ქალაქ თბილისის მუნიციპალიტეტის 100%-იანი წილობრივი მონაწილეობით დაფუძნებული შპს „თბილისის სატრანსპორტო კომპანიის“ მიერ სახელმწიფო შესყიდვის გამარტივებული ელექტრონული ტენდერის მეშვეობით განხორციელების შესახებ

საქართველოს მთავრობის

განკარგულება №1417

2016 წლის 18 ივლისი

ქ. თბილისი

ქალაქ თბილისის მუნიციპალიტეტის 100%-იანი წილობრივი მონაწილეობით დაფუძნებული შპს „თბილისის სატრანსპორტო კომპანიის“ მიერ სახელმწიფო შესყიდვის გამარტივებული ელექტრონული ტენდერის მეშვეობით განხორციელების შესახებ

 „სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადაში შეუფერხებლად ჩატარების მიზნით, შპს „თბილისის სატრანსპორტო კომპანიას“ (ს/ნ: 202886788) მიეცეს უფლება, კომპანიის საკუთრებაში არსებულ, №01.10.07.007.013 (მიწის (უძრავი ქონების)) საკადასტრო კოდით რეგისტრირებულ უძრავ ნივთზე, ბუნებრივ გაზსა და თხევად საწვავზე მომუშავე მუნიციპალური ავტობუსებისათვის საწვავგასამართი (ბუნებრივი გაზი და თხევადი საწვავი (დიზელი)) სადგურის მოწყობის მიზნით, საქონლის, მომსახურებისა და სამშენებლო სამუშაოს სახელმწიფო შესყიდვა განახორციელოს გამარტივებული ელექტრონული ტენდერის მეშვეობით, კომპანიის საკუთარი სახსრებიდან,    5 000 000 (ხუთი მილიონი) ლარის ფარგლებში.

პრემიერ-მინისტრი                                გიორგი კვირიკაშვილი