სს „კახეთის ენერგოდისტრიბუციისათვის“ უძრავი ქონების უსასყიდლო უზუფრუქტის უფლებით და მოძრავი ქონების თხოვების უფლებით გადაცემის თაობაზე თანხმობის მიცემის შესახებ

საქართველოს მთავრობის

განკარულება №1156

2016 წლის 17 ივნისი

ქ. თბილისი

სს „კახეთის ენერგოდისტრიბუციისათვის“ უძრავი ქონების უსასყიდლო უზუფრუქტის უფლებით და მოძრავი ქონების თხოვების უფლებით გადაცემის თაობაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოს, რომ სს „კახეთის ენერგოდისტრიბუციას“    (ს/კ: №203866824) შესაბამისი ხელშეკრულების გაფორმებიდან 10 (ათი) წლის ვადით:

ა) უსასყიდლო უზუფრუქტის უფლებით გადასცეს ამ განკარგულების №1 დანართში მითითებული უძრავი ქონება;

ბ) თხოვების უფლებით გადასცეს ამ განკარგულების №2 დანართში მითითებული მოძრავი ქონება.

2. ამ განკარგულების პირველი პუნქტით გათვალისწინებული ქონების უსასყიდლო სარგებლობის უფლებით გადაცემის პირობად განისაზღვროს ამ განკარგულების №1 და №2 დანართებით გათვალისწინებული უზუფრუქტის და თხოვების საგნების მომხმარებლებისათვის ელექტროენერგიის მიწოდების მიზნით გამოყენება.

3. ამ განკარგულების შესრულების მიზნით, საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                გიორგი კვირიკაშვილი