საქართველოს კულტურისა და ძეგლთა დაცვის სამინისტროს სისტემაში შემავალ სსიპ - საქართველოს კინემატოგრაფიის ეროვნულ ცენტრსა და კულტურის ფედერალურ სახელმწიფო საბიუჯეტო ორგანიზაცია „რუსეთის ფედერაციის კინოფილმების სახელმწიფო ფონდს“ (კფსსო რუსეთის სახელმწიფო ფილმსაცავი „გოსფილმოფონდი“) შორის გასაფორმებელი ხელშეკრულების თაობაზე

საქართველოს მთავრობის

განკარგულება №1357

2016 წლის 7 ივლისი

ქ. თბილისი

საქართველოს კულტურისა და ძეგლთა დაცვის სამინისტროს სისტემაში შემავალ სსიპ - საქართველოს კინემატოგრაფიის ეროვნულ ცენტრსა და კულტურის ფედერალურ სახელმწიფო საბიუჯეტო ორგანიზაცია „რუსეთის ფედერაციის კინოფილმების სახელმწიფო ფონდს“ (კფსსო რუსეთის სახელმწიფო ფილმსაცავი „გოსფილმოფონდი“) შორის გასაფორმებელი ხელშეკრულების თაობაზე

 „უცხოელი კონტრაჰენტების მონაწილეობით ხელშეკრულებების გაფორმებასთან დაკავშირებულ ზოგიერთ ღონისძიებათა შესახებ“ საქართველოს მთავრობის 2010 წლის 11 მაისის №139 დადგენილების საფუძველზე , მოწონებულ იქნეს საქართველოს კულტურისა და ძეგლთა დაცვის სამინისტროს სისტემაში შემავალ სსიპ - საქართველოს კინემატოგრაფიის ეროვნულ ცენტრსა და კულტურის ფედერალურ სახელმწიფო საბიუჯეტო ორგანიზაცია „რუსეთის ფედერაციის კინოფილმების სახელმწიფო ფონდს“ (კფსსო რუსეთის სახელმწიფო ფილმსაცავი „გოსფილმოფონდი“) შორის ქართველი კინოხელოვანების მიერ 1921 წლიდან 1991 წლამდე პერიოდში შექმნილი ფილმების საწყისი მასალებიდან ასლების დასამზადებელი სამუშაოების შესრულების შესახებ ხელშეკრულების პროექტი .

პრემიერ-მინისტრი გიორგი კვირიკაშვილი