სახელმწიფო საკუთრებაში არსებული უძრავი ნივთების ფ/პ ავთანდილ არჯევანიძისათვის იჯარის უფლებით გადაცემაზე თანხმობის მიცემისა და პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №1978

2016 წლის 29 სექტემბერი

ქ. თბილისი

სახელმწიფო საკუთრებაში არსებული უძრავი ნივთების ფ/პ ავთანდილ არჯევანიძისათვის იჯარის უფლებით გადაცემაზე თანხმობის მიცემისა და პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის, მე-7 მუხლის მე-3 პუნქტისა და მე-10 მუხლის მე-2 პუნქტის შესაბამისად, სახელმწიფო საკუთრებაში არსებული, ბოლნისის მუნიციპალიტეტში, სოფელ ტალავერში მდებარე 3290 კვ.მ არასასოფლო-სამეურნეო დანიშნულების მიწის ნაკვეთი და მასზე არსებული შენობა-ნაგებობა: №1 (განაშენიანების ფართით - 967.15 კვ.მ) (მიწის (უძრავი ქონების) საკადასტრო კოდი: №80.04.75.025) და ბოლნისის მუნიციპალიტეტში, სოფელ ტალავერში მდებარე 11000 კვ.მ სასოფლო-სამეურნეო (სახნავი) დანიშნულების მიწის ნაკვეთი (მიწის (უძრავი ნივთის) საკადასტრო კოდი: №80.04.75.094), პირდაპირი მიყიდვის ფორმით, 17907 (ჩვიდმეტი ათას ცხრაას შვიდი) ლარად, საკუთრებაში გადაეცეს ფ/პ ავთანდილ არჯევანიძეს (პ/ნ: 10001063355).

2. ამ განკარგულების პირველი პუნქტით გათვალისწინებული ქონების საპრივატიზებო პირობებად განისაზღვროს:

ა) საპრივატიზებო თანხის გადახდა შესაბამისი ხელშეკრულების გაფორმებიდან 30 (ოცდაათი) კალენდარული დღის ვადაში;

ბ) შესაბამისი ხელშეკრულების გაფორმებიდან არა უმეტეს 2 (ორი) წლის ვადაში, პირადად ან/და მესამე პირ(ებ)ის მეშვეობით:

ბ.ა) №80.04.75.025 (მიწის (უძრავი ქონების)) საკადასტრო კოდით რეგისტრირებულ უძრავ ქონებაზე ან/და მის ნაწილზე არანაკლებ 60 (სამოცი) სულ მსხვილფეხა და 300 (სამასი) სულ წვრილფეხა რქოსან პირუტყვზე გათვლილი ფერმ(ებ)ის მოწყობა, ასევე არანაკლებ 60 (სამოცი) სული მსხვილფეხა და 300 (სამასი) სული წვრილფეხა რქოსანი პირუტყვის მოშენება;

ბ.ბ) ამ პუნქტის „ბ.ა“ ქვეპუნქტით განსაზღვრული ვალდებულებების შესრულების მიზნით, არანაკლებ 80000 (ოთხმოცი ათასი) ლარის ინვესტიციის განხორციელება;

გ) №80.04.75.094 (მიწის (უძრავი ქონების)) საკადასტრო კოდით რეგისტრირებულ უძრავ ნივთზე, შესაბამისი ხელშეკრულების გაფორმებიდან 15 (თხუთმეტი) წლის განმავლობაში:

გ.ა) ყოველი წლის დეკემბრის თვეში, საქართველოს სოფლის მეურნეობის სამინისტროსათვის ინფორმაციის წარდგენა ამ განკარგულების დანართის შესაბამისად;

გ.ბ) შესაბამისი ხელშეკრულების გაფორმებიდან არა უმეტეს 12 (თორმეტი) თვის ვადაში და შემდგომ, ყოველ 5 (ხუთი) წელიწადში ერთხელ, ნიადაგის ნაყოფიერების და ხარისხის შენარჩუნება-გაუმჯობესების გამოკვლევის მიზნით, ნიადაგის ანალიზის დამადასტურებელი დოკუმენტის საქართველოს სოფლის მეურნეობის სამინისტროსათვის წარდგენა.

3. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ - სახელმწიფო ქონების ეროვნულ სააგენტოს, რომ ფ/პ ავთანდილ არჯევანიძეს (პ/ნ: 10001063355) იჯარის უფლებით გადასცეს სახელმწიფო საკუთრებაში არსებული, ბოლნისის მუნიციპალიტეტში, სოფელ ტალავერში მდებარე უძრავი ნივთები: 46509 კვ.მ სასოფლო-სამეურნეო (სახნავი) დანიშნულების მიწის ნაკვეთი (მიწის (უძრავი ნივთის) საკადასტრო კოდი: №80.04.75.028); 227385 კვ.მ სასოფლო-სამეურნეო (სახნავი) დანიშნულების მიწის ნაკვეთი (მიწის (უძრავი ნივთის) საკადასტრო კოდი: №80.04.75.029); 66926 კვ.მ სასოფლო-სამეურნეო (სახნავი) დანიშნულების მიწის ნაკვეთი (მიწის (უძრავი ნივთის) საკადასტრო კოდი: №80.04.75.030) და ქალაქ ბოლნისში მდებარე 195740 კვ.მ სასოფლო-სამეურნეო (სახნავი) დანიშნულების მიწის ნაკვეთი (მიწის (უძრავი ნივთის) საკადასტრო კოდი: №80.06.61.458) (ჯამში - 53.656 ჰა), შესაბამისი ხელშეკრულების გაფორმებიდან 25 (ოცდახუთი) წლის ვადით, წლიური საიჯარო ქირით - 4830 (ოთხი ათას რვაას ოცდაათი) ლარად.

4. ამ განკარგულების მე-3 პუნქტით გადაცემული ქონების სარგებლობის პირობებად განისაზღვროს:

ა) შესაბამისი ხელშეკრულების გაფორმებიდან არაუმეტეს 2 (ორი) წლის ვადაში, პირადად ან/და მესამე პირ(ებ)ის მეშვეობით:

ა.ა) ამ განკარგულების მე-3 პუნქტით განსაზღვრული თითოეული სასოფლო-სამეურნეო დანიშნულების მიწის ნაკვეთის არანაკლებ 80% ფართობზე ერთწლიანი ან/და მრავალწლიანი ნარგავების გაშენება;

ა.ბ) ამ პუნქტის „ა.ა“ ქვეპუნქტით განსაზღვრული ვალდებულებების შესრულების მიზნით, არანაკლებ 30000 (ოცდაათი ათასი) ლარის ინვესტიციის განხორციელება;

ბ) ყოველი წლის დეკემბრის თვეში, ამ განკარგულების მე-3 პუნქტით გადაცემული უძრავ ნივთების შესახებ საქართველოს სოფლის მეურნეობის სამინისტროსათვის ინფორმაციის წარდგენა ამ განკარგულების დანართის შესაბამისად;

გ) ამ განკარგულების მე-3 პუნქტით გადაცემულ უძრავ ნივთებზე შესაბამისი ხელშეკრულების გაფორმებიდან არა უმეტეს 12 (თორმეტი) თვის ვადაში და შემდგომ ყოველ 5 (ხუთი) წელიწადში ერთხელ, ხოლო თუ იჯარის ვადის გასვლამდე დარჩენილია 5 (ხუთი) წელიწადი - იჯარის ვადის ამოწურვამდე ერთი თვით ადრე, ნიადაგის ნაყოფიერების და ხარისხის შენარჩუნება-გაუმჯობესების გამოკვლევის მიზნით, ნიადაგის ანალიზის დამადასტურებელი დოკუმენტის საქართველოს სოფლის მეურნეობის სამინისტროსათვის წარდგენა.

5. ფიზიკური პირი ავთანდილ არჯევანიძე ვალდებულია, ამ განკარგულების მე-2 პუნქტის „ა“ და „ბ“ ქვეპუნქტებითა და მე-4 პუნქტის „ა“ ქვეპუნქტით გათვალისწინებული პირობების შესრულების უზრუნველსაყოფად (მათ შორის, ამ ვალდებულებ(ებ)ის შეუსრულებლობისათვის შესაბამისი ხელშეკრულების საფუძველზე დაკისრებული პირგასამტეხლოს გადახდის უზრუნველსაყოფად), შესაბამისი ხელშეკრულების გაფორმებამდე წარადგინოს ამავე განკარგულების მე-2 პუნქტის „ბ.ბ“ ქვეპუნქტითა და მე-4 პუნქტის „ა.ბ“ ქვეპუნქტით გათვალისწინებული ჯამური ინვესტიციის თანხის არანაკლებ 10%-ის ოდენობის უპირობო და გამოუხმობი საბანკო გარანტია, რომლის ვადაც მე-2 პუნქტის „ბ“ ქვეპუნქტით გათვალისწინებულ ვადას უნდა აღემატებოდეს არანაკლებ 4 (ოთხი) თვით.

 6. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიებების განხორციელება.

პრემიერ-მინისტრი                                         გიორგი კვირიკაშვილი