„საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე

1. 28-ე მუხლის პირველი პუნქტის „ვ“ ქვეპუნქტის შემდგომ დაემატოს შემდეგი შინაარსის „ვ¹“ ქვეპუნქტი:

„ვ¹) სამინისტროს შესაბამისი დანაყოფისათვის მინისტრის სამართლებრივი აქტით განსაზღვრული მოსამსახურეთა შეფასების წესის შესაბამისად;“.

2. 34-ე მუხლის მე-6 პუნქტის შემდგომ დაემატოს შემდეგი შინაარსის მე-7 პუნქტი:

„7. კადრების განკარგულებაში მყოფი სსიპ - საგანგებო სიტუაციების მართვის სააგენტოს 60 წლის ან მეტი ასაკის მქონე მოსამსახურე, სამსახურის ინტერესებიდან გამომდინარე, გამოცდილების, საქმიანი თვისებებისა და პროფესიული უნარ-ჩვევების გათვალისწინებით, საკუთარი სურვილით, კურატორი მინისტრის მოადგილის დასაბუთებული წარდგინებითა და მინისტრის თანხმობით, შეიძლება დანიშნულ იქნეს სამოქალაქო პირის თანამდებობაზე 1 წლის ვადით, გარდა იმ შემთხვევისა, თუ იგი ვადაზე ადრე გათავისუფლდა საქართველოს კანონმდებლობით გათვალისწინებული სხვა საფუძვლით.“.

3. 35-ე მუხლის მე-2 პუნქტის „ო“ ქვეპუნქტის შემდგომ დაემატოს შემდეგი შინაარსის „ო¹“ ქვეპუნქტი:

„ო¹) მოსამსახურის შეფასებისას არადამაკმაყოფილებელი შედეგების გამო, თუ სამინისტროს შესაბამისი დანაყოფისათვის დამტკიცებული მინისტრის სამართლებრივი აქტი ასეთ შემთხვევაში პირდაპირ ითვალისწინებს სამინისტროს მოსამსახურის გათავისუფლებას/მასთან შრომითი ურთიერთობის შეწყვეტას;“.

4. 49-ე მუხლის შემდგომ დაემატოს შემდეგი შინაარსის 49¹ მუხლი:

„მუხლი 49¹. გათავისუფლება მოსამსახურეთა შეფასებიდან გამომდინარე

სამინისტროს მოსამსახურე გათავისუფლდება დაკავებული თანამდებობიდან/დაითხოვება სამსახურიდან ან შეუწყდება შრომითი ურთიერთობა სამინისტროს შესაბამისი დანაყოფისათვის მინისტრის სამართლებრივი აქტით განსაზღვრული წესის შესაბამისად მოსამსახურეთა შეფასებისას მიღებული  უარყოფითი შედეგის გამო.“.