2016
ძალის დაკარგვის თარიღი	01/01/2019
სარეგისტრაციო კოდი	010240070.22.035.016407

PDF გადმოწერა

,,სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო საქმიანობის სახელმწიფო რეგულირების სააგენტოს მიერ გამოსაყენებელი ადმინისტრაციული სამართალდარღვევის ოქმის ფორმის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2011 წლის 11 თებერვლის №34/ნ ბრძანებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

,,სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო საქმიანობის სახელმწიფო რეგულირების სააგენტოს მიერ გამოსაყენებელი ადმინისტრაციული სამართალდარღვევის ოქმის ფორმის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2011 წლის 11 თებერვლის №34/ნ ბრძანებაში (ვებგვერდი, 140211, 14/02/2011) შეტანილ იქნეს შემდეგი ცვლილება და ბრძანების:

1. სათაური ჩამოყალიბდეს შემდეგი რედაქციით:

,,საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო საქმიანობის სახელმწიფო რეგულირების სააგენტოს მიერ გამოსაყენებელი ადმინისტრაციული სამართალდარღვევის ოქმის ფორმის, მისი შევსებისა და წარდგენის წესის დამტკიცების შესახებ.“.

2. პრეამბულა ჩამოყალიბდეს შემდეგი რედაქციით:

,,საქართველოს ადმინისტრაციულ სამართალდარღვევათა კოდექსის 239-ე მუხლის 38-ე და 42-ე ნაწილების, „წამლისა და ფარმაცევტული საქმიანობის შესახებ” საქართველოს კანონის 37¹ მუხლის მე-3 პუნქტის, „სააღმზრდელო საქმიანობის ლიცენზირების შესახებ’’ საქართველოს კანონის მე-8 მუხლის, „ტუბერკულოზის კონტროლის შესახებ“ საქართველოს კანონის მე-19 მუხლისა და 21-ე მუხლის პირველი პუნქტის ,,დ’’ ქვეპუნქტისა და საქართველოს ზოგადი ადმინისტრაციული კოდექსის 61-ე მუხლის შესაბამისად, ვბრძანებ“.

3. პირველი პუნქტი ჩამოყალიბდეს შემდეგი რედაქციით:

,,1. დამტკიცდეს:

ა) საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო საქმიანობის სახელმწიფო რეგულირების სააგენტოს მიერ ,,გამოსაყენებელი ადმინისტრაციული სამართალდარღვევის ოქმის თანდართული ფორმა“ (დანართი 1);

ბ) ადმინისტრაციული სამართალდარღვევის ოქმის ფორმის შევსებისა და წარდგენის წესი (დანართი 2).“.

მუხლი 2

ბრძანება ამოქმედდეს გამოქვეყნებისთანავე.

მუხლი 3

იურიდიული ძალა შეუნარჩუნდეს ამ ბრძანების ამოქმედებამდე არსებულ სამართალდარღვევის ოქმის ფორმებს, მისი მარაგების ამოწურვამდე.

საქართველოს შრომის, ჯანმრთელობისა და სოციალური დაცვის მინისტრი დავით სერგეენკო

დანართი №1

საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირი

სამედიცინო საქმიანობის სახელმწიფო რეგულირების სააგენტო

ადმინისტრაციული სამართალდარღვევის ოქმი №000000

----- ------------------ 20 ---წ. თვითმმართველი ქალაქი/მუნიციპალიტეტი

1. სსიპ – სამედიცინო საქმიანობის სახელმწიფო რეგულირების სააგენტოს ----------------------------

--------------------------------------------------------------------------------------------------------------

(ოქმის შემდგენლის თანამდებობა, სახელი, მამის სახელი და გვარი)

2. სამართალდამრღვევი: ---------------------------------------------------------------------------

--------------------------------------------------------------------------------------------------------------

(სახელი, გვარი; დაბადების თარიღი; საცხოვრებელი ადგილი რეგისტრაციის მიხედვით და ფაქტობრივი მდგომარეობით; პირადობის დამადასტურებელი დოკუმენტი)

---------------------------------------------------------------------------------------------------------------

მოწმეები: -------------------------------------------------------------------------------------------------

(გვარი, სახელი, მისამართი)

3. სამართალდარღვევის ადგილი, დრო და არსი: ---------------------------------------------

---------------------------------------------------------------------------------------------------------------

4. საქართველოს ადმინისტრაციულ სამართალდარღვევათა კოდექსის 36¹, 39-ე, 239-ე, 240-ე და 241-ე მუხლების, „წამლისა და ფარმაცევტული საქმიანობის შესახებ“ საქართველოს კანონის 37¹ მუხლის მე-3 პუნქტის, ,,სააღმზრდელო საქმიანობის ლიცენზირების შესახებ“ საქართველოს კანონის მე-8 მუხლის, ,,ტუბერკულოზის კონტროლის შესახებ“ საქართველოს კანონის მე-19 და მე-20 მუხლების შესაბამისად შევადგინე აღნიშნული ოქმი იმის თაობაზე, რომ

----------------------------------------------------------------------------------------------------------

-----------------------------------------------------------------------------------------------------------

------------------------------------------------------------------------------------------------------------

-----------------------------------------------------------------------------------------------------------

რაც გათვალისწინებულია საქართველოს ადმინისტრაციულ სამართალდარღვევათა კოდექსის ------------------------- მუხლის ------------------- ნაწილით, „წამლისა და ფარმაცევტული საქმიანობის შესახებ“ საქართველოს კანონის ------------------------------------- , ,,ტუბერკულოზის კონტროლის შესახებ“ საქართველოს კანონის -------------------------------------

-------------------------------------------------------------------------------------------------------------

5. საქმის გადასაწყვეტად საჭირო სხვა ცნობები: --------------------------------------------

--------------------------------------------------------------------------------------------------------------

6. სამართალდამრღვევის ახსნა-განმარტება: --------------------------------------------------

-------------------------------------------------------------------------------------------------------------

სამართალდამრღვევს უფლება აქვს წარმოადგინოს ოქმისათვის დასართავი ახსნა-განმარტება და შენიშვნები ოქმის შინაარსთან დაკავშირებით.

7. ადმინისტრაციული სამართალდარღვევის ოქმის შედგენისას დამრღვევს განემარტა საქართველოს ადმინისტრაციულ სამართალდარღვევათა კოდექსის 252-ე მუხლით გათვალისწინებული მისი უფლებები და მოვალეობები.

8. ოქმის შემდგენელი: /---------------------------/ /--------------------------/

(სახელი და გვარი) (ხელმოწერა)

9. სამართალდამრღვევი: /---------------------------/ /-------------------------/

(სახელი და გვარი) (ხელმოწერა)

10. მოწმეები და დაზარალებულები (თუ არიან):

–––––––––––––––––– ––––––––––––––––––––– –––––––––––––––––––

(სახელი და გვარი) (მისამართი) (ხელმოწერა)

–––––––––––––––––– ––––––––––––––––––––– –––––––––––––––––––

(სახელი და გვარი) (მისამართი) (ხელმოწერა)

11. სათანადო ჩანაწერი სრულდება იმ შემთხვევაში, თუ სამართალდარღვევის ჩამდენი უარს იტყვის ოქმის ხელმოწერაზე: ––––––––––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––––––––––––––––––––

დამკვეთი: სამედიცინო საქმიანობის სახელმწიფო რეგულირების სააგენტო

დამამზადებელი:

სფს-ს რეგისტრაციის №

შენიშვნა

ოქმის მეორე მხარეს აღინიშნება:

ადმინისტრაციული სამართალდარღვევის ოქმის შედგენისას ადმინისტრაციულ პასუხისგებაში მიცემულ პირს განემარტა საქართველოს ადმინისტრაციულ სამართალდარღვევათა კოდექსის 252-ე მუხლით გათვალისწინებული მისი უფლებები და მოვალეობები:

ადმინისტრაციულ პასუხისგებაში მიცემულ პირს უფლება აქვს გაეცნოს საქმის მასალებს, მისცეს ახსნა-განმარტებანი, წარადგინოს მტკიცებულებანი, განაცხადოს შუამდგომლობანი; საქმის განხილვისას ისარგებლოს ადვოკატის იურიდიული დახმარებით; გამოვიდეს მშობლიურ ენაზე და თუ არ იცის მიმდინარე წარმოების ენა, ისარგებლოს თარჯიმნის მომსახურებით; გაასაჩივროს საქმის გამო მიღებული დადგენილება. ადმინისტრაციული სამართალდარღვევის საქმე განიხილება იმ პირის თანდასწრებით, რომელიც მიცემულია ადმინისტრაციულ პასუხისგებაში. ამ პირის დაუსწრებლად საქმე შეიძლება განხილულ იქნეს მხოლოდ ისეთ შემთხვევებში, როცა არის ცნობა მისთვის საქმის განხილვის ადგილისა და დროის დროული შეტყობინების შესახებ და მისგან არ შემოსულა შუამდგომლობა საქმის განხილვის გადადების თაობაზე.

დანართი №2

ადმინისტრაციული სამართალდარღვევის ოქმის ფორმის შევსებისა და წარდგენის წესი

მუხლი 1. ზოგადი დებულება

წინამდებარე წესი განსაზღვრავს საქართველოს შრომის, ჯანმრთელობისა და სოციალური დაცვის სამინისტროს უფლებამოსილი ორგანოს მიერ საქართველოს ადმინისტრაციულ სამართალდარღვევათა კოდექსის, ,,ტუბერკულოზის კონტროლის შესახებ’’ საქართველოს კანონისა და ,,სააღმზრდელო საქმიანობის ლიცენზირების შესაებ’’ საქართველოს კანონის შესაბამისად ადმინისტრაციული სამართალდარღვევის ოქმის ფორმის შევსებისა და წარდგენის წესს.

მუხლი 2. ადმინისტრაციული სამართალდარღვევის ოქმის შედგენაზე უფლებამოსილი პირი და ოქმის რეკვიზიტები

1.ადმინისტრაციული სამართალდარღვევის ოქმს ადგენს სსიპ – სამედიცინო საქმიანობის სახელმწიფო რეგულირების სააგენტოს (შემდგომში - სააგენტო) შესაბამისი უფლებამოსილი პირი.

2. ადმინისტრაციული სამართალდარღვევის ოქმის ფორმა, მისი დაცვის სირთულეთა გათვალისწინებით, მიეკუთვნება მკაცრი აღრიცხვის ფორმის მესამე კატეგორიას (,,მარტივი ტიპი’’).“.

3. ადმინისტრაციული სამართალდარღვევის ოქმში აღინიშნება: ადმინისტრაციული სამართალდარღვევის ოქმის ნომერი; მისი შედგენის თარიღი და ადგილი; შემდგენლის თანამდებობა, სახელი, მამის სახელი და გვარი; მონაცემები სამართალდამრღვევის შესახებ, მათ შორის, პირადი ნომერი ან გადასახადის გადამხდელის საიდენტიფიკაციო ნომერი; ადმინისტრაციული სამართალდარღვევის ჩადენის ადგილი, დრო და არსი; ნორმატიული აქტი, რომელიც ითვალისწინებს პასუხისმგებლობას ამ სამართალდარღვევისათვის; მოწმეთა და დაზარალებულთა გვარები და მისამართები ასეთის არსებობის შემთხვევაში; სამართალდამრღვევის ახსნა-განმარტება; საქმის გადასაწყვეტად საჭირო სხვა ცნობები.

4. ადმინისტრაციული სამართალდარღვევის ოქმს ხელს აწერს მისი შემდგენელი და სამართალდამრღვევი. სამართალდარღვევის ოქმს შეიძლება ხელი მოაწერონ აგრეთვე მოწმეებმა და დაზარალებულებმა, მათი არსებობის შემთხვევაში. თუ სამართალდამრღვევის ჩამდენი უარს იტყვის ოქმის ხელმოწერაზე, მაშინ ოქმში კეთდება სათანადო ჩანაწერი. ადმინისტრაციული სამართალდარღვევის ჩამდენს უფლება აქვს, წარმოადგინოს ოქმისათვის დასართავი ახსნა-განმარტება და შენიშვნები ოქმის შინაარსის გამო, აგრეთვე ჩამოაყალიბოს მის ხელმოწერაზე უარის თქმის მოტივები.

მუხლი 3. ადმინისტრაციული სამართალდარღვევის ოქმის შევსება

ადმინისტრაციული სამართალდარღვევის ოქმი ივსება ლურჯი ან შავი ბურთულიანი კალმით. ოქმში ყველა ჩანაწერი სრულდება გარკვევით და გასაგებად, დაუშვებელია ოქმში ნაწერის გადახაზვა, გადაშლა ან/და გადაფხეკვა. ოქმის დაზიანების ან მასში არასწორი მონაცემის შეტანის შემთხვევაში ივსება ახალი ოქმი. დაზიანებული ან არასწორად შევსებული ოქმი ჩამოიწერება კანონმდებლობით დადგენილი წესით.

მუხლი 4. ადმინისტრაციული სამართალდამრღვევისათვის ოქმის გაგზავნა

ადმინისტრაციული სამართლდარღვევის ოქმი დაუყოვნებლივ ეგზავნება სასამართლოს.