„EXPO 2017“ მსოფლიო გამოფენაში საქართველოს მონაწილეობის ორგანიზების მიზნით სამთავრობო კომისიის შექმნის თაობაზე

საქართველოს მთავრობის

განკარგულება №2178

2016 წლის 7 ოქტომბერი

ქ. თბილისი

 „EXPO 2017“ მსოფლიო გამოფენაში საქართველოს მონაწილეობის ორგანიზების მიზნით სამთავრობო კომისიის შექმნის თაობაზე

2017 წლის 10 ივნისიდან 10 სექტემბრამდე, ყაზახეთში, ქალაქ ასტანაში ეწყობა მსოფლიო გამოფენა - „EXPO 2017“. ამ გამოფენაში საქართველოს დელეგაციის მონაწილეობისა და ჩვენი ქვეყნის ღირსეულად წარმოჩენისათვის მოსამზადებელ ღონისძიებათა განხორციელების მიზნით:

1. „საქარ­თველოს მთავ­რობის სტრუქტურის, უფლებამო­სი­ლებისა და საქმიანობის წე­სის შესახებ“ საქართველოს კანონის 29-ე მუხლის შესაბამისად, შეიქმნას სამთავრობო კომისია (შემდგომში – კომისია) შემდეგი შემადგენლობით:

ილია ელოშვილი – საქართველოს ენერგეტიკის მინისტრი, კომისიის თავმჯდომარე;

ქეთევან ბოჭორიშვილი – საქართველოს ეკონომიკისა და მდგრადი განვითარების მინისტრის მოადგილე;

დავით ლეჟავა - საქართველოს ფინანსთა მინის­ტრის მოადგილე;

მანანა ბერიკაშვილი – საქართველოს კულტურისა და ძეგლთა დაცვის მინისტრის მოადგილე;

დავით ჯალაღანია – საქართველოს საგარეო საქმეთა მინისტრის მოადგილე;

გიორგი პერტაია – სსიპ - საქართველოს ეროვნული საინვესტიციო სააგენტოს დირექ­ტორი;

გიორგი სამანიშვილი - სსიპ - ღვინის ეროვნული სააგენტოს თავმჯდომარე;

ნოდარ კერესელიძე – საქართველოს სოფლის მეურნეობის მინისტრის პირველი მოადგილე;

გიორგი ჩოგოვაძე – სსიპ - საქართველოს ტუ­რიზმის ეროვნული ადმინისტრაციის ხელმძღვანელი.

2. საქართველოს მხარის გამოფენის სექციის კომისრად და­ინიშნოს საქართველოს ენერგეტიკის მი­ნისტრი ილია ელოშვილი.

3. მოწონებულ იქნეს, ერთი მხრივ, სექციის კომისარ ილია ელოშვილსა და , მეორე მხრივ, სს „ეროვნულ კომპანია „ასტანა ექსპო 2017“-ს შორის დასადები ხელშეკრულება.

4. კომისიამ 2 თვეში შეიმუშაოს და წარმოადგინოს:

ა) „EXPO 2017“ მსოფლიო გამოფენაში საქართველოს მო­ნაწილეობის მოსამზადებელ ღონისძიებათა გეგმა;

ბ) „EXPO 2017“ მსოფლიო გამოფენაში საქართველოს მო­ნაწილეობის გეგმის თანახმად შედგენილი ხარჯთა ნუსხა.

5. კომისიის უფლებამოსილების ვადა განისაზღვროს 2017 წლის 10 სექტემბრამდე.

პრემიერ-მინისტრი                                        გიორგი კვირიკაშვილი