„საქართველოს იუსტიციის სამინისტროს მოხელეთა ვაკანტური თანამდებობის დასაკავებლად დამატებითი საკვალიფიკაციო მოთხოვნების დამტკიცების შესახებ“ საქართველოს იუსტიციის მინისტრის 2015 წლის 4 ივნისის №76 ბრძანებაში ცვლილების შეტანის თაობაზე

1. ბრძანების პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) საერთაშორისო სასამართლოებში სახელმწიფო წარმომადგენლობის დეპარტამენტის მოხელეთათვის (დანართი №2);“.

2. ბრძანებით დამტკიცებული დანართი №2-ის:

ა) სათაური ჩამოყალიბდეს შემდეგი რედაქციით:

„საერთაშორისო სასამართლოებში სახელმწიფო წარმომადგენლობის დეპარტამენტის მოხელეთა დამატებითი საკვალიფიკაციო მოთხოვნები“;

ბ) პირველი პუნქტი ჩამოყალიბდეს შემდეგი რედაქციით:

„1. დეპარტამენტის უფროსი

• უმაღლესი იურიდიული განათლება, მაგისტრის ხარისხი (სასურველია − დასავლურ ქვეყნებში მიღებული ხარისხი);
• ადამიანის უფლებათა დაცვის სფეროში არანაკლებ 5-წლიანი სამუშაო გამოცდილება;
• მენეჯერულ პოზიციაზე მუშაობის არანაკლებ 3-წლიანი გამოცდილება;
• საერთაშორისო საჯარო სამართლის ცოდნა;
• ადამიანის უფლებათა საერთაშორისო სამართლის ცოდნა;
• ინგლისური ენის სრულყოფილი ცოდნა;
• ინგლისურ ენაზე სამართლებრივი დოკუმენტების მომზადების გამოცდილება;
• საერთაშორისო ორგანიზაციებსა და ადგილობრივ არასამთავრობო ორგანიზაციებთან თანამშრომლობის გამოცდილება.

ნორმატიული აქტები, სხვა თემატიკა და დოკუმენტები:

• „საქართველოს კონსტიტუცია“;
• ადამიანის უფლებათა ევროპული კონვენცია და მისი დამატებითი ოქმები http://www.echr.coe.int/Documents/Convention_ENG.pdf;

• ადამიანის უფლებათა ევროპული სასამართლოს პრეცედენტური სამართლით დადგენილი ძირითადი სტანდარტები
  http://www.echr.coe.int/Pages/home.aspx?p=caselaw/analysis&c=#n13693846752619364551309_pointer;
  www.hudoc.echr.coe.int;

• ევროპის საბჭოს მინისტრთა კომიტეტის გადაწყვეტილებათა აღსრულებაზე ზედამხედველობის წესები

https://wcd.coe.int/ViewDoc.jsp?id=999329;

http://www.coe.int/t/dghl/monitoring/execution/Documents/Doc_ref_en.asp;

• საქართველოსთან მიმართებით ადამიანის უფლებათა ევროპული სასამართლოს მიერ გამოტანილ გადაწყვეტილებათა/განჩინებათა აღსრულებაზე ევროპის საბჭოს მიერ მიღებული რეზოლუციები

http://www.justice.gov.ge/Ministry/Index/144;

• საქართველოს მთავრობის 2013 წლის 30 დეკემბრის №389 დადგენილებით დამტკიცებული „საქართველოს იუსტიციის სამინისტროს დებულება“;
• სისხლის სამართლის საერთაშორისო სასამართლოს რომის წესდება (სტატუტი);
• სამოქალაქო და პოლიტიკური უფლებების შესახებ საერთაშორისო პაქტი;
• გაერთიანებული ერების ორგანიზაციის წესდება.“;

გ) მე-6 პუნქტის შემდეგ დაემატოს შემდეგი შინაარსის მე-7 პუნქტი:

7. დეპარტამენტის მრჩეველი

• უმაღლესი იურიდიული განათლება (სასურველია − მაგისტრის ხარისხი);
• იურიდიულ სფეროში მუშაობის გამოცდილება (არანაკლებ, 1 წელი);
• საერთაშორისო საჯარო სამართლის ცოდნა;
• ინგლისური ენის სრულყოფილად ფლობა;
• კომპიუტერული პროგრამების  (MS Office: Outlook, Word, Excel, PowerPoint) ცოდნა;
• პროექტების მართვის გამოცდილება;

ნორმატიული აქტები და სხვა თემატიკა:

• „საქართველოს კონსტიტუცია“;
• „სახელშეკრულებო სამართლის შესახებ“ ვენის 1969 წლის კონვენცია;
• გაერთიანებული ერების ორგანიზაციის წესდება;
• „სამოქალაქო და პოლიტიკური უფლებების შესახებ“ საერთაშორისო პაქტი;
• „საქართველოს საერთაშორისო ხელშეკრულებების შესახებ“ საქართველოს კანონი;
• „ნორმატიული აქტების შესახებ“ საქართველოს კანონი;
• საქართველოს მთავრობის 2013 წლის 30 დეკემბრის №389 დადგენილებით დამტკიცებული „საქართველოს იუსტიციის სამინისტროს დებულება“;
• ადამიანის უფლებათა დაცვის ორგანოები გაერო-ს სისტემაში

http://www.ohchr.org/EN/HRBodies/Pages/HumanRightsBodies.aspx;

• ადამიანის უფლებათა დაცვის ორგანოები ევროპის საბჭოში:
• ადამიანის უფლებათა და თავისუფლებათა დაცვის ევროპული კონვენცია და ევროპული სასამართლო

http://www.echr.coe.int/Pages/home.aspx?p=home&c.“.

3. ბრძანებით დამტკიცებული დანართ №11-ს დაემატოს შემდეგი შინაარსის  4¹  პუნქტი:

„4¹. სამსახურებრივი შემოწმების სამმართველოს მრჩეველი (სატელეფონო ოპერატორი)

• უმაღლესი განათლება − ბაკალავრის ხარისხი;
• კომპიუტერული პროგრამების (Word, Excel) კარგად  ცოდნა;
• სასურველია უცხო ენის ცოდნა (რუსული, ინგლისური).

     ნორმატიული აქტები:

• „საჯარო სამსახურის შესახებ“ საქართველოს კანონი;
• „საჯარო სამართლის იურიდიული პირის შესახებ“ საქართველოს კანონი;
• საქართველოს მთავრობის 2013 წლის 30 დეკემბრის №389 დადგენილებით დამტკიცებული საქართველოს იუსტიციის სამინისტროს დებულება;
• საქართველოს იუსტიციის მინისტრის 2008 წლის 17 მარტის №63 ბრძანებით დამტკიცებული „საქართველოს იუსტიციის სამინისტროს გენერალური ინსპექციის დებულება“.“.