ცაგერის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

საქართველოს მთავრობის

განკარგულება №2183

2016 წლის 7 ოქტომბერი

ქ. თბილისი

ცაგერის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს № 136 დადგენილებით დამტკიცებული დებულების (შემდგომში – დებულება) 7⁴ მუხლის პირველი პუნქტის „ა“ ქვეპუნქტის საფუძველზე, „სოფლის მხარდაჭერის პროგრამის ფარგლებში საქართველოს სახელმწიფო ბიუჯეტიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2016 წლის 19 თებერვლის № 265 განკარგულებითა და „სტიქიის შედეგების სალიკვიდაციო ღონისძიებების განხორციელების თაობაზე“ საქართველოს მთავრობის 2016 წლის 27 მაისის № 964 განკარგულებით გამოყოფილი დაფინანსების ფარგლებში, ადგილობრივი მნიშვნელობის გზების სარეაბილიტაციო სამუშაოების განხორციელებისა და გაბიონების მოწყობის მიზნით, ცაგერის მუნიციპალიტეტი, 3 თვის ვადით, გათავისუფლდეს სასარგებლო წიაღისეულის მოპოვების ლიცენზიისაგან და მიეცეს უფლება, მოიპოვოს 400 (ოთხასი) კბ.მ  ლოდნარი და 6800 კბ.მ  კირქვის ღორღი შემდეგი X და Y კოორდინატების საზღვრებში:      

ა) სოფ. ჭალისთავის მიმდებარე ტერიტორია – 400  კბ.მ ლოდნარი:

       ბ) სოფ. ოყურეშის  მიმდებარე ტერიტორია – 6800 კბ.მ კირქვის ღორღი:

2. ლიცენზიისაგან გათავისუფლებული პირი – ცაგერის მუნიციპალიტეტი ვალდებულია:

ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს შესაბამისი დასკვნებით (გეოსაინფორმაციო პაკეტები) განსაზ­ღვრული პირობების შესრულება;

ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული მიზნისათვის.  

3. დებულების 7⁴ მუხლის 2¹ პუნქტის შესაბამისად, სასარგებლო წიაღისეულის მოპოვების ლიცენზიისაგან გათავისუფლებისათვის დადგინდეს განსხვავებული გადასახდელი თანხა და ცაგერის მუნიციპალიტეტმა, ამ განკარგულების ძალაში შესვლიდან ერთი თვის ვადაში, უზრუნველყოს საქართველოს სახელმწიფო ბიუჯეტში შემდეგი ოდენობის თანხების გადახდა:

ა) სოფ. ჭალისთავის მიმდებარე ტერიტორია – 400 კბ.მ ლოდნარის  მოპოვებისთვის –   2, 800 ლარი;

ბ) სოფ. ოყურეშის მიმდებარე ტერიტორია – 6800  კბ.მ  კირქვის ღორღის მოპოვებისთვის – 10, 200 ლარი.

4. ცაგერის მუნიციპალიტეტის მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ – გარემოსდაცვითი ზედამხედველობის დეპარტამენტმა  (შემდგომში – გარემოსდაცვითი ზედამხედველობის დეპარტამენტი).

5. ცაგერის მუნიციპალიტეტმა, სასარგებლო წიაღისეულის მოპოვების ვადის გასვლიდან 2 კვირის ვადაში, გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

პრემიერ-მინისტრი                                                                  გიორგი კვირიკაშვილი