აღმოსავლეთ-დასავლეთის ავტომაგისტრალის ხევი-უბისა,უბისა-შორაპანი და შორაპანი-არგვეთას სექციებზე ჩქაროსნული ავტომაგისტრალის მშენებლობის დაფინანსების მიზნით, აზიის განვითარების ბანკთან, ევროპის საინვესტიციო ბანკთან, იაპონიის საერთაშორისო თანამშრომლობის სააგენტოსა და კორეის რესპუბლიკის ექსიმბანკთან (Export-Import Bank of Korea) კონსულტაციების დაწყების შესახებ

საქართველოს მთავრობის

განკარგულება №1461

 2016 წლის 21 ივლისი

ქ. თბილისი

აღმოსავლეთ-დასავლეთის ავტომაგისტრალის ხევი-უბისა, უბისა-შორაპანი და შორაპანი-არგვეთას სექციებზე ჩქაროსნული ავტომაგისტრალის მშენებლობის დაფინანსების მიზნით, აზიის განვითარების ბანკთან, ევროპის საინვესტიციო ბანკთან, იაპონიის საერთაშორისო თანამშრომლობის სააგენტოსა და კორეის რესპუბლიკის ექსიმბანკთან (Export-Import Bank of Korea) კონსულტაციების  დაწყების შესახებ

1. მიღებულ იქნეს ცნობად საქართველოს ფინანსთა სამინისტროს ინფორმაცია, აღმოსავლეთ-დასავლეთის ავტომაგისტრალის ხევი-უბისა, უბისა-შორაპანი და შორაპანი-არგვეთას სექციებზე ჩქაროსნული ავტომაგისტრალის მშენებლობის დაფინანსების მიზნით, აზიის განვითარების ბანკთან, ევროპის საინვესტიციო ბანკთან, იაპონიის საერთაშორისო თანამშრომლობის სააგენტოსა და კორეის რესპუბლიკის ექსიმბანკთან (Export-Import Bank of Korea) კონსულტაციების დაწყების შესახებ.

2. საქართველოს ფინანსთა სამინისტრომ, აღმოსავლეთ-დასავლეთის ავტომაგისტრალის ხევი-უბისა, უბისა-შორაპანი და შორაპანი-არგვეთას სექციებზე ჩქაროსნული ავტომაგისტრალის მშენებლობის დაფინანსებასთან დაკავშირებით, მიმართოს:

ა) აზიის განვითარების ბანკს და კორეის რესპუბლიკის ექსიმბანკს (Export-Import Bank of Korea), ხევი-უბისას სექციის დაფინანსებასთან დაკავშირებით;

ბ) ევროპის საინვესტიციო ბანკს, უბისა-შორაპანის სექციის დაფინანსებასთან დაკავშირებით;

გ) იაპონიის საერთაშორისო თანამშრომლობის სააგენტოს, შორაპანი-არგვეთას სექციის დაფინანსებასთან დაკავშირებით.

პრემიერ-მინისტრი                                                               გიორგი კვირიკაშვილი