„საქართველოს დაზვერვის სამსახურში სამსახურის გავლის წესის დამტკიცების შესახებ“ საქართველოს დაზვერვის სამსახურის უფროსის 2016 წლის 6 აპრილის N59 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4  პუნქტის, „საქართველოს დაზვერვის სამსახურის დებულების დამტკიცების შესახებ“ საქართველოს მთავრობის 2014 წლის 19 თებერვლის №175 დადგენილებით დამტკიცებული დებულების მე-13 მუხლის „თ“ ქვეპუნქტის შესაბამისად, ვბრძანებ:

„ ა) ეწინააღმდეგება კანონმდებლობას.“;

„თავი IV¹

მოსამსახურის ქცევის წესი

მუხლი 16¹. მოსამსახურის ქცევის წესი

1. მოსამსახურე სამსახურებრივ საქმიანობაში განუხრელად უნდა იცავდეს კანონიერების, ჰუმანურობის, კეთილსინდისიერების, ადამიანის ძირითადი უფლებებისა და თავისუფლებების პატივისცემის, სამართლიანობისა და მიუკერძოებლობის, ზნეობრივ და მორალურ პრინციპებს.

2. მოსამსახურეებს შორის ურთიერთობა ემყარება განსაზღვრულ იერარქიულ წესრიგსა და დისციპლინას, სუბორდინაციასა და კოლეგიალობას. მოსამსახურე უნდა იყოს მოწესრიგებული, კოლეგებთან უნდა იქონიოს კორექტული ურთიერთობა. იმავდროულად უნდა იყოს შეურიგებელი კოლეგის მიერ დაშვებული გადაცდომის მიმართ.

3. მოსამსახურე ყოველთვის უნდა იქცეოდეს ღირსეულად, იმოქმედოს ქვეყნისა და სამსახურის ინტერესებიდან გამომდინარე და დააყენოს ისინი პირად ინტერესებზე მაღლა.

მუხლი 16².  მოსამსახურის ქცევის შეზღუდვები

1. დაუშვებელია მოსამსახურის მიერ მისთვის ცნობილი კონფიდენციალური ინფორმაციის, დოკუმენტის და პერსონალური მონაცემების გამჟღავნება, რამაც შეიძლება გამოიწვიოს მესამე პირის ინტერესის შელახვა, გარდა კანონმდებლობით გათვალისწინებული შემთხვევებისა.

2. დაუშვებელია მოსამსახურის მიერ სხვა პირთა თანდასწრებით სამსახურებრივ საკითხებზე საუბარი. მოსამსახურემ მეგობრებსა და ოჯახის წევრებთან ყოფით საუბრებში სამსახურებრივ საკითხებთან დაკავშირებით უნდა გამოიჩინოს ზომიერება და სიფრთხილე.

3. მოსამსახურეს ეკრძალება სამორინეებში, სლოტ-კლუბებში და სხვა სახის აზარტული თამაშების სალონებში სათამაშოდ და გასართობად სიარული, აგრეთვე ინტერნეტში არსებული აზარტული თამაშების ვებგვერდებზე თამაში, გარდა სადაზვერვო და ოპერატიულ ღონისძიებებთან დაკავშირებული სამსახურებრივი მოვალეობის შესრულების შემთხვევებისა.

4. მოსამსახურეს ეკრძალება სამსახურში ალკოჰოლური სასმელის მიღება და ალკოჰოლური ზემოქმედების ქვეშ ყოფნა, გარდა სადაზვერვო და ოპერატიულ ან/და ოფიციალურ ღონისძიებებთან დაკავშირებული სამსახურებრივი მოვალეობის შესრულების შემთხვევებისა.

5. მოსამსახურემ არ უნდა ისარგებლოს თავისი სტატუსით, არ გამოიყენოს სამსახურებრივი უფლებამოსილების დამადასტურებელი მოწმობები, სიმბოლოები და იდენტიფიკაციის სხვა საშუალებები  პირადი ინტერესებისათვის ან რაიმე უპირატესობის მოსაპოვებლად.           

6. მოსამსახურისათვის დაუშვებელია სამოქალაქო ტანსაცმელში ცეცხლსასროლი იარაღის ღიად, გამოსაჩენად ტარება, გარდა გადაუდებელი აუცილებლობისა.

7. მოსამსახურემ თავი უნდა შეიკავოს ნებისმიერი ისეთი მოქმედებისაგან (ალკოჰოლის მიღება უზომოდ, ამორალური საქციელი და სხვა), რომელიც ზიანს მიაყენებს მოსამსახურის ან/და სამსახურის რეპუტაციას.

მუხლი 16³. მოსამსახურის პასუხისმგებლობა

ამ თავით გათვალისწინებული ქცევის წესების დარღვევა გამოიწვევს მოსამსახურის დისციპლინურ პასუხისმგებლობას, სამსახურის უფროსის ბრძანებით დადგენილი წესის შესაბამისად.“ ;

„მუხლი 40. წოდების ვადამდე მინიჭება

1. მოსამსახურეს სპეციალური ან სამხედრო წოდება ვადამდე ენიჭება:

ა) ატესტაციის შედეგების მიხედვით;

ბ) განსაკუთრებული დამსახურებისათვის;

გ) კეთილსინდისიერი სამსახურისთვის, წახალისების წესით.

2. განსაკუთრებულ დამსახურებად სამხედრო მოსამსახურისთვის მიჩნეულ იქნეს სამსახურის გავლის პერიოდში გამოჩენილი მაღალი ინდივიდუალური სამხედრო მომზადების გამომჟღავნება, სადაზვერვო დავალების წარმატებით შესრულება ან/და მნიშვნელოვანი წვლილის შეტანა საქართველოს სახელმწიფო უსაფრთხოების უზრუნველყოფის პროცესში.“ .