საქართველოს შრომის, ჯანმრთელობისა და სოციალური დაცვის სამინისტროს მიერ სახელმწიფო შესყიდვის გამარტივებული ელექტრონული ტენდერის მეშვეობით განხორციელების შესახებ

საქართველოს მთავრობის

განკარგულება №192 4

2016 წლის 16 სექტემბერი

ქ. თბილისი

საქართველოს შრომის, ჯანმრთელობისა და სოციალური დაცვის სამინისტროს მიერ სახელმწიფო შესყიდვის გამარტივებული ელექტრონული ტენდერის მეშვეობით განხორციელების შესახებ

„სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, მიეცეს უფლება საქართველოს შრომის, ჯანმრთელობისა და სოციალური დაცვის სამინისტროს, „საქართველოსა (საქართველოს შრომის, ჯანმრთელობისა და სოციალური დაცვის სამინისტროს სახით) და გილიად საიენს, ინკ-ს („გილიადი“) (Gilead Sciences, Inc. („Gilead“) შორის გასაფორმებელი დოკუმენტის თაობაზე“  საქართველოს მთავრობის 2016 წლის 21 ივლისის №1455 განკარგულების შესაბამისად მიღებული მიზნობრივი გრანტის ფარგლებში, ქ. ზუგდიდის სკრინინგის (C ჰეპატიტი) მართვის ცენტრისათვის სამედიცინო მოწყობილობების შესყიდვა განახორციელოს გამარტივებული ელექტრონული ტენდერის მეშვეობით, „საქართველოს 2016 წლის სახელმწიფო ბიუჯეტის შესახებ“ საქართველოს კანონით გათვალისწინებული (პროგრამული კოდი: 35 04 (მიზნობრივი გრანტი)) პროგრამის ასიგნებათა ფარგლებში.

პრემიერ-მინისტრი                                                                გიორგი კვირიკაშვილი