,,საქართველოს სტანდარტიზაციის, მეტროლოგიისა და სერტიფიკაციის სახელმწიფო დეპარტამენტის დებულების შესახებ“ საქართველოს პრეზიდენტის 1998 წლის 27 მარტის №179 ბრძანებულებით დამტკიცებულ დებულებაში ცვლილებების შეტანის თაობაზე

საქართველოს პრეზიდენტის

ბრძანებულება №401

2003 წლის 18 აგვისტო

ქ. თბილისი

„საქართველოს სტანდარტიზაციის, მეტროლოგიისა და სერტიფიკაციის სახელმწიფო დეპარტამენტის დებულების შესახებ“ საქართველოს პრეზიდენტის 1998 წლის 27 მარტის №179 ბრძანებულებაში ცვლილებებისა და დამატებების შეტანის თაობაზე

„საქართველოს სტანდარტიზაციის, მეტროლოგიისა და სერტი­ფიკაციის სახელმწიფო დეპარტამენტის დებულების შესახებ“ საქარ­თველოს პრეზიდენტის 1998 წლის 27 მარტის №179 ბრძანებულებით დამტკიცებულ დებულებაში შეტანილ იქნეს შემდეგი ცვლილებები და დამატებები:

1. VII თავის მე-17 პუნქტის გ) და ე) ქვეპუნქტები ამოღებულ იქნეს.

2. VII თავის მე-20 და 21- პუნქტები ამოღებულ იქნეს.

3. VII თავის 22-ე პუნქტის ჩამოყალიბდეს შემდეგი რედაქციით:

„22. „საქსტანდარტის“ სისტემაში შედიან „საქსტანდარტის“ აფხაზეთსა და აჭარის ავტონომიური რესპუბლიკების ტერიტორიული ორგანოები, „საქსტანდარტის“ ტერიტორიული ორგანოები ქალაქებში: ამბროლაური, ახალციხე, გორი, ზუგდიდი, თელავი, ოზურგეთი, რუსთავიუ, ფოთი, მცხეთა და ქუთაისი, საქართველოს სტანდარტიზაციის, მეტროლოგიისა და სერტიფიკაციის სახელმწიფო დეპარტამენტის გამგებლობაში არსებული საქვეუწყებო დაწესებულება – „პროდუქციისა და მომსახურების უსაფრთხოების სახლემწიფო ზედამხედველობის ინსპექცია“, საჯარო სამართლის იურიდიული პირი – „აკრედიტაციის ეროვნული ორგანო“, საჯარო სამართლის იურიდიული პირი – „მეტროლოგიისა და სტანდარტიზაციის ეროვნული ინსტიტუტი“ და საჯარო სამართლის იურიდიული პირი – „მეტროლოგიის ცენტრი“.

ე. შევარდნაძე