,,საქართველოს სახელმწიფო უშიშროების სამინისტროს დებულების დამტკიცების შესახებ” საქართველოს პრეზიდენტის 2002 წლის 12 იანვრის №14 ბრძანებულებაში დამატების შეტანის თაობაზე

საქართველოს პრეზიდენტის

ბრძანებულება №237

2003 წლის 29 მაისი

ქ. თბილისი

„საქართველოს სახელმწიფო უშიშროების სამინისტროს დებულების დამტკიცების შესახებ” საქართველოს პრეზიდენტის 2002 წლის 12 იანვრის №14 ბრძანებულებაში დამატების შეტანის თაობაზე

საქართველოს სახელმწიფო უშიშროების სამინისტროს სისტემაში ორგანიზაციული და სტრუქტურული საკითხების უზრუნველყოფის მიზნით „საქართველოს სახელმწიფო უშიშროების სამინისტროს დებულების დამტკიცების შესახებ” საქართველოს პრეზიდენტის 2002 წლის 12 იანვრის №14 ბრძანებულებით დამტკიცებულ საქართველოს სახელმწიფო უშიშროების სამინისტროს დებულებაში შეტანილ იქნეს დამატება:

დებულების V თავის მე-19 მუხლს დაემატოს კახეთის რეგიონალური სამმართველო და ჩამოყალიბდეს შემდეგი რედაქციით:

„19. სამინისტროს ტერიტორიული ორგანოები არიან:

ა) აფხაზეთის ავტონომიური რესპუბლიკის სახელმწიფო უშიშროების სამინისტრო;

ბ) აჭარის ავტონომიური რესპუბლიკის სახელმწიფო უშიშროების სამინისტრო;

გ) ქალაქ თბილისის მთავარი სამმართველო;

დ) დასავლეთის რეგიონის მთავარი სამმართველო;

ე) მცხეთა-მთიანეთის რეგიონალური სამმართველო;

ვ) შიდა ქართლის რეგიონალური სამმართველო;

ზ) ქვემო ქართლის რეგიონალური სამმართველო

თ) სამცხე-ჯავახეთის რეგიონალური სამმართველო

ი) სამეგრელო-ზემო სვანეთის რეგიონალური სამმართველო;

კ) კახეთის რეგიონალური სამმართველო”.

ე. შევარდნაძე