„ზესტაფონის მუნიციპალიტეტის გამგეობის ზედამხედველობის, არქიტექტურისა და მშენებლობის სამსახურის დებულების დამტკიცების შესახებ“ ზესტაფონის მუნიციპალიტეტის საკრებულოს 2014 წლის 21 აგვისტოს №35 დადგენილებაში ცვლილებების შესახებ

1.   მე-3 მუხლის მე-3 პუნქტს დაემატოს შემდეგი შინაარსის ,,კ“ ქვეპუნქტი:

,,კ) თავისი უფლებამოსილების ფარგლებში, საქართველოს ადმინისტრაციულ სამართალდარღვევათა კოდექსით დადგენილი წესის შესაბამისად, ადგენს ადმინისტრაციულ სამართალდარღვევათა ოქმს წესდებით განსაზღვრული მომსახურების ტერიტორიის ფარგლებში. უფლებამოსილების ჯეროვნად განხორციელების მიზნით ვალდებულია, მის დაქვემდებარებაში მყოფი სტრუქტურული ერთეულიდან გამოყოს უფლებამოსილი პირები“.

2. მე-5 მუხლს დაემატოს შემდეგი შინაარსის ,,27¹“ პუნქტი:

„27¹) საქართველოს ადმინისტრაციულ სამართალდარღვევათა კოდექსის 51³, 53³, 55², 55³, 103, 107⁴, 119¹, 145, 146¹, 148-ე, 150, 150¹, 151, 152, 152², 153⁴ მუხლებით გათვალისწინებულ ადმინისტრაციულ სამართალდარღვევებზე მოახდინოს რეაგირება და შეადგინოს შესაბამისი ოქმი.

შენიშვნა: საქართველოს ადმინისტრაციულ სამართალდარღვევათა კოდექსით გათვალისწინებული ადმინისტრაციული სამართალდარღვევის საქმის წარმოება, სანქციის შეფარდება და, შესაბამისად, ოქმის გამოყენება/აღრიცხვა/ანგარიშგება ხორციელდება საქართველოს ადმინისტრაციულ სამართალდარღვევათა კოდექსითა და ზესტაფონის მუნიციპალიტეტის საკრებულოს 2015 წლის 30 ივლისის №16 დადგენილებით გათვალისწინებული წესებით“.