საჯარო სამართლის იურიდიული პირის - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის ბალანსზე რიცხული მოძრავი ქონების უსასყიდლო სარგებლობაში გადაცემაზე თანხმობის მიცემის შესახებ

საქართველოს მთავრობის

განკარგულება №1645

2016 წლის 15 აგვისტო

ქ. თბილისი

საჯარო სამართლის იურიდიული პირის – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის ბალანსზე რიცხული მოძრავი ქონების უსასყიდლო სარგებლობაში გადაცემაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის საფუძველზე, საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულ სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულ ცენტრს (შემდგომში – ცენტრი) მიეცეს თანხმობა, მის ბალანსზე რიცხული, დანართით განსაზღვრული მოძრავი ქონება უსასყიდლოდ, 2 წლის ვადით, აუქციონის გარეშე, სარგებლობის უფლებით გადასცეს შემდეგ სამედიცინო დაწესებულებებს:

ა) სს „რუსთავის სამშობიარო სახლს“;

ბ) შპს „სიხარული“ – თელავის სამშობიარო სახლს;

გ) სს „იავნანას“;

დ) შპს „ჯუმბერ გოგიაშვილის კლინიკას“.

2. „სახელმწიფო ქონების შესახებ“ საქართველოს კანონის პირველი მუხლის მე-5 პუნქტის „ზ“ ქვეპუნქტის გათვალისწინებით, ცენტრმა უზრუნველყოს დანართით განსაზღვრული ახალშობილთა სმენის სკრინინგის აპარატების ფუნქციონირებისათვის საჭირო ერთჯერადი გამოყენების სახარჯი მასალის გადაცემა ამ განკარგულების პირველი პუნქტით განსაზღვრულ სამედიცინო დაწესებულებებზე.

3. ამ განკარგულების პირველი და მე-2 პუნქტების შესრულების მიზნით, ცენტრმა უზრუნველყოს მოძრავი ქონების გადაცემა და შესაბამისი დოკუმენტაციის გაფორმება, კანონმდებლობით დადგენილი წესით.

პრემიერ-მინისტრი                    გიორგი კვირიკაშვილი