ხულოს მუნიციპალიტეტში, მაღალმთიან დასახლებაში მუდმივად მცხოვრები პირის სტატუსის მინიჭების, შეწყვეტის, შეჩერებისა და აღდგენის საკითხებზე დამატებითი რეგულაციების დადგენის შესახებ

ა) „მაღალმთიან დასახლებაში მუდმივად მცხოვრები პირის სტატუსის მინიჭების, შეწყვეტის, შეჩერებისა და აღდგენის წესის დამტკიცების შესახებ“ საქართველოს მთავრობის 2015 წლის 19 ნოემბრის №591 დადგენილებით დამტკიცებული" მაღალმთიან დასახლებაში მუდმივად მცხოვრები პირის სტატუსის მინიჭების, შეწყვეტის, შეჩერებისა და აღდგენის წესის:

ა.ა) მე-4 მუხლის მე-3 პუნქტით გათვალისწინებულ 16 წლამდე არასრულწლოვნის კანონიერი წარმომადგენლის მიერ წარმოდგენილ განცხადებას თან უნდა დაერთოს კანონიერი წარმომადგენლის განმარტებითი ბარათი „მაღალმთიანი რეგიონების განვითარების შესახებ“ საქართველოს კანონით განსაზღვრული შეღავათებით სარგებლობის უფლების წარმოშობის შესახებ და შესაბამისი დამადასტურებელი დოკუმენტები.

ა.ბ) მე-5 მუხლის მე-4 პუნქტის „ა“ ქვეპუნქტით გათვალიწინებული დოკუმენტი (უძრავი ქონების საკუთრების ან/და სარგებლობის) დამოწმებული უნდა იყოს  ან უნდა ერთვოდეს  შესაბამის ადმინისტრაციულ ერთეულში გამგებლის წარმომადგენლის მიერ წერილობითი მომართვა ფიზიკური  პირის   მაღალმთიან დასახლებაში შინასამეურნეო საქმიანობის განხორციელების ფაქტის  დადასტურების  თაობაზე.

ა.გ) მე-5 მუხლის მე-4 პუნქტის  „ე“ ქვეპუნქტით გათვალისწინებული იმავე მაღალმთიან დასახლებაში  რეგისტრირებული  არანაკლებ  ორი  მოწმის  განცხადება დამოწმებული უნდა იყოს ნოტარიულად ან შესაბამის ადმინისტრაციულ ერთეულში გამგებლის წარმომადგენლის მიერ;