„ივანე ჯავახიშვილის სახელობის თბილისის სახელმწიფო უნივერსიტეტის სტატუსის შესახებ“ საქართველოს პრეზიდენტის 2001 წლის 13 ივლისის №277 ბრძანებულებით დამტკიცებული ივანე ჯავახიშვილის სახელობის სახელმწიფო უნივერსიტეტის წესდებაში ცვლილებისა და დამატების შეტანის შესახებ

საქართველოს პრეზიდენტის

ბრძანებულება №360

2003 წლის 24 ივლისი

ქ. თბილისი

„ივანე ჯავახიშვილის სახელობის თბილისის სახელმწიფო უნივერსიტეტის  სტატუსის შესახებ“ საქართველოს პრეზიდენტის 2001 წლის 13 ივლისის №277 ბრძანებულებით დამტკიცებული ივანე ჯავახიშვილის სახელობის სახელმწიფო უნივერსიტეტის წესდებაში ცვლილებისა და დამატების შეტანის შესახებ

„ივანე ჯავახიშვილის სახელობის თბილისის სახელმწიფო უნივერსიტეტის  სტატუსის შესახებ“ საქართველოს პრეზიდენტის 2001 წლის 13 ივლისის №277 ბრძანებულებით დამტკიცებული (სსმ III, 2001წ., №76 მუხლი 271) ივანე ჯავახიშვილის სახელობის სახელმწიფო უნივერსიტეტის წესდებაში შევიდეს შემდეგი ცვლილება და დამატება:

1. წესდების II თავის მე-5 პუნქტი ჩამოყალიბდეს შემდეგი რედაქციით:

„ავტონომიური უნივერსიტეტის მართვის უმაღლესი ორგანოა უნივერსიტეტის სამეცნიერო საბჭო (შემდგომში – დიდი საბჭო), რომლის გადაწყვეტილებანი ერთნაირად სავალდებულოა როგორც უნივერსიტეტის ყველა სტრუქტურული ერთეულისათვის, ისე მთელი შემადგენლობისთვის“.

2. წესდების II თავს დაემატოს შემდეგი შინაარსის 1­2¹ პუნქტი:

„პუნქტი 12¹. უნივერსიტეტთან არსებობს სამეურვეო საბჭო, რომელიც მოიზიდავს შემოსავლებს უნივერსიტეტისათვის და იძლევა რეკომენდაციებს მისი რაციონალურად განკარგვის მიზნით.

უნივერსიტეტის სამეურვეო საბჭოს შემადგენლობა განისაზღვრება 7 წევრით. სამეურვეო საბჭოს წევრებს ღია კენჭისყრით ირჩევს დიდი საბჭო, უნივერსიტეტის რექტორის წარდგინებით 6 წლის ვადით.

სამეურვეო საბჭო თავისი შემადგენლობიდან ირჩევს თავმჯდომარეს და მოადგილეს სამეურვეო საბჭოს უფლებამოსილების ვადით“.

ე. შევარდნაძე