საქართველოს მთავრობის სარეზერვო ფონდიდან საქართველოს იუსტიციის უმაღლეს საბჭოსთან არსებული სსიპ - საერთო სასამართლოების დეპარტამენტისთვის თანხის გამოყოფის შესახებ

საქართველოს მთავრობის

განკარგულება №1608

2016 წლის 4 აგვისტო

ქ. თბილისი

საქართველოს მთავრობის სარეზერვო ფონდიდან საქართველოს იუსტიციის უმაღლეს საბჭოსთან არსებული სსიპ - საერთო სასამართლოების დეპარტამენტისთვის თანხის გამოყოფის შესახებ

1. საქართველოს ფინანსთა სამინისტრომ, „საქართველოს 2016 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან,  საქართველოს იუსტიციის უმაღლეს საბჭოსთან არსებულ სსიპ - საერთო სასამართლოების დეპარტამენტს გამოუყოს 1 344 300 (ერთი მილიონ სამას ორმოცდაოთხი ათას სამასი) ლარი, მათ შორის:

ა) „საქართველოს 2016 წლის სახელმწიფო ბიუჯეტის შესახებ“ საქართველოს კანონის 32-ე მუხლის შესაბამისად, თბილისის სააპელაციო და თბილისის საქალაქო სასამართლოების მოსამართლეთა 20 ერთეულით, მოსამართლის თანაშემწის 20 ერთეულით და სხდომის მდივნის (რეფერენტის) 20 საშტატო ერთეულით გაზრდასთან დაკავშირებული ხარჯების დასაფინანსებლად - 844 300 (რვაას ორმოცდაოთხი ათას სამასი) ლარი;

ბ) 2017 წლის პირველი იანვრიდან საქართველოს სისხლის სამართლის საპროცესო კოდექსის 21 ¹  მუხლის („ნაფიც მსაჯულთა სასამართლოს ტერიტორიული განსჯადობა“) ამოქმედებისათვის განსახორციელებელი ღონისძიებების და თბილისის საქალაქო სასამართლოს ახალი შენობის მშენებლობისათვის საჭირო საპროექტო დოკუმენტაციის მომზადებასთან დაკავშირებული ხარჯების დასაფინანსებლად - 500 000 (ხუთასი ათასი) ლარი.

2.    ეთხოვოს ქალაქ თბილისის მუნიციპალიტეტის მერიას,  უზრუნველყოს შესაბამისი ღონისძიებების გატარება, თბილისის საქალაქო სასამართლოს (მისამართი: ქალაქი თბილისი, დავით აღმაშენებლის ხეივანი, მე-12 კმ, №6) ტერიტორიაზე არსებული სანიაღვრე კოლექტორის გადატანის მიზნით.

პრემიერ-მინისტრი                                                   გიორგი კვირიკაშვილი