„გარდაბნის მუნიციპალიტეტის წარმატებულ სპორტსმენთა დაჯილდოების წესის დამტკიცების შესახებ“ გარდაბნის მუნიციპალიტეტის საკრებულოს 2015 წლის 24 ივნისის №40 დადგენილებაში ცვლილების შეტანის შესახებ

1.  დადგენილებით   დამტკიცებული  „გარდაბნის   მუნიციპალიტეტის   წარმატებულ სპორტსმენთა დაჯილდოების წესის“ მე-2 მუხლი ჩამოყალიბდეს შემდეგი რედაქციით:

„მუხლი 2.

1. საქართველოს სახელით მოასპარეზე, გარდაბნის მუნიციპალიტეტში რეგისტრირებულ, წარმატებულ სპორტსმენთა ერთჯერადი დაჯილდოება შესაძლებელია განხორციელდეს  გარდაბნის  მუნიციპალიტეტის საკრებულოს  ინიციატივით  ან მუნიციპალიტეტის გამგეობის შუამდგომლობით. წარმატებული სპორტსმენის დაჯილდოების მიზნით, საკრებულოს ინიციატივას ან გამგეობის შუამდგომლობას უნდა დაერთოს სპორტსმენის მიერ წარდგენილი შემდეგი დოკუმენტაცია:

ა) შესაბამისი ტიტულის მოპოვების დამადასტურებელი დიპლომის ასლი;

ბ) პირადობის მოწმობის ასლი;

გ) სპორტსმენის კუთვნილი საბანკო ანგარიშის ნომერი.

2. პირველ   პუნქტში   მითითებულ   დოკუმენტებში   ასახული   პერსონალური   მონაცემები შესაძლოა დამუშავდეს მხოლოდ სპორტსმენის დაჯილდოების საკითხის განხილვისას.“.

2.  დადგენილებით დამტკიცებული წესის მე-3  მუხლი ჩამოყალიბდეს შემდეგი რედაქციით:

„გადაწყვეტილებას ა(ა)იპ „გარდაბნის მუნიციპალიტეტის სპორტული ცენტრის“ წარმატებულ  სპორტსმენთა და მწვრთნელთა დაჯილდოების შესახებ სხდომაზე ინდივიდუალურად იღებს მუნიციპალიტეტის საკრებულო შესაბამისი განკარგულებით. ჯილდოს სახით მწვრთნელზე ერთჯერადად გასაცემი თანხა არ უნდა აღემატებოდეს წარმატებული სპორტსმენ(ებ)ის დასაჯილდოებელი თანხის 50%-ს. “.

3. დადგენილებით დამტკიცებული წესის მე-5 მუხლი ჩამოყალიბდეს შემდეგი რედაქციით:

„გრანდ-სლემის პრიზიორი უთანაბრდება ევროპის პრიზიორს.“.