„ბოლნისის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ ბოლნისის მუნიციპალიტეტის საკრებულოს 2014 წლის 20 ოქტომბრის №39 დადგენილებაში ცვლილების შეტანის თაობაზე

1. დადგენილებით დამტკიცებული დანართი №1-ის მე-2 მუხლის მე-2 პუნქტს დაემატოს „ზ“  ქვეპუნქტი  და   ჩამოყალიბდეს  შემდეგი  რედაქციით:

„ზ) მუნიციპალიტეტის პოლიტიკის ანალიზისა და ინოვაციური პროექტების კოორდინაციის განყოფილება.“.

2. დადგენილებით   დამტკიცებულ დანართ №1-ის მე-3 მუხლს დაემატოს „ზ“ ქვეპუნქტი და ჩამოყალიბდეს შემდეგი რედაქციით:

„ზ) ბოლნისის  მუნიციპალიტეტის განვითარებისათვის სამოქმედო გეგმების შედგენას და მათ განხორციელებაზე კოორდინაციის უზრუნველყოფას, მუნიციპალიტეტის განვითარების პრიორიტეტების განსაზღვრას, მუნიციპალიტეტში არსებული პრობლემების იდენტიფიცირებას, სოციალურ-ეკონომიკური და სხვა მიზნობრივი პროგრამების თაობაზე წინადადებების შემუშავებას, გამგებლისთვის წარდგენას,  მათი  განხორციელების  ხელშეწყობას  და  მონიტორინგს.“ .

3. დადგენილებით დამტკიცებული დანართი №1-ს დაემატოს „9¹“ მუხლი და   ჩამოყალიბდეს  შემდეგი  რედაქციით:

„9¹) მუნიციპალიტეტის პოლიტიკის ანალიზისა და ინოვაციური პროექტების კოორდინაციის  განყოფილება

მუნიციპალიტეტის პოლიტიკის ანალიზისა და ინოვაციური პროექტების კოორდინაციის  განყოფილება  დადგენილი  წესით  უზრუნველყოფს:

ა)ადგილობრივი თვითმმართველობის წინაშე არსებული პრობლემებისა და მათი გამომწვევი მიზეზების იდენტიფიცირებას;

ბ) „ადგილობრივი თვითმმართველობის კოდექსი“ საქართველოს ორგანული კანონით მუნიციპალიტეტის კომპეტენციას მიკუთვნებული მუნიციპალური სერვისების კვლევასა და მის  ანალიზს;

გ) მუნიციპალიტეტის მიერ დაფუძნებული კერძო სამართლის იურიდიულ პირებსა და გამგეობის სტრუქტურულ ერთეულებთან  თანამშრომლობა, ინფორმაციის მოძიების, პრიორიტეტების  გამოყოფისა და სამოქმედო გეგმების შედგენის    კონტექსტში;

დ) მუნიციპალური სერვისების ანალიზისა და დაგეგმვის გაუმჯობესების მიზნით თანამშრომლობა საერთაშორისო ორგანიზაციებთან, სახელმწიფო ორგანოებთან, არასამთავრობო სექტორთან, ბიზნეს-სექტორთან, ინტერესჯგუფებთან და ადგილობრივ მოსახლეობასთან;

ე) მუნიციპალიტეტის განვითარების სამოქმედო გეგმისა და სტრატეგიის განხორციელებაზე ანგარიშგების, მონიტორინგისა და შეფასების განხორციელება;

ვ) გამგეობის მუშაობის შედეგების საინფორმაციო ბაზის წარმართვა და ანალიზი;

ზ) მუნიციპალიტეტის მიერ განხორციელებულ ან განსახორციელებელ ღონისძიებათა თაობაზე მონაცემების შეგროვება, დამუშავება, სტატისტიკის, ანალიზის და ერთიანი ელექტრონული  ბაზის   წარმოება. “.