საქართველოს სპორტისა და ახალგაზრდობის საქმეთა სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ

საქართველოს მთავრობის

განკარგულება №1462

2016 წლის 21 ივლისი

ქ. თბილისი

საქართველოს სპორტისა და ახალგაზრდობის საქმეთა სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ

1. „საქართველოს სპორტსმენთა ხელშეწყობის სახელმწიფო მიზნობრივი პროგრამის დამტკიცების შესახებ“ საქართველოს მთავრობის 2014 წლის 6 იანვრის №39 დადგენილებით დამტკიცებული პროგრამის მე-4 მუხლის მე-2 პუნქტის „გ“ ქვეპუნქტის, მე-3, მე-5, მე-8, მე-9, მე-10 და მე-12 პუნქტების, მე-8 მუხლის პირველი პუნქტის „ა.ბ“, „ბ.ბ“, „გ.ბ“, „დ“, „ე“ და „ვ“ ქვეპუნქტების, მე-4 პუნქტის „ა.გ“, „დ“ და „ე“ ქვეპუნქტების, მე-5 პუნქტის „ა.ბ“, „გ.ბ“, „დ“, „ე“ და „ვ“ ქვეპუნქტების, მე-9 მუხლის მე-3 პუნქტის „ბ.ბ“ და „ბ.დ“ ქვეპუნქტების, მე-4 პუნქტის „ა.თ“ და „ბ.დ“ ქვეპუნქტების, მე-10 და მე-12 მუხლების თანახმად, საქართველოს ფინანსთა სამინისტრომ, „საქართველოს 2016 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან, საქართველოს სპორტისა და ახალგაზრდობის საქმეთა სამინისტროს გამოუყოს 3 849 650 (სამი მილიონ რვაას ორმოცდაცხრა ათას ექვსას ორმოცდაათი) ლარი, მათ შორის:

ა) 2 595 050 (ორი მილიონ ხუთას ოთხმოცდათხუთმეტი ათას ორმოცდაათი) ლარი - სპორტის ინდივიდუალურ ოლიმპიურ სახეობებში გამართულ შეჯიბრებებში მიღწეული შედეგების მიხედვით, საქართველოს ნაკრები გუნდების წევრთა, მწვრთნელთა და შესაბამისი ეროვნული სპორტული ფედერაციების ადმინისტრაციული ჯგუფების წევრების წახალისების მიზნით (№1 დანართის თანახმად);

ბ) 226 100 (ორას ოცდაექვსი ათას ასი) ლარი – სპორტის ინდივიდუალურ არაოლიმპიურ სახეობებში გამართულ შეჯიბრებებში მიღწეული შედეგების მიხედვით, საქართველოს ნაკრები გუნდების წევრებისა და მწვრთნელთა წახალისების მიზნით (№2 დანართის თანახმად);

გ) 603 500 (ექვსას სამი ათას ხუთასი) ლარი – სპორტის ცალკეულ სათამაშო სახეობებში გამართულ შეჯიბრებებში მიღწეული შედეგების მიხედვით, საქართველოს ნაკრები გუნდების წევრთა, მწვრთნელთა, საექიმო და ადმინისტრაციული პერსონალის წახალისების მიზნით (№3 დანართის თანახმად);

დ) 425 000 (ოთხას ოცდახუთი ათასი) ლარი – ამ პუნქტის „ა“ და „ბ“ ქვეპუნქტებით გათვალისწინებული საქართველოს ნაკრები გუნდების საექიმო პერსონალის წახალისების მიზნით ( №4 დანართის თანახმად).   

2. ამ განკარგულების პირველი პუნქტით გამოყოფილი თანხის ფარგლებში:

ა) სპორტის ინდივიდუალურ ოლიმპიურ და არაოლიმპიურ სახეობებში გუნდურ და პირად-გუნდურ შეჯიბრებებში მიღწეული შედეგებისათვის, სპორტის ინდივიდუალურ ოლიმპიურ სახეობებში ეროვნული სპორტული ფედერაციების ადმინისტრაციული ჯგუფებისა და სპორტის ცალკეულ სათამაშო სახეობებში საქართველოს ნაკრები გუნდებისთვის განსაზღვრული თანხები გადანაწილდეს საქართველოს სპორტისა და ახალგაზრდობის საქმეთა სამინისტროსათვის შესაბამისი ეროვნული სპორტული ფედერაციების მიერ წარდგენილი წინადადებების საფუძველზე;

ბ) ამ განკარგულების პირველი პუნქტის „ა“ და „ბ“ ქვეპუნქტებით გათვალისწინებული საქართველოს ნაკრები გუნდების საექიმო პერსონალისათვის განსაზღვრული თანხები გადანაწილდეს საქართველოს სპორტისა და ახალგაზრდობის საქმეთა სამინისტროსათვის ა(ა)იპ – საქართველოს სპორტული მედიცინის ასოციაციის მიერ წარდგენილი წინადადების საფუძველზე.

პრემიერ-მინისტრი გიორგი კვირიკაშვილი