საქართველოს პროკურატურის საშტატო ნუსხისა და თანამდებობრივი სარგოების შესახებ

საქართველოს მთავრობის

განკარგულება №1997

2016 წლის 30 სექტემბერი

ქ. თბილისი

საქართველოს პროკურატურის საშტატო ნუსხისა და თანამდებობრივი სარგოების შესახებ

„საქართველოს 2016 წლის სახელმწიფო ბიუჯეტის შესახებ“ საქართველოს კანონის 21-ე მუხლის მე-2 პუნქტის თანახმად, საქართველოს იუსტიციის მინისტრს მიეცეს უფლება, ცვლილება შეიტანოს  საქართველოს იუსტიციის მინისტრის 2011 წლის 30 დეკემბრის №1973 ბრძანებით დამტკიცებულ საქართველოს მთავარი პროკურატურის საშტატო ნუსხაში, 2011 წლის 30 დეკემბრის №1969 ბრძანებით დამტკიცებულ აჭარის ავტონომიური რესპუბლიკის პროკურატურის საშტატო ნუსხაში, 2011 წლის 30 დეკემბრის №1971 ბრძანებით დამტკიცებულ ქ. თბილისისა და საოლქო პროკურატურების საშტატო ნუსხასა და 2011 წლის 30 დეკემბრის №1972 ბრძანებით დამტკიცებულ რაიონული პროკურატურების საშტატო ნუსხაში,  აგრეთვე „საქართველოს პროკურატურის მუშაკთა თანამდებობრივი სარგოების დამტკიცების შესახებ“ საქართველოს იუსტიციის მინისტრის 2013 წლის 10 ივლისის №35 ბრძანებაში, თანდართული დანართების შესაბამისად.

პრემიერ-მინისტრი                                        გიორგი კვირიკაშვილი