„სახელმწიფო საკუთრებაში არსებული უძრავი ქონების შპს „ლაბეი დეველოპმენტისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 19 მაისი №19/05/03 განკარგულებისგან განსხვავებული პირობების დადგენისა და შპს „ლაბეი დეველოპმენტის“ საქმიანობის ხელშესაწყობად რიგ ღონისძიებათა განხორციელების თაობაზე“ საქართველოს მთავრობის 2015 წლის 27 აგვისტოს №1813 განკარგულებაში ცვლილების შეტანისა და შპს „ლაბეი დეველოპმენტის“ საქმიანობის ხელშესაწყობად რიგ ღონისძიებათა განხორციელების შესახებ

საქართველოს მთავრობის

განკარგულება №1928

2016 წლის 16 სექტემბერი 

ქ. თბილისი

 „სახელმწიფო საკუთრებაში არსებული უძრავი ქონების შპს „ლაბეი დეველოპმენტისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 19 მაისის №19/05/03 განკარგულებისგან განსხვავებული პირობების დადგენისა და შპს „ლაბეი დეველოპმენტის“ საქმიანობის ხელშესაწყობად რიგ ღონისძიებათა განხორციელების თაობაზე“ საქართველოს მთავრობის 2015 წლის 27 აგვისტოს №1813 განკარგულებაში ცვლილების შეტანისა და შპს „ლაბეი დეველოპმენტის“ საქმიანობის ხელშესაწყობად რიგ ღონისძიებათა განხორციელების შესახებ

1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და საქართველოს ზოგადი ადმინისტრაციული კოდექსის 63-ე მუხლის შესაბამისად, „სახელმწიფო საკუთრებაში არსებული უძრავი ქონების შპს „ლაბეი დეველოპმენტისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 19 მაისის №19/05/03 განკარგულებისგან განსხვავებული პირობების დადგენისა და შპს „ლაბეი დეველოპმენტის“ საქმიანობის ხელშესაწყობად რიგ ღონისძიებათა განხორციელების თაობაზე“ საქართველოს მთავრობის 2015 წლის 27 აგვისტოს №1813 განკარგულებაში შეტანილ იქნეს ცვლილება და პირველი პუნქტი ჩამოყალიბდეს შემდეგი რედაქციით:

„1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037-Iს საქართველოს კანონის მე-2 მუხლის პირველი პუნქტის შესაბამისად, გაუქმდეს „სახელმწიფო საკუთრებაში არსებული უძრავი ქონების შპს „ლაბეი დეველოპმენტისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 19 მაისის №19/05/03 განკარგულების მე-2 პუნქტის „გ“ და „დ“ ქვეპუნქტებით დადგენილი საპრივატიზებო პირობები.“.

2. „სახელმწიფო ქონების შესახებ“ საქართველოს კანონის 49¹ მუხლის შესაბამისად, შპს „ლაბეი დეველოპმენტი“ გათავისუფლდეს საქართველოს ეკონომიკისა და მდგრადი განვითარების სამინისტროსა (უფლებამონაცვლე – საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტო) და შპს „ლაბეი დეველოპმენტს“ შორის 2011 წლის 20 ივნისს დადებული ნასყიდობის ხელშეკრულების საფუძველზე, ამ განკარგულების პირველი პუნქტის საფუძველზე შესაბამისი ცვლილების ხელშეკრულების გაფორმებამდე დაკისრებული/დასაკისრებელი პირგასამტეხლოსგან.

3. „სახელმწიფო ქონების შესახებ“ საქართველოს კანონის 49¹ მუხლის  მე-2 პუნქტის შესაბამისად, შპს „ლაბეი დეველოპმენტმა“ უზრუნველყოს, ამ განკარგულების გამოცემიდან 60 კალენდარული დღის ვადაში, 131 000 (ას ოცდათერთმეტი ათასი) აშშ დოლარის ეკვივალენტი ლარის სახელმწიფო ბიუჯეტის სასარგებლოდ გადახდა.

4. ამ განკარგულების პირველი და მე-2 პუნქტები ამოქმედდეს ამავე განკარგულების მე-3 პუნქტით განსაზღვრული ვალდებულების შესრულების შემთხვევაში.

5. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                                     გიორგი კვირიკაშვილი