„საქართველოს მოსახლეობის ბუნებრივი გაზით მომარაგებისათვის საჭირო ღონისძიებების შესახებ“ საქართველოს მთავრობის 2016 წლის 25 თებერვლის №303 განკარგულებაში ცვლილების შეტანის თაობაზე

საქართველოს მთავრობის

განკარგულება №1362

2016 წლის 7 ივლისი

ქ. თბილისი

 „საქართველოს მოსახლეობის ბუნებრივი გაზით მომარაგებისათვის საჭირო ღონისძიებების შესახებ“ საქართველოს მთავრობის 2016 წლის 25 თებერვლის №303 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს მოსახლეობის ბუნებრივი გაზით მომარაგებისათვის საჭირო ღონისძიებების შესახებ“ საქართველოს მთავრობის 2016 წლის 25 თებერვლის №303 განკარგულებაში შეტანილ იქნეს ცვლილება და პირველი პუნქტის „გ“ და „თ“ ქვეპუნქტები ჩამოყალიბდეს შემდეგი რედაქციით:

„გ) ზუგდიდის მუნიციპალიტეტის სოფლების: ცაიშის, რიყეს, აბასთუმნისა და ხეცერას გაზიფიცირებისთვის საჭირო საპროექტო და სამშენებლო სამუშაოების შესრულება;“;

„თ) დუშეთის მუნიციპალიტეტის სოფელ მჭადიჯვრის და ჭართლის ადმინისტრაციულ ერთეულში შემავალი სოფლების: ჭართლის, ბუჩაანთკარის, ვაშლობის, ზენუბნის, მენესოს, მუგუდას, დოლასქედის, საქერეს, სონდას, ჩიტაურების, ჭალისოფლის, ხამუშასა და ჯუღისის გაზიფიცირებისათვის საჭირო საპროექტო სამუშაოების შესრულება, ასევე დუშეთის მუნიციპალიტეტის სოფელ ციხისძირის გაზიფიცირებისათვის საჭირო საპროექტო და სამშენებლო სამუშაოების შესრულება;“.

პრემიერ-მინისტრი                                     გიორგი კვირიკაშვილი