„საჯარო სამართლის იურიდიული პირის – საჯარო რეესტრის ეროვნული სააგენტოს დებულების დამტკიცების შესახებ“ საქართველოს იუსტიციის მინისტრის 2016 წლის 3 მაისის №134 ბრძანებაში ცვლილების შეტანის თაობაზე

1. მე-2 მუხლის მე-2 პუნქტის:

ა) „გ“ ქვეპუნქტის შემდეგ დაემატოს შემდეგი შინაარსის „გ¹“ ქვეპუნქტი:

„გ¹) უფლებადაურეგისტრირებელი უძრავი ნივთის საკადასტრო მონაცემთა აღრიცხვა;“;

ბ) „კ“ ქვეპუნქტი ჩამოყალიბდეს შემდეგი რედაქციით:

„კ) საქართველოს ტერიტორიაზე არსებული გეოგრაფიული ობიექტების დამისამართება და ნუმერაცია, მათ შესახებ შესაბამისი გადაწყვეტილებების მიღება და მათი მისამართების შესახებ მონაცემების აღრიცხვა;“.

2. მე-18 მუხლის მე-2 პუნქტის „ბ“ – „დ“ ქვეპუნქტები ჩამოყალიბდეს შემდეგი რედაქციით:

„ბ) გეოგრაფიული ობიექტების მდებარეობისა და არსებული მისამართების იდენტიფიკაციის მიზნით სამუშაოების შესრულება (დამისამართება);

გ) საქართველოს ტერიტორიაზე არსებული გეოგრაფიული ობიექტების ნუმერაცია და მათ შესახებ მონაცემების აღრიცხვა;

დ) მისამართის მინიჭების ან ცვლილების შესახებ გადაწყვეტილების მიღება, გეოგრაფიული ობიექტის არასრული/არასწორი სამისამართო მონაცემების  დაზუსტება;“.