სახელმწიფო საკუთრებაში არსებული უძრავი ქონების შპს „კომპანია ბლექ სი გრუპისათვის“ პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №1474

2016 წლის 21 ივლისი

ქ. თბილისი

სახელმწიფო საკუთრებაში არსებული უძრავი ქონების შპს „კომპანია ბლექ სი გრუპისათვის“ პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული უძრავი ქონება: კასპის მუნიციპალიტეტში, სოფელ აღაიანში მდებარე 53061 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები: №1, №2, №3, №4, №5, №6, №7, №8, №9, №10, №11, №12, №13, №14, №15 (მიწის (უძრავი ქონების) საკადასტრო კოდი: №67.07.31.161) და კასპის მუნიციპალიტეტში, სოფელ აღაიანში მდებარე 26939 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები: №1, №2, №3, №4 (მიწის (უძრავი ქონების) საკადასტრო კოდი: №67.07.31.162) პირდაპირი მიყიდვის ფორმით, 422 850 (ოთხას ოცდაორი ათას რვაას ორმოცდაათი) ლარად, საკუთრებაში გადაეცეს შპს „კომპანია ბლექ სი გრუპს“ (ს/კ: 204477734).

2. ამ განკარგულების პირველი პუნქტით გათვალისწინებული უძრავი ქონების საპრივატიზებო პირობად განისაზღვროს საპრივატიზებო თანხის გადახდა შესაბამისი ხელშეკრულების გაფორმებიდან 30 (ოცდაათი) კალენდარული დღის ვადაში.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი გიორგი კვირიკაშვილი