საქართველოს ენერგეტიკის მინისტრის 2006 წლის 29 დეკემბერის №114 ბრძანებით დამტკიცებულ “ბუნებრივი გაზის ბაზრის წესებში“ ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

საქართველოს ენერგეტიკის მინისტრის 2006 წლის 29 დეკემბერის №114 ბრძანებით დამტკიცებულ “ბუნებრივი გაზის ბაზრის წესებში“ ცვლილების შეტანის შესახებ
დოკუმენტის ნომერი	47
დოკუმენტის მიმღები	საქართველოს ენერგეტიკის მინისტრი
მიღების თარიღი	05/07/2016
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 07/07/2016
სარეგისტრაციო კოდი	300280000.22.025.016203

PDF გადმოწერა

საქართველოს ენერგეტიკის მინისტრის 2006 წლის 29 დეკემბერის №114 ბრძანებით დამტკიცებულ „ბუნებრივი გაზის ბაზრის წესებში“ ცვლილების შეტანის შესახებ

„ელექტროენერგეტიკისა და ბუნებრივი გაზის შესახებ“ საქართველოს კანონის მე-2 მუხლის ,,ც“ პუნქტის, მე-3 მუხლის მე-3 პუნქტის ,,დ“ ქვეპუნქტისა და „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

საქართველოს ენერგეტიკის მინისტრის 2006 წლის 29 დეკემბერის №114 ბრძანებით დამტკიცებულ “ბუნებრივი გაზის ბაზრის წესებში“ შეტანილ იქნეს შემდეგი სახის ცვლილება:

1. მე-6 მუხლს მე-5 პუნქტის ,,ბ“ ქვეპუნქტი ჩამოყალიბდეს ახალი რედაქციით:

,,ბ) განაცხადით მოთხოვნილი რაოდენობები არ არის გათვალისწინებული ბუნებრივი გაზის ბალანსით, გარდა ამ მუხლის მე-5¹ პუნქტით გათვალისწინებული შემთხვევებისა.„

2. მე-6 მუხლს მე-5 პუნქტის შემდეგ დაემატოს შემდეგი შინაარსი 5¹პუნქტი:

„5¹ მომხმარებლების ბუნებრივი გაზით უწყვეტი და სტაბილური მომარაგების უზრუნველყოფის მიზნით ბუნებრივი გაზის ტრანსპორტირების ლიცენზიანტი უფლებამოსილია მიიღოს გადაწყვეტილება საანგარიშო პერიოდის განმავლობაში ბუნებრივი გაზის ბალანსით გათვალისწინებული ოდენობის ზევით ტრანსპორტირების მომსახურების გაწევის შესახებ.“

მუხლი 2

ეს ბრძანება ამოქმედდეს გამოქვეყნებისთანავე.

საქართველოს ენერგეტიკის მინისტრი კახა კალაძე