,,ქალაქ ამბროლაურის მუნიციპალიტეტის მერიის დებულების დამტკიცების შესახებ“ ქალაქ ამბროლაურის მუნიციპალიტეტის საკრებულოს 2014 წლის 16 ივლისის N08 დადგენილებაში ცვლილების შეტანის თაობაზე

   ა) დადგენილებით დამტკიცებული დებულების მე-6 მუხლის მე-3 პუნქტის ,,ა“ ქვეპუნქტს დაემატოს შემდეგი შინაარსის ,,ა.რ“ ქვეპუნქტი:

  ,,ა.რ) კანონით გათვალისწინებულ შემთხვევაში ან/და დელეგირებული უფლებამოსილების განხორციელების (მათ შორის, შესაბამისი გადაწყვეტილების მიღების) მიზნით ქმნის კომისიებს, რომელთა უფლებამოსილება და საქმიანოსბის წესი განისაზღვრება კანონით/უფლებამოსილების დელეგირების შესახებ ხელშეკრულებით ან/და კანონის საფუძველზე გამოცემული კანონქვემდებარე ნორმატიული აქტით“;

   ბ) დადგენილებით დამტკიცებული დებულების მე-6 მუხლის მე-3 პუნქტის ,,ა“ ქვეპუნქტს დაემატოს შემდეგი შინაარსის ,,ა.ს“ ქვეპუნქტი:

  ,,ა.ს) უფლებამოსილებას ანიჭებს ქალაქ ამბროლაურის მუნიციპალიტეტის მერიის ერთ-ერთ თანამდებობის პირს ან/და საჯარო მოხელეს ,,სამოქალაქო აქტების შესახებ“ საქართველოს კანონით განსაზღვრული ვალდებულების შესასრულებლად“;

   გ) დადგენილებით დამტკიცებული დებულების მე-14 მუხლის მესამე ნაწილს დაემატოს ,,თ” ქვეპუნქტი და იგი ჩამოყალიბდეს შემდეგი რედაქციით: 

  ,,თ) უზრუნველყოფს ,,სამოქალაქო აქტების შესახებ“ საქართველოს კანონით განსაზღვრული წესით  დაბადების რეგისტრაციის თაობაზე (თუ ბავშვი დაიბადა სამედიცინო დაწესებულების გარეთ დაბადების შესახებ სამედიცინო ცნობის გაცემის უფლებამოსილების მქონე პირის დახმარების გარეშე) შეტყობინების მიწოდებას და პირის გარდაცვალების ფაქტის დადასტურების შესახებ ოქმის შედგენას და გადაგზავნას, კანონით გათვალისწინებულ ვადაში, სახელმწიფო სერვისების განვითარების სააგენტოს ტერიტორიულ სამსახურში“.