დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ფარმაცევტული პროდუქტის რეალიზატორის მიერ სამედიცინო საქმიანობის სახელმწიფო რეგულირების სააგენტოსთვის საბითუმო და საცალო რეალიზაციის დაწყებისა და დასრულების შესახებ შეტყობინების ფორმისა და წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2016 წლის 20 ივლისის №01-28/ნ ბრძანებაში ცვლილების შეტანის შესახებ“ | |
|---|---|
| დოკუმენტის ნომერი | 01-43/ნ |
| დოკუმენტის მიმღები | საქართველოს შრომის, ჯანმრთელობისა და სოციალური დაცვის მინისტრი |
| მიღების თარიღი | 31/10/2016 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 01/11/2016 |
| სარეგისტრაციო კოდი | 470200000.22.035.016408 |
|
„ფარმაცევტული პროდუქტის რეალიზატორის მიერ სამედიცინო საქმიანობის სახელმწიფო რეგულირების სააგენტოსთვის საბითუმო და საცალო რეალიზაციის დაწყებისა და დასრულების შესახებ შეტყობინების ფორმისა და წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2016 წლის 20 ივლისის №01-28/ნ ბრძანებაში ცვლილების შეტანის შესახებ
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„ფარმაცევტული პროდუქტის რეალიზატორის მიერ სამედიცინო საქმიანობის სახელმწიფო რეგულირების სააგენტოსთვის საბითუმო და საცალო რეალიზაციის დაწყებისა და დასრულების შესახებ შეტყობინების ფორმისა და წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2016 წლის 20 ივლისის №01-28/ნ ბრძანებაში (www.matsne.gov.ge, 21/07/2016, 470200000.22.035.016394) შეტანილ იქნეს შემდეგი ცვლილება: |
1.
ბრძანებას მე-2 პუნქტის შემდეგ დაემატოს 21 და 22 პუნქტები შემდეგი რედაქციით:
„21. ფიზიკური ან იურიდიული პირის მიერ ამ ბრძანების მე-2 პუნქტით განსაზღვრული შეტყობინების სააგენტოსადმი მიუწოდებლობის შემთხვევაში, სააგენტო რეალიზატორის მიერ მითითებულ მისამართზე საბითუმო და საცალო რეალიზაციის დასრულების ფაქტს ასახავს ფარმაცევტული პროდუქტის რეალიზატორების რეესტრში. 22. ყველა ფიზიკური ან იურიდიული პირი, რომელიც ახორციელებს ფარმაცევტული პროდუქტის რეალიზაციას, ვალდებულია 2017 წლის 1 იანვრამდე წარუდგინოს სააგენტოს ფარმაცევტული პროდუქტის საბითუმო და საცალო რეალიზაციის თაობაზე შეტყობინება განახლებული ფორმის შესაბამისად. ამ ბრძანებით გათვალისწინებული ფორმის გარეშე საქმიანობა გამოიწვევს მათ პასუხისმგებლობას მოქმედი კანონმდებლობით განსაზღვრული წესით.“. |
2.
ბრძანებით დამტკიცებული №1 დანართის (ფარმაცევტული პროდუქტის საბითუმო და საცალო რეალიზაციის დაწყებისა და დასრულების შესახებ სსიპ - სამედიცინო საქმიანობის სახელმწიფო რეგულირების სააგენტოსათვის შეტყობინების წესი): |
ა)
მე-2 მუხლის: |
ა.ა)
მე-8 პუნქტი ჩამოყალიბდეს შემდეგი რედაქციით:
„8. სააგენტო უფლებამოსილია, მოახდონოს შეტყობინების ფორმაში მითითებული ნებისმიერი ინფორმაციის (მ.შ. განათლების დამადასტურებელი დოკუმენტის (დიპლომის)) შესაბამის ორგანოში გადამოწმება, ასევე, საჭიროების შემთხვევაში, ადგილზე გადაამოწმოს შეტყობინების ფორმაში მითითებული ფაქტობრივი გარემოებები.“; |
ა.ბ)
მე-11 პუნქტი ჩამოყალიბდეს შემდეგი რედაქციით:
„11. ამ მუხლის მე-9 პუნქტით განსაზღვრულ შემთხვევაში, სააგენტო შეტყობინების მიღების თაობაზე გადაწყვეტილებას იღებს ხარვეზის აღმოფხვრის და/ან შესაბამისი ორგანოდან მოწოდებული ინფორმაციის და/ან ფაქტობრივი გარემოებების ადგილზე გადამოწმების საფუძველზე და მიღებულ გადაწყვეტილებას აცნობებს დაინტერესებულ პირს SMS-ით და/ან ელექტრონული ფოსტის საშუალებით, 3 სამუშაო დღის განმავლობაში. სააგენტოდან დადებითი პასუხის მიღების შემთხვევაში, დაინტერესებული პირი ასევე იღებს უნიკალურ კოდს (ციფრებისა და ასოების კომბინაცია), რაც მას/დაინტერესებულ პირს აძლევს შეტყობინებაში მითითებული საქმიანობის დაწყებისა და, ასევე, სპეციალურ ელექტრონულ სისტემაში ჩართვის შესაძლებლობას.“; |
ა.გ)
მე-11 პუნქტის შემდეგ დაემატოს 111 პუნქტი შემდეგი რედაქციით:
„111. სააგენტო უფლებამოსილია, დაინტერესებულ პირს მისთვის მინიჭებული უნიკალური კოდი ასევე გადასცეს ამობეჭდილი ფორმით.“; |
ბ)
მე-3 მუხლს დაემატოს მე-3 პუნქტი შემდეგი რედაქციით:
„3. ფარმაცევტული პროდუქტის საბითუმო/საცალო რეალიზატორი ვალდებულია, ფარმაცევტული პროდუქციის საბითუმო და საცალო რეალიზაციის დაწყებისა და დასრულების შესახებ სსიპ - სამედიცინო საქმიანობის სახელმწიფო რეგულირების სააგენტოსთვის შეტყობინების ფორმით (დანართი №2) განსაზღვრული სხვა ინფორმაციის (მ.შ. დაინტერესებული პირის იურიდიული მისამართი, დაინტერესებული პირის საკონტაქტო ინფორმაცია) ცვლილების შემთხვევაში, ცვლილების განხორციელებიდან ერთი კვირის ვადაში სააგენტოს მიაწოდოს წერილობითი ინფორმაცია აღნიშნულ ცვლილებასთან დაკავშირებით.“; |
გ)
მე-3 მუხლის შემდეგ დაემატოს 31 მუხლი შემდეგი რედაქციით:
„მუხლი 31 იმ შემთხვევაში, თუ სააგენტოს მიერ ფარმაცევტული პროდუქტის რეალიზატორების შერჩევითი კონტროლის განხორციელებისას ფარმაცევტული პროდუქტის რეალიზატორი არ ფუნქციონირებს ფარმაცევტული პროდუქციის საბითუმო და საცალო რეალიზაციის დაწყებისა და დასრულების შესახებ სსიპ - სამედიცინო საქმიანობის სახელმწიფო რეგულირების სააგენტოსთვის შეტყობინების ფორმაში მითითებულ ფაქტობრივ მისამართზე (ფარმაცევტული პროდუქტის რეალიზაციის ადგილი) და მას სააგენტოში წარდგენილი არ აქვს შეტყობინება რეალიზაციის დასრულების შესახებ, სააგენტო რეალიზატორის მიერ მითითებულ მისამართზე საბითუმო და საცალო რეალიზაციის დასრულების ფაქტს ასახავს ფარმაცევტული პროდუქტის რეალიზატორების რეესტრში.“. |
| მუხლი 2 |
ბრძანება ამოქმედდეს გამოქვეყნებისთანავე.
|
|
დოკუმენტის კომენტარები