„საქართველოს თავდაცვის სამინისტროს მიერ შესაბამისი ღონისძიებების განხორციელების შესახებ“ საქართველოს მთავრობის 2016 წლის 18 მაისის №842 განკარგულებაში ცვლილების შეტანის თაობაზე

საქართველოს მთავრობის

განკარგულება №1358

2016 წლის 7 ივლისი

ქ. თბილისი

„საქართველოს თავდაცვის სამინისტროს მიერ შესაბამისი ღონისძიებების განხორციელების შესახებ“ საქართველოს მთავრობის 2016 წლის 18 მაისის №842 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს თავდაცვის სამინისტროს მიერ შესაბამისი ღონისძიებების განხორციელების შესახებ“ საქართველოს მთავრობის 2016 წლის 18 მაისის №842 განკარგულებაში შეტანილ იქნეს ცვლილება და ტექსტი ჩამოყალიბდეს შემდეგი რედაქციით:

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „კ“ ქვეპუნქტის თანახმად, საქართველოს თავდაცვის სამინისტრომ 2016 წლის მაისსა და ივლისში განახორციელოს ავღანეთში   „მტკიცე მხარდაჭერის მისიაში (RSM)“ მონაწილე  III მსუბუქი ქვეითი ბრიგადის 32-ე მსუბუქი ქვეითი ბატალიონის  პირად შემადგენლობასთან გადასროლისწინა მომზადების, საველე  შუალედური შეფასებითი სწავლების ჩატარების მხარდასაჭერად მონაწილე სსიპ – საქართველოს შოთა რუსთაველის თეატრისა და კინოს  სახელმწიფო უნივერსიტეტის 30 (ოცდაათი) სტუდენტის შესაბამის სამხედრო ბაზაზე კვებით უზრუნველყოფა.“.

პრემიერ - მინისტრი                                                                  გიორგი კვირიკაშვილი