„საქართველოს საზღვაო ნავსადგურებში გემის ეკიპაჟის, მგზავრთა, მათი ბარგის და ხელბარგის, ტრანსპორტის, ტვირთის რეგისტრაციის, სასაზღვრო-მიგრაციული და საბაჟო კონტროლის გაუმჯობესების ღონისძიებათა შესახებ“ საქართველოს პრეზიდენტის 1997 წლის 16 სექტემბრის №522 ბრძანებულებაში დამატების შეტანის თაობაზე

საქართველოს პრეზიდენტის

ბრძანებულება №325

2003 წლის 29 ივნისი

ქ. თბილისი

„საქართველოს საზღვაო ნავსადგურებში გემის ეკიპაჟის, მგზავრთა, მათი ბარგის და ხელბარგის, ტრანსპორტის, ტვირთის რეგისტრაციის, სასაზღვრო-მიგრაციული და საბაჟო კონტროლის გაუმჯობესების ღონისძიებათა შესახებ“ საქართველოს პრეზიდენტის 1997 წლის 16 სექტემბრის №522 ბრძანებულებაში დამატების შეტანის თაობაზე

„საქართველოს საზღვაო ნავსადგურებში გემის ეკიპაჟის, მგზავრთა, მათი ბარგის და ხელბარგის, ტრანსპორტის, ტვირთის რეგისტრაციის, სასაზღვრო-მიგრაციული და საბაჟო კონტროლის გაუმჯობესების ღონისძიებათა შესახებ“ საქართველოს პრეზიდენტის 1997 წლის 16 სექტემბრის №522 ბრძანებულებით დამტკიცებულ „საქართველოს საზღვაო ნავსადგურებში გემის ეკიპაჟის, მგზავრთა, მათი ბარგის და ხელბარგის, ტრანსპორტის, ტვირთის რეგისტრაციის, სასაზღვრო-მიგრაციული და საბაჟო კონტროლის განხორციელების წესის შესახებ“ დებულებაში შეტანილ იქნეს ცვლილება და დებულებას დაემატოს შემდეგი შინაარსის 5.5 პუნქტი:

„5.5. საქართველოს საზღვაო ნავსადგურის ტერიტორიაზე საბაჟო კონტროლს დაქვემდებარებული საქონლისა და სატრანსპორტო საშუალებების დაკარგვის შემთხვევაში, როდესაც საქონლისა და სატრანსპორტო საშუალებების შენახვის (გადაზიდვის და/ან სხვა სატვირთო ოპერაციების) უფლებამოსილებას ახორციელებს საზღვაო ნავსადგურის ადმინისტრაცია, საბაჟო გადასახდელების გადახდის გამო პასუხისმგებლობა ეკისრება საქართველოს საზღვაო ნავსადგურის ადმინისტრაციას.“

ე. შევარდნაძე