სსიპ - დევნილთა საარსებო წყაროებით უზრუნველყოფის სააგენტოსათვის „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვაზე გამონაკლისის დაშვების თაობაზე

საქართველოს მთავრობის

განკარგულება №2098

2016 წლის 5 ოქტომბერი

ქ. თბილისი

სსიპ – დევნილთა საარსებო წყაროებით უზრუნველყოფის სააგენტოსათვის „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვაზე გამონაკლისის დაშვების თაობაზე

 „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლის მე-7 პუნქტის შესაბამისად, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს სახელმწიფო კონტროლს დაქვემდებარებულ სსიპ – დევნილთა საარსებო წყაროებით უზრუნველყოფის სააგენტოზე (შემდგომში – სააგენტო) არ გავრცელდეს „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლის პირველი პუნქტით გათვალისწინებული შეზღუდვა და მიეცეს თანხმობა, სააგენტოში ხელშეკრულებით დაქირავებულთა რაოდენობა განისაზღვროს 17 ერთეულით, საიდანაც 12 შტატგარეშე ერთეულის აყვანა განხორციელდება „მოწყვლად, იძულებით გადაადგილებულ პირთა სოციალურ-ეკონომიკური გაძლიერება გენდერული ასპექტების გათვალისწინებით, მათი საარსებო წყაროების თანადაფინანსებისა და სოციალური გააქტიურების ხელშეწყობის გზით“ (პროექტის კოდი: GCP/GEO/007/EC) პროექტის ფარგლებში.

პრემიერ-მინისტრი                                                 გიორგი კვირიკაშვილი