ახმეტის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

საქართველოს მთავრობის

განკარგულება №2000

2016 წლის 30 სექტემბერი

ქ. თბილისი

ახმეტის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების (შემდგომში – დებულება) 7⁴ მუხლის პირველი პუნქტის „ა“ ქვეპუნქტის საფუძველზე, სახელმწიფოებრივი და საზოგადოებრივი ინტერესების გათვალისწინებით, შიდა საუბნო და სასოფლო-სამეურნეო სავარგულებთან მისასვლელი გზების სარეაბილიტაციო სამუშაოების განხორციელების მიზნით, ახმეტის მუნიციპალიტეტი, 3 თვის ვადით, გათავისუფლდეს სასარგებლო წიაღისეულის მოპოვების ლიცენზიისაგან და მიეცეს უფლება, მოიპოვოს 4 000 (ოთხი ათასი) მ³ ქვიშა-ხრეში შემდეგი X და Y კოორდინატების საზღვრებში:

ა) სოფ. მატანის ტერიტორია – 800 კბ.მ ქვიშა-ხრეში:

ბ) სოფ.  ნადუქნარის ტერიტორია – 700 კბ.მ ქვიშა-ხრეში:

გ) ქ. ახმეტის მიმდებარე ტერიტორია – 850 კბ.მ ქვიშა-ხრეში:

დ) ქ. ახმეტის მიმდებარე ტერიტორია – 850 კბ.მ ქვიშა-ხრეში:

ე) სოფ. დუისის ტერიტორია – 800 კბ.მ ქვიშა-ხრეში:

2. ლიცენზიისაგან გათავისუფლებული პირი – ახმეტის მუნიციპალიტეტი ვალდებულია:

ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს შესაბამისი დასკვნებით (გეოსაინფორმაციო პაკეტები) განსაზ­ღვრული პირობების შესრულება;

ბ) დაიცვას „მაგისტრალური მილსადენების (ნავთობის, ნავთობპროდუქტების, ნავთობის თანმდევი და ბუნებრივი გაზის და მათი ტრანსფორმაციის პროდუქტების) დაცვის წესისა და მათი დაცვის ზონების დადგენის შესახებ“  საქართველოს მთავრობის 2013 წლის 24 დეკემბრის №365 და „გაზის სისტემების უსაფრთხოების ზოგადი მოთხოვნების შესახებ ტექნიკური რეგლამენტის დამტკიცების თაობაზე“ საქართველოს მთავრობის 2014 წლის 22 იანვრის №101 დადგენილებებით გათვალისწინებული მოთხოვნები;

გ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული მიზნისათვის.

3. დებულების 7⁴ მუხლის 2¹ პუნქტის შესაბამისად, სასარგებლო წიაღისეულის მოპოვების ლიცენზიისაგან გათავისუფლებისათვის დადგინდეს განსხვავებული გადასახდელი თანხა და ახმეტის მუნიციპალიტეტმა, ამ განკარგულების ძალაში შესვლიდან ერთი თვის ვადაში, უზრუნველყოს საქართველოს სახელმწიფო ბიუჯეტში შემდეგი ოდენობის თანხების გადახდა:

ა) სოფ. მატანის ტერიტორია – 800 კბ.მ ქვიშა-ხრეშის მოპოვებისთვის – 160 ლარი;

ბ) სოფ. ნადუქნარის ტერიტორია – 700 კბ.მ ქვიშა-ხრეშის მოპოვებისთვის – 140 ლარი;

გ) ქ. ახმეტის მიმდებარე ტერიტორია – 850 კბ.მ ქვიშა-ხრეშის მოპოვებისთვის – 170 ლარი;

დ) ქ. ახმეტის მიმდებარე ტერიტორია – 850 კბ.მ ქვიშა-ხრეშის მოპოვებისთვის - 170 ლარი;

ე) სოფ. დუისის ტერიტორია – 800 კბ.მ ქვიშა-ხრეშის მოპოვებისთვის - 160 ლარი.

4. ახმეტის მუნიციპალიტეტის მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ – გარემოსდაცვითი ზედამხედველობის დეპარტამენტმა  (შემდგომში - გარემოსდაცვითი ზედამხედველობის დეპარტამენტი).

5. ახმეტის მუნიციპალიტეტმა, სასარგებლო წიაღისეულის მოპოვების ვადის გასვლიდან 2 კვირის ვადაში, გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

პრემიერ-მინისტრი                                                                გიორგი კვირიკაშვილი