„საჯარო სამართლის იურიდიული პირის – საქართველოს იუსტიციის სასწავლო ცენტრის დებულების დამტკიცების შესახებ" საქართველოს იუსტიციის მინისტრის 2015 წლის 28 იანვრის №56 ბრძანებაში ცვლილების შეტანის შესახებ

1. მე-3 მუხლის პირველ პუნქტს დაემატოს შემდეგი შინაარსის „თ¹” ქვეპუნქტი:

„თ¹) სხვადასხვა სპეციალობის პერსონალის კვალიფიკაციისა და კომპეტენტურობის შეფასება და დადგენილი სტანდარტების შესაბამისად მათი სერტიფიცირება;”.

2. მე-5 მუხლის მე-2 პუნქტს დაემატოს შემდეგი შინაარსის „ლ“ ქვეპუნქტი:

„ლ) სერტიფიკაციის სამსახური.“.

3. მე-15 მუხლის შემდეგ დაემატოს შემდეგი შინაარსის 15¹ მუხლი:

„მუხლი 15¹. სერტიფიკაციის სამსახური

სერტიფიკაციის სამსახურის ამოცანები და ფუნქციებია:

ა) დადგენილი სტანდარტებისა და მოქმედი კანონმდებლობის შესაბამისად, სხვადასხვა სპეციალობის მიხედვით დაინტერესებული პირების, ასევე მათი პერსონალის კვალიფიკაციისა და კომპეტენტურობის შეფასება და მათი სერტიფიცირება;

ბ) სერტიფიცირებასთან დაკავშირებული მომსახურების მიწოდება და შესაბამისი პროცესის ორგანიზება;

გ) დადგენილი პერიოდულობით, საქმიანობის ანგარიშის მომზადება და უფლებამოსილი პირებისათვის წარდგენა;

დ) ამ დებულებითა და სხვა ნორმატიული აქტებით გათვალისწინებული იმ ფუნქციების განხორციელება, რაც დაკავშირებულია სამსახურის მიზანთან;

ე) ცენტრის დირექტორისა და კურატორი მოადგილის მითითებებისა და დავალებების შესრულება.“.