სახელმწიფო საკუთრებაში არსებული უძრავი ქონების შპს „ყაზტრანსგაზ-თბილისისათვის“ პირდაპირი მიყიდვის ფორმით პრივატიზების

საქართველოს მთავრობის

განკარგულება №1756

2016 წლის 26 აგვისტო

ქ. თბილისი

სახელმწიფო საკუთრებაში არსებული უძრავი ქონების შპს „ყაზტრანსგაზ-თბილისისათვის“ პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული ქ. თბილისში, სოფელ გლდანში მდებარე 140 კვ.მ. არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი №72.13.16.372) პირდაპირი მიყიდვის ფორმით, 2100 (ორი ათას ასი) ლარად საკუთრებაში გადაეცეს შპს ,,ყაზტრანსგაზ-თბილისს“ (ს/ნ: №205129617).

2. ამ განკარგულების პირველი პუნქტით განსაზღვრული უძრავი ქონების საპრივატიზებო პირობად განისაზღვროს:

ა) საპრივატიზებო თანხის გადახდა შესაბამისი ხელშეკრულების გაფორმებიდან 1 (ერთი) თვის ვადაში;

ბ) ამ განკარგულების პირველი პუნქტით განსაზღვრულ უძრავ ქონებაზე ან/და მის ნაწილზე გაზგამანაწილებელი სადგურის მშენებლობა და ექსპლუატაციაში მიღება არაუგვიანეს 2017 წლის 01 თებერვლისა.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი გიორგი კვირიკაშვილი