სახელმწიფო საკუთრებაში არსებული ქონების სს „თელასისათვის“ იჯარის უფლებით გადაცემის თაობაზე თანხმობის მიცემის შესახებ

საქართველოს მთავრობის

განკარგულება №2164

2016 წლის 7 ოქტომბერი

ქ. თბილისი

სახელმწიფო საკუთრებაში არსებული ქონების სს „თელასისათვის“ იჯარის უფლებით გადაცემის თაობაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტისშესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოს, რომ სს „თელასს“ (ს/კ: №202052580) იჯარის უფლებით გადასცეს ქ. თბილისში, ვანის ქუჩა №3-ში მდებარე 2771 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები: №1 საერთო ფართით – 292.9 კვ.მ; №2 საერთო ფართით – 194.1 კვ.მ და №3 საერთო ფართით – 21.5 კვ.მ (მიწის (უძრავი ქონების) საკადასტრო კოდი: №01.13.06.008.080), შესაბამისი ხელშეკრულების გაფორმებიდან 15 (თხუთმეტი) წლის ვადით, ყოველთვიური საიჯარო ქირით – 2500 (ორი ათას ხუთასი) ლარად.

2. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი                                                            გიორგი კვირიკაშვილი