დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ხარაგაულის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე | |
|---|---|
| დოკუმენტის ნომერი | 1961 |
| დოკუმენტის მიმღები | საქართველოს მთავრობა |
| მიღების თარიღი | 29/09/2016 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 17/10/2016 |
| სარეგისტრაციო კოდი | 000000000.00.003.022289 |
საქართველოს მთავრობის
განკარგულება №1961
2016 წლის 29 სექტემბერი
ქ. თბილისი
ხარაგაულის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე
1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების (შემდგომში – დებულება) 74 მუხლის პირველი პუნქტის „ა“ ქვეპუნქტის საფუძველზე, სახელმწიფოებრივი და საზოგადოებრივი ინტერესების გათვალისწინებით, მუნიციპალიტეტის სოფლებში სტიქიისგან დაზიანებული გზების რეაბილიტაციის მიზნით, ხარაგაულის მუნიციპალიტეტი, 3 თვის ვადით, გათავისუფლდეს სასარგებლო წიაღისეულის მოპოვების ლიცენზიისაგან და მიეცეს უფლება, მოიპოვოს 2 000 (ორი ათასი) მ3 ინერტული მასალა (ღორღი, ქვიშა-ხრეში) შემდეგი X და Y კოორდინატების საზღვრებში:
ა) სოფ. ბაზალეთის მიმდებარედ, 800 მ3 ღორღი:
| № | X | Y |
| 1 | 352210 | 4655512 |
| 2 | 352230 | 4655506 |
| 3 | 352231 | 4655486 |
| 4 | 352217 | 4655479 |
| 5 | 352203 | 4655485 |
| 6 | 352198 | 4655508 |
| S = 0,08 ჰა | ||
| WGS 1984; | ||
ბ) სოფ. ხიდარის მიმდებარედ, 635 მ3 ღორღი:
| № | X | Y |
| 1 | 345871 | 4653375 |
| 2 | 345881 | 4653369 |
| 3 | 345874 | 4653346 |
| 4 | 345852 | 4653348 |
| 5 | 345852 | 4653373 |
| S = 0,07 ჰა | ||
| WGS 1984; | ||
გ) სოფ. საქასრიას მიმდებარედ, 565 მ3 ქვიშა-ხრეში:
| № | X | Y |
| 1 | 359181 | 4663554 |
| 2 | 359150 | 4663534 |
| 3 | 359135 | 4663532 |
| 4 | 359147 | 4663549 |
| 5 | 359182 | 4663569 |
| S = 0,06 ჰა | ||
| WGS 1984. | ||
2. ლიცენზიისაგან გათავისუფლებული პირი – ხარაგაულის მუნიციპალიტეტი ვალდებულია:
ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ - გარემოს ეროვნული სააგენტოს შესაბამისი დასკვნებით (გეოსაინფორმაციო პაკეტები) განსაზღვრული პირობების შესრულება;
ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული მიზნისათვის.
3. დებულების 74 მუხლის 21 პუნქტის შესაბამისად, ხარაგაულის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლებისათვის დადგინდეს განსხვავებული გადასახდელი თანხა და მუნიციპალიტეტმა, ამ განკარგულების ძალაში შესვლიდან ერთი თვის ვადაში, უზრუნველყოს საქართველოს სახელმწიფო ბიუჯეტში 400 ლარის გადახდა.
4. ხარაგაულის მუნიციპალიტეტის მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ – გარემოსდაცვითი ზედამხედველობის დეპარტამენტმა (შემდგომში - გარემოსდაცვითი ზედამხედველობის დეპარტამენტი).
5. ხარაგაულის მუნიციპალიტეტმა, სასარგებლო წიაღისეულის მოპოვების ვადის გასვლიდან 2 კვირის ვადაში, გარემოსდაცვითი ზედამხედველობის დეპარტამენტს წარუდგინოს ინფორმაცია მოპოვებული ბუნებრივი რესურსის ოდენობის შესახებ.
პრემიერ-მინისტრი გიორგი კვირიკაშვილი
დოკუმენტის კომენტარები